ຂ່າວຫຼ້າສຸດ

ກຳນົດເຂດໄດ້ຮັບຜົນກະທົບຈາກໄພນ້ຳຖ້ວມ ເມືອງສະໜາມໄຊ ເປັນເຂດປະສົບໄພພິບັດສຸກເສີນລະດັບຊາດ

502 25 ກ.ກ. 2018 ຂ່າວໜ້າ​ໜຶ່ງ
ກຳນົດເຂດໄດ້ຮັບຜົນກະທົບຈາກໄພນ້ຳຖ້ວມ ເມືອງສະໜາມໄຊ ເປັນເຂດປະສົບໄພພິບັດສຸກເສີນລະດັບຊາດ

    ວັນ​ທີ 24 ກໍ­ລະ­ກົດ 2018 ຫ້ອງ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ​ໄດ້​ອອກ​ແຈ້ງ​ການ​ກ່ຽວ​ກັບ​ການ​ຊ່ວຍ­ເຫຼືອ​ຜູ້​ປະ­ສົບ​ໄພ ​ທີ່​ໄດ້​ຮັບ​ຜົນ​ກະ­ທົບ​ຈາກ​ເຫດ­ການ​ອຸ­ບັດ​ຕິ​ເຫດ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ເຊ​ປຽນ-ເຊນ້ຳ​ນ້ອຍ ຢູ່​ແຂວງ​ອັດ​ຕະ​ປື ໃນ​ວັນ​ທີ 23 ກໍ­ລະ­ກົດ 2018.

   ອີງ​ຕາມ​ການ​ຕົກ­ລົງ​ຂອງ​ກອງ​ປະ­ຊຸມ​ລັດ­ຖະ­ບານ ​ສະ­ໄໝ​ສາ­ມັນ​ ປະ­ຈຳ​ເດືອນ​ກໍ­ລະ­ກົດ 2018 ຫ້ອງ​ວ່າການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ​ຂໍ​ຖື​ເປັນ​ກຽດ​ແຈ້ງ​ທິດ​ຊີ້​ນຳ ແລະ ຕົກ­ລົງ​ຂອງ​ກອງ​ປະ­ຊຸມ​ລັດ­ຖະ­ບານ​ມາ​ຍັງ​ທ່ານ​ຊາບ​ດັ່ງ­ນີ້ ລັດ­ຖະ­ບານ​ໄດ້​ປະ­ກາດ​ເອົາ​ເຂດ​ທີ່​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ​ຂອງ​ເມືອງ​ສະໜາມ​ໄຊ ແຂວງ​ອັດ​ຕະ​ປື ເປັນ​ເຂດ​ປະ­ສົບ​ໄພ­ພິ­ບັດ​ສຸກ​ເສີນ​ລະ­ດັບ​ຊາດ ມອບ​ໃຫ້​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ສົມ­ທົບ​ກັບ​ກະ­ຊວງ​ປ້ອງ​ກັນ​ປະ­ເທດ ແຂວງ​ອັດ​ຕະ​ປື ແລະ ພາກ­ສ່ວນ​ກ່ຽວ­ຂ້ອງ​ຮີບ​ຮ້ອນ​ແຕ່ງ­ຕັ້ງ​ຄະ­ນະ​ຮັບ­ຜິດ­ຊອບ ເພື່ອ​ເປັນ­ໃຈ​ກາງ​ປະ­ສານ​ງານ​ລະ­ດົມ​ທຶນ ທ້ອນ­ໂຮມ​ເອົາ​ທຶນ­ຮອນ ແລະ ວັດ­ຖຸ​ປັດ​ໄຈ​ຈາກ​ພາກ­ສ່ວນ​ຂອງ​ພາກ​ລັດ ທັງ​ສູນ​ກາງ ແລະ ທ້ອງ­ຖິ່ນ ພາກ​ເອ­ກະ​ຊົນ ຜູ້​ປະ­ກອບ​ການ ອົງ​ການ­ຈັດ­ຕັ້ງ​ສາ­ກົນ​ປະ­ຈຳ ສປປ ລາວ ແລະ ພໍ່​ແມ່​ປະ­ຊາ­ຊົນ​ລາວ​ຜູ້​ທີ່​ມີ​ນ້ຳ­ໃຈ​ສັດ­ທາ ສຳ­ລັບ​ທຶນ ແລະ ວັດ­ຖຸ​ສິ່ງ​ຂອງ​ທີ່​ລະ­ດົມ​ມາ​ໄດ້ ສະ­ເພາະ​ຢູ່​ສູນ​ກາງ​ ໃຫ້​ໄປ​ມອບ​ລວມ​ຢູ່​ຫ້ອງ­ການ​ຄະ­ນະ​ກຳ­ມະ­ການ​ປ້ອງ​ກັນ ແລະ ຄວບ​ຄຸມ​ໄພ­ພິ­ບັດ​ແຫ່ງ​ຊາດ ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ສ່ວນ​ຢູ່​ຂັ້ນ​ທ້ອງ­ຖິ່ນ (ນະ­ຄອນ­ຫຼວງ ແລະ ແຂວງ) ແມ່ນ​ໃຫ້​ມອບ​ຢູ່​ຫ້ອງ​ວ່າ­ການ​ປົກ­ຄອງ​ແຂວງ.

ຂ່າວທີ່ກ່ຽວຂ້ອງ