ເປັບ-ຊີດານ ຕົວເກງຜູ້ຈັດການແຫ່ງປີຟີຟ່າ

170 25 ກ.ກ. 2018 ວົງຈອນກີລາ
ເປັບ-ຊີດານ ຕົວເກງຜູ້ຈັດການແຫ່ງປີຟີຟ່າ

ສະຫະພັນເຕະບານນານາຊາດ (ຟີຟ່າ) ເປິດເຜີຍລາຍຊື່ຜູ້ຈັດການຊຶ່ງເຂ້ົາຊີງຕໍາແໜ່ງໂດດເດັ່ນແຫ່ງປີອອກມາແລ້ວ ມີຕົວເກງຢ່າງ ໂຈເຊບ ກວາດິໂອລ່າ ຂອງ ແມນຯ ຊິຕີ ກັບ ຊີເນດີນ ຊີດານ ອະດີດຜູ້ຈັດການທີມ ຣິວ ມາດຣິດ.

 ງານ 'FIFA THE BEST ' ຊຶ່ງມີເຈ້ົາພາບຢ່າງອົງກອນເຕະບານໃຫຍ່ສຸດຂອງໂລກປະຈໍາປີ 2018 ມີຄິວຈັດໃນເດືອນກັນຍານີ້ ທີ່ນະຄອນຫຼວງລອນດອນ ປະເທດອັງກິດ ຈຸດປະສົງເພື່ອປະກາດກຽດຕິຕິຄຸນແກ່ບຸຄະລາກອນເຕະບານ.

ສໍາລັບຈຸດໜ້່າສົນໃຈຢ່າງຜູ້ຝຶກສອນໂດດເດັ່ນ ຖືກຄາດໝາຍວ່າແຍ່ງຊີງລະຫວ່າງ ກວາດິໂອລ່າ ຊຶ່ງຄວ້າ 2 ແຊັມຢ່າງ ພຣີເມຍລີກ ອັງກິດ ແລະ ລີກ ຄັບ ທ້າແຂ່ງກັບ ຊີດານ ສັກສີແຊັມ ຢູຟ່າ ແຊມປຽນລີກ.ໃຫ້ ຣິວ ມາດຣິດ ຕໍ່ເນື່ອງສາມສະໄໝ.

ສໍາລັບຜູ້ເຂົ້າຊີງຄົນອື່ນໆກໍມີຫຼາຍຄົນເຊັ່ນ ແມັກ ອັນເລກຣີ ທີ່ໄດ້ສອງແຊັມໃຫ້ ຢູເວນຕຸສ, ສະຕານິສະລາຟ ເຊີເຊຊອຟ ຜູ້ຈັດການທີມຊາດຣັດເຊຍ ເຂ້ົາເຖິງຮອບກ່ອນຮອງຊະນະເລີດເຕະບານໂລກ 2018, ຊະລັດໂກ ດາລິຊ ໂຄ໊ຊໃຫຍ່ ກຣົວຊີ ທີ່ເຂ້ົາເຖິງນັດຊີງຊະນະເລີດ ບານໂລກຄັ້ງຫຼ້າສຸດ, ດິດິເຢ່ ເດຊັອງ ຜູ້ຈັດການໃຫຍ່ທີມຊາດຝຣັ່ງ ຊຶ່ງຄວ້າແຊັມໂລກທັງຖານະນັກເຕະ ແລະ ໂຄ໊ຊ.

 ເຈີເກນ ຄລັອບ ຜູ້ຈັດການທີມລິເວີພູນ ກັບຜົນງານໂດດເດັ່ນລາຍກາຣຢູຟ່າ ແຊັມປຽນລີກ, ດີເອໂກ ຊີເມໂອເນ່ ຜູ້ຈັດການ ແອດ.ມາດຣິດ ແຊັມ ຢູໂຣປາ ລີກ, ແກເຣັດ ເຊົາເກດ ຜູ້ຈັດການທີມຊາດອັງກິດ ທີ່ພາອັງກິດໄປໄກເຖິງຕັດເຊືອກບານໂລກ ແລະ ເອເນສໂຕ ບັນເບເດ ສອງແຊັມສອງລາຍການໃນປະເທດ ຖານະຜູ້ຈັດການທີມຂອງບາເຊໂລນາ.

ຂ່າວທີ່ກ່ຽວຂ້ອງ