ຂ່າວຫຼ້າສຸດ

ເນື້ອຫອມ 4 ທີມໃຫຍ່ພຣີເມຍ ຫຸ້ມແຍ່ງຄວ້າຊາຮ່ວມທັບ

147 25 ກ.ກ. 2018 ວົງຈອນກີລາ
ເນື້ອຫອມ 4 ທີມໃຫຍ່ພຣີເມຍ ຫຸ້ມແຍ່ງຄວ້າຊາຮ່ວມທັບ

ອິສໄມລາ ຊາ ກອງກາງດາວຮຸ່ງ ແຣນ ເນື້ອຫອມສຸດໆ ຫຼັງມີຂ່າວວ່າທີມຍິ່ງໃຫຍ່ຂອງພຣີເມຍລີກ 4 ທີມ ຫຸ້ມແຍ່ງຊື້ຕົວມາຮ່ວມທີມ ເຫດສະແດງຄວາມສາມາດໄດ້ໂດດເດັ່ນກັບທີມຊາດເຊເນກັນ ໃນເຕະບານໂລກ 2018 ຄາດຄ່າຕົວນັກເຕະສູງເຖິງ 50 ລ້ານປອນ.

ເດິະ ຊັນ ລາຍງານວ່າ ທັ້ງ ແມນຯ ຢູໄນເຕັດ, ເຊວຊີ, ລິເວີພູນ ແລະ ອາເຊນ່ອນ ຕ່າງຈັບຕາເບິ່ງນັກເຕະໄວ 20 ປີ ທີ່ຄາດວ່າມີຄ່າຕົວປະມານ 50 ລ້ານປອນ ຫຼັງຈາກທີ່ນັກເຕະສະແດງຄວາມເກັ່ງໄດ້ຢ່າງໜ້າປະທັບໃຈກັບທີມຊາດເຊເນກັນ ໃນການແຂ່ງຂັນເຕະບານໂລກ 2018 ທີ່ຣັດເຊຍ.

ນອກຈາກນີ້ແລ້ວ ບາເຊໂລນ່າ ແລະ ຢູເວນຕຸສ ຕ່າງກໍໃຫ້ຄວາມສົນໃຈປີກຕົວເກ່ັງດ້ວຍເຊ່ັນກັນ ຂະນະທີ່ ເທຍໂນ່ ເຊດີ ນາຍໜ້າຂອງ ຊາ ໄດ້ນໍານັກເຕະໃນຄວາມດູແລໄປປຽບທຽບກັບ ອຸສມານ ເດມເບເລ່ ປີກທີມຊາດຝຣັ່ງ ທີ່ເຄີຍຄ້າຝີຕີນກັບ ແຣນ ຢູ່ເລື້ອຍໆ.

ສໍາລັບ ຊາ ສ້າງຜົນງານຍິງ 5 ປະຕູ ແລະ ສົ່ງບານໃຫ້ໝູ່ຍິງອີກ 3 ຈາກ 24 ນັດໃນເວທີລີກ ອອງ ເມື່ອລະດູການທີ່ຜ່ານມາ ແລະ ຫຼາຍຄົນກໍເຊື່ອວ່າເຂົາຍັງສາມາດພັດທະນາຕົວເອງໄດ້ອີກຫຼວງຫຼາຍ.

ຂ່າວທີ່ກ່ຽວຂ້ອງ