ມີ​ຜູ້​ເສຍ​ຊີວິດ 15 ຄົນ ຍ້ອນ​ນ້ຳ​ຖ້ວມ​ຢູ່​ຈີນ

172 25 ກ.ກ. 2018 ຂ່າວຕ່າງປະເທດ
ມີ​ຜູ້​ເສຍ​ຊີວິດ 15 ຄົນ ຍ້ອນ​ນ້ຳ​ຖ້ວມ​ຢູ່​ຈີນ

   ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 15 ຄົນ ແລະ ຫາຍ​ສາບ​ສູນ​ອີກ 3 ຄົນ ຍ້ອນ​ຝົນຕົກ​ໜັກ ແລະ ນ້ຳ​ຖ້ວມ​ທີ່​ເກີດ​ຂຶ້ນ​ຢູ່​ໃນ​ເຂດ​ປົກຄອງ​ຕົນ​ເອງ​ມົງ​ໂກນ​ໃນ ຂອງ​ຈີນ.

    ເຈົ້າ​ໜ້າທີ່​ໃນ​ທ້ອງຖິ່ນ ແຈ້ງ​ໃຫ້​ຮູ້ເມື່ອ​ວັນ​ທີ 23 ກໍລະກົດ​ນີ້​ວ່າ ອົງການ​ອຸຕຸນິຍົມ ໃນ​ເຂດ​ດັ່ງກ່າວ ຕ້ອງ​ໄດ້​ນຳ​ເອົາ​ຄຳ​ແຈ້ງ​ເຕືອນ​ລະດັບ​ສີແດງ​ອອກ​ມາ ເນື່ອງ​ຈາ​ກວ່າ​ຝົນ​ຍັງ​ຈະ​ສືບຕໍ່​ຕົກ ໃນ​ຫຼາຍ​ມື້​ຕໍ່ໜ້າ ແລະ​ອາດ​ຈະ​ເຮັດ​ໃຫ້​ເກີດ​ສະພາບ​ນ້ຳນອງ ນ້ຳ​ຖ້ວມ ແລະ ດິນ​ເຈື່ອນ ຢູ່​ໃນ​ຫຼາຍ​ຕົວ​ເມືອງ​ພາຍ​ໃນ​ເຂດ​ນີ້.

    ຂ່າວ​ແຈ້ງວ່າ ມີ​ປະຊາຊົນ 338.000 ກວ່າ​ຄົນ ແລະ ເນື້ອທີ່​ປູກ​ພືດ​ປະມານ 157.000 ເຮັກຕາ ໄດ້​ຮັບ​ຜົນ​ກະທົບ​ຈາກ​ສະພາບ​ຝົນຕົກ​ໜັກ. ໃນ​ຂະນະ​ດຽວ​ກັນ ມີ​ເຮືອນ​ຖືກ​ເພພັງ​ກວ່າ 300 ຫຼັງ ແລະ​ມີ​ປະຊາຊົນ​ຕ້ອງ​ໄດ້​ອົບ​ພະ​ຍົບ​ໜີ​ໄພ 9.300 ກວ່າ​ຄົນ.

 

ຂ່າວທີ່ກ່ຽວຂ້ອງ