ຫຼອດໄຟໄຮເທັກ ໃຫ້ແສງສະຫວ່າງ ທັງເປັນກ້ອງວົງຈອນປິດໄດ້ໃນເວລາດຽວກັນ

   ຫຼອດ​ໄຟ Light cam ເປັນ​ຫຼອດ​ໄຟອັດ​ສະ​ຣິ​ຍະ​ທີ່​ສາ­ມາດ​ໃຊ້​ງານ​ເປັນ​ກ້ອງ​ວົງຈອນ​ປິດ​ໄດ້​ໃນ​ໂຕ ໂດຍ​ໂຕ​ຫຼອດ​ໄຟ​ຄ້າຍ­ຄືກັບ​ຫຼອດ​ໄຟ­ຟ້າ​ທົ່ວ​ໄປ​ ທີ່​ສາ­ມາດ​ໃສ່​ແທນ​ທີ່​ຫຼອດ​ໄຟ​ມາດ­ຕະ­ຖານ​ທົ່ວ​ໄປ​ໄດ້​ຢ່າງ​ງ່າຍ­ດາຍ ໂດຍ​ທີ່​ໂຕ​ຫຼອດ​ໄຟ​ຈະ​ມີ​ເລນ​ກ້ອງ​ວົງຈອນ​ປິດ​ທີ່​ສາ­ມາດ​ຖ່າຍ​ພາບ​ວັດ­ຖຸ​ໄດ້​ໄກສຸດ 7 ແມັດ ມີ​ລະ­ບົບ Night vision ສາມາດ​ຖ່າຍ​ພາບ​ໃນ​ບ່ອນ​ມືດ​ໄດ້ ຄວາມ​ລະອຽດ 1.080 ພິກ​ເຊວ ຜູ້​ໃຊ້​ສາ­ມາດ​ເບິ່ງພາບ​ຈາກ​ກ້ອງ​ວົງ​ຈອນ​ປິດ​ໄດ້​ຜ່ານ​ມື​ຖື ເຊິ່ງຈະ​ໄດ້​ທັງ​ພາບ ແລະ ສຽງ​ທີ່​ຊັດ​ເຈນ.

   ນອກ­ຈາກ​ນີ້ Light cam ຍັງ​ຮອງຮັບ​ການ​ໃຊ້​ງານ​ຮວມ​ກັບ​ທັງ IOS ແລະ Android ພາຍ​ໃນ​ມີ MicroSD ສຳ­ລັບເກັບ​ວິ​ດີ​ໂອ ພ້ອມ​ທັງ​ສຳ­ຮອງ​ຂໍ້​ມູນ​ເກັບ​ໄວ້ໃນ​ກ້ອງ​ຂໍ້​ມູນ​ອອນ​ລາຍ​ຕະ­ຫຼອດ​ເວ­ລາ ຫຼື ຈະ​ເລືອກ​ເກັບ​ສຳ­ຮອງ​ໄວ້​ໃນ PC ຫຼື ມື​ຖືກໍ່​ໄດ້​ຄື​ກັນ ສ່ວນ​ລາ­ຄາ​ເລີ່ມ​ຕົ້ນ​ແມ່ນ 89 ໂດ​ລາ ຄາດ​ວ່າ​ຈະ​ວາງ​ຈຳ­ໜ່າຍ​ໃນ​ເດືອນສິງ­ຫາ​ປີ 2018 ນີ້.