ຂ່າວຫຼ້າສຸດ

ຣັກບີ້ແຫ່ງຊາດ ສະຫຼອງການເຕີບໃຫຍ່ ຊາຍຟັນ ພາສອິດແບັກ

159 24 ກ.ກ. 2018 ວົງຈອນກີລາ
ຣັກບີ້ແຫ່ງຊາດ ສະຫຼອງການເຕີບໃຫຍ່ ຊາຍຟັນ ພາສອິດແບັກ

   ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ຮ່ວມ​ກັບ​ສະ­ຖານ​ທູດ​ອອສ​ເຕຣ​ເລຍ ປະ­ຈຳ ສປປ ລາວ ສະ­ເຫຼີມ­ສະ­ຫຼອງ​ການ​ເຕີບ​ໃຫຍ່​ຂະ­ຫຍາຍ­ຕົວ​ຂອງ​ໂຄງ­ການ ຣັກ​ບີ້ ຈຳ­ປາ​ບານ ຫຼັກ­ສູດ ຊາຍ​ຟັນ ພາ​ສ​ອິດ​ແບັກ ຢູ່​ນະ­ຄອນ­ຫຼວງ​ວຽງ​ຈັນ ໃນ​ວັນ​ທີ 13 ກໍ­ລະ­ກົດ 2018 ຜ່ານ​ມາ  ທີ່​ສະ­ຖານ­ທູດ​ອົດ​ສະ​ຕຣາ​ລີ ປະ­ຈຳ ສປປ ມີ​ທ່ານ ເບີ​ນາດ ຄາ​ຣາດ​ໂກ  ເອກ​ອັກ​ຄະ​ລັດ​ຖະ​ທູດ​ອົດ​ສະ​ຕຣາ​ລີ ປະ­ຈຳ ສປປ ລາວ ທ່ານ ສິງ​ຄຳ ນາ​ລິນ ຮອງ​ຫົວ­ໜ້າ​ກົມ​ກີ­ລາ​ລະ­ດັບ​ສູງ ກະ­ຊວງ​ສຶກ​ສາ​ທິ​ການ ແລະ ກີ­ລາ ທ່ານ ສົມ​ສະ­ໜຸກ ມີ​ໄຊ ຮອງ​ປະ­ທານ​ສະ­ມາ­ຄົມ​ນັກ​ຂ່າວ​ແຫ່ງ ສປປ ລາວ ແລະ ທ່ານ ວິ​ຣະ​ຍຸດ ຣະ​ທິ​ກຸນ ປະ­ທານ​ສະ­ຫະ­ພັນ​ຣັກ​ບີ້​ແຫ່ງ​ຊາດ​ລາວ ພ້ອມ​ດ້ວຍ​ແຂກ​ທີ່​ຖືກ​ເຊີນ ພະ­ນັກ­ງານ ຄູ​ເຝິກ ແລະ ນັກ­ກີ­ລາ ເຂົ້າ​ຮ່ວມ.

   ໂອ­ກາດ​ນີ້ ທ່ານ ວິ​ຣະ​ຍຸດ ຣະ​ທິ​ກຸນ ກ່າວ​ວ່າ: ການ​ນຳ​ໃຊ້​ຫຼັກ­ສູດ​ນີ້​ໃນ​ການ​ດຶງ​ດູດ​ໃຫ້​ຜູ້​ເຂົ້າ​ຮ່ວມ​ໃໝ່​ເປັນ​ເພດ​ຍິງ ທີ່​ມີ​ຈຳ­ນວນ​ຫຼາຍ​ກວ່າ 50% ບໍ່​ວ່າ​ຈະ​ເປັນ​ການ​ເຂົ້າ​ຮ່ວມ​ໃນ​ລະ­ດັບ​ນັກ­ກີ­ລາ ຫຼື ຄູ​ເຝິກ​ກໍ່​ຕາມ ແລະ ພວກ​ເຮົາ​ກໍ່​ມີ​ຄວາມ​ປິ​ຕິ​ຍິນ​ດີ​ຕໍ່​ກັບ​ການ​ສະ­ໜັບ­ສະ­ໜູນ​ຈາກ​ເພື່ອນ​ຮ່ວມ​ງານ​ຂອງ​ພວກ​ເຮົາ ທີ່​ບໍ່​ວ່າ​ເວ­ລາ​ໃດ​ກໍ່​ທຸ້ມ­ເທ​ຢ່າງ​ເລື້ອຍ​ມາ ອົງ­ການ​ຊາຍ​ຟັນ ແລະ ລັດ­ຖະ­ບານ​ອົດ​ສະ​ຕຣາ​ລີ ເຊິ່ງ​ຜູ້​ໃຫ້­ການ​ສະ­ໜັບ­ສະ­ໜູນ​ໃນ​ການ​ພັດ­ທະ­ນາ ແລະ ການ​ຂະ ຫຍາຍ​ຕົວ​ຂອງ​ຫຼັກ­ສູດ​ນີ້ ຢູ່ ສປປ ລາວ ແລະ ໃນ​ຂົງ­ເຂດ​ພາກ​ພື້ນ “ຊາຍ​ຟັນ ພາ​ສ​ອິດ​ແບັກ” ເປັນ​ກີ­ລາ​ທີ່​ທັນ​ສະ­ໄໝ ສຳ­ລັບ​ການ​ພັດ ທະ​ນາ​ຫຼັກ­ສູດ ເຊິ່ງ​ມີ​ເພື່ອນ​ຮ່ວມ​ງານ​ກັບ ສະ­ຫະ­ພັນ​ຣັກ​ບີ້​ໂລກ ສະ­ຫະ­ພັນ​ຣັກ​ບີ້​ອາ­ຊີ ແລະ ອົງ­ການ​ວູ​ແມນ​ວິນ ທີ່​ໄດ້​ໃຫ້­ການ​ສະ­ໜັບ­ສະ­ໜູນ​ໃຫ້​ເດັກ­ນ້ອຍ ແລະ ໄວ​ໜຸ່ມ​ຢູ່​ໃນ​ຊຸມ​ຊົນ​ທີ່​ຂາດ​ໂອ­ກາດ​ໃນ​ທົ່ວ​ອາ­ຊີບ ໄດ້​ມີ​ໂອ­ກາດ​ໃນ​ການ​ຮຽນ​ຮູ້​ກ່ຽວ​ກັບ​ຣັກ​ບີ້ ແລະ ທັກ​ສະ​ຊີ­ວິດ.

   ທັງ​ນີ້ ຫຼັກ­ສູດ​ພາ​ສ​ອິດ​ແບັກ ແມ່ນ​ໄດ້​ຖືກ​ພັດ­ທະ­ນາ​ຢູ່ ສປປ ລາວ ດ້ວຍ​ການ​ຊ່ວຍ­ເຫຼືອ​ຈາກ​ສະ­ຫະ­ພັນ​ຣັກ​ບີ້​ແຫ່ງ​ຊາດ​ລາວ ແລະ ປັດ­ຈຸ­ບັນ ສະ­ຫະ­ພັນ​ຣັກ​ບີ້ ແມ່ນ​ເປັນ​ເພື່ອນ​ຮ່ວມ​ງານ​ໃນ​ການ​ດຳ­ເນີນ​ການ​ຢ່າງ​ເປັນ​ທາງ​ການ​ຂອງ ຊາຍ​ຟັນ ພາ​ສ​ອິດ​ແບັກ ຢູ່ ສປປ ລາວ ຢ່າງ­ໃດ​ກໍ່​ຕາມ ສຳ­ລັບ​ຜົນ­ສຳ­ເລັດ​ໃນ​ລະ­ດູ​ການ​ທີ 4 ຂອງ​ການ​ນຳ​ໃຊ້​ຫຼັກ­ສູດ​ດັ່ງ­ກ່າວ​ຢູ່​ລາວ ສະ­ຫະ­ພັນ​ຣັກ​ບີ້ ໄດ້​ຮັບ​ທຶນ​ການ​ພັດ­ທະ­ນາ​ໂດຍ​ການ​ສະ­ໜັບ­ສະ­ໜູນ​ຈາກ​ສະ­ຫະ­ພັນ​ຣັກ​ບີ້​ອາ­ຊີ ເຊິ່ງ​ທຶນ​ການ​ສະ­ໜັບ­ສະ­ໜູນ​ນີ້​ແມ່ນ​ຈະ​ນຳ­ໄປ​ຂະ­ຫຍາຍ 6 ທີມ​ໃໝ່​ຢູ່​ແຂວງ​ວຽງ​ຈັນ ເຊັ່ນ​ດຽວ​ກັນ​ກັບ​ທີມ​ໃໝ່​ຢູ່​ນະ­ຄອນ­ຫຼວງ​ວຽງ​ຈັນ ເມືອງ​ແປກ  ແລະ ເມືອງ​ຄຳ ແຂວງ​ຊຽງ​ຂວາງ ອີກ​ດ້ວຍ.

ຂ່າວທີ່ກ່ຽວຂ້ອງ