ຂ່າວຫຼ້າສຸດ

ຄົນຂັບລົດຕັກຊີ ຖືກຍິງເສຍຊີວິດ 11 ຄົນຫຼັງຈາກເຂົ້າຮ່ວມງານສົບຂອງເພື່ອນຮ່ວມງານ

106 24 ກ.ກ. 2018 ຂ່າວຕ່າງປະເທດ
ຄົນຂັບລົດຕັກຊີ ຖືກຍິງເສຍຊີວິດ 11 ຄົນຫຼັງຈາກເຂົ້າຮ່ວມງານສົບຂອງເພື່ອນຮ່ວມງານ

     ຄົນຂັບລົດຕັກຊີຖືກຍິງຈົນເສຍຊີວິດ 11 ຄົນ ເມື່ອຄ່ຳຄືນວັນທີ 21 ກໍລະກົດນີ້ ໃນຂະນະທີ່ພວກເຂົາພວມເດີນທາງກັບເມືອນະຄອນ ໂຈຮັນແນສເບີກ ຂອງອາຟະຣິກກາໃຕ້ ຫຼັງຈາກ ທີ່ເຂົ້າຮ່ວມງານສົບຂອງເພື່ອນຮ່ວມງານຜູ້ໜຶ່ງ ຢູ່ໃນເມືອງ ເອມາຕີມາໂຕໂລ ທີ່ຢູ່ຫ່າງໄປຈາກທີ່ນັ້ນ ກວ່າ 500ກມ.

    ແຫຼ່ງຂ່າວຈາກຕຳຫຼວດໃຫ້ຮູ້ເມື່ອວັນທີ 22 ກໍລະກົດນີ້ວ່າ ຄົນຂັບລົດຕັກຊີກຸ່ມດັ່ງກ່າວ ຖືກພວກມືປືນດັກສະກັດຢູ່ຕາມຖະໜົນ ແລະຖືກຍິງຈົນເສຍຊີວິດຢູ່ເທິງລົດມີນີບັສຄັນໜຶ່ງ. ນອກຈາກຜູ້ເສຍຊີວິດ 11 ຄົນແລ້ວ ຍັງມີອີກ 4 ຄົນ ໄດ້ຮັບບາດເຈັບສາຫັດ.

    ໂຄສົກຂອງອົງການຕຳຫຼວດອາຟະຣິກກາໃຕ້ ເວົ້າວ່າ ຜູ້ທີ່ໄດ້ຮັບເຄາະຮ້າຍດັ່ງກ່າວທັງໝົດ ເປັນສະມາຊິກຂອງສະມາຄົມລົດຕັກຊີຂອງແຂວງ ກາວເຕັງ ຊຶ່ງເປັນແຂວງທີ່ມີ 2 ນະຄອນຂະໜາດໃຫຍ່ ໄດ້ແກ່ ເປຣໂຕເຣຍ ແລະ ໂຈຮັນແນສເບີກ.

 

ຂ່າວທີ່ກ່ຽວຂ້ອງ