ຂ່າວຫຼ້າສຸດ

ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ ເຮັດ​ໃຫ້​ເກີດ​ຄວາມ​ສ່ຽງ​ຕໍ່​ຄວາມ​ເຕີບ​ໂຕ​ທົ່ວ​ໂລກ

131 24 ກ.ກ. 2018 ຂ່າວຕ່າງປະເທດ
ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ ເຮັດ​ໃຫ້​ເກີດ​ຄວາມ​ສ່ຽງ​ຕໍ່​ຄວາມ​ເຕີບ​ໂຕ​ທົ່ວ​ໂລກ

     ແຈ້ງ​ການ​ທາງ​ສື່​ມວນ​ຊົນ ທີ່​ມີ​ອອກ​ມາ​ໃນ​ຕອນ​ທ້າຍ​ການ​ປະຊຸມ ຂອງ​ກຸ່ມ​ພື້ນຖານ​ເສດຖະກິດ ພັດທະນາ ແລະ​ເສດ​ຖິ​ກິດ​ເກີດ​ໃໝ່ (G20) ທີ່​ນະຄອນຫຼວງ ບູ​ເອນ​​ົສ ໄອ​ເຣ​​ສ ຂອງ​ອາກ​ຊັງ​ຕິນ ເມື່ອ​ວັນ​ທີ 22 ກໍລະກົດ​ນັ້ນ ບັນດາ​ລັດຖະມົນຕີ​ການ​ເງິນ​ຂອງ G20 ໄດ້​ມີ​ຄຳ​ແຈ້ງ​ເຕືອນ​ວ່າ “ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ ແລະ ພູມ​ສາດ​ການເມືອງ​ເພີ່ມ​ຂຶ້ນ” ໄດ້​ເຮັດ​ໃຫ້​ເກີດ​ຄວາມ​ສ່ຽງ ໃຫ້​ແກ່​ຄວາມ​ເຕີບ​ໂຕ​ເສດຖະກິດ​ທົ່ວ​ໂລກ. ແຈ້ງ​ການ​ດັ່ງກ່າວ ໄດ້​ເນັ້ນ​ໜັກ​ເຖິງ “ຄວາມ​ຈຳເປັນ ຕ້ອງ​ໄດ້​ເພີ່ມ​ທະວີ​ການ​ສົນທະນາ ແລະ​ດຳເນີນ​ການ ເພື່ອ​ຜ່ອນຄາຍ​ຄວາມ​ສ່ຽງ ແລະ​ເພີ່ມ​ຄວາມ​ໄວ້​ເນື້ອ​ເຊື່ອ​ໃຈ”.

    ໃນ​ແຈ້ງ​ການ​ນັ້ນ ບັນດາ​ລັດຖະມົນຕີ​ການ​ເງິນ G20 ໄດ້​ພັນ​ລະ​ນາ​ເຖິງ​ຄວາມ​ເຕີບ​ໂຕ​ເສດ ຖະ​ກິດ​ທົ່ວ​ໂລກ​ໃນ​ປັດຈຸບັນ​ວ່າ “ໝັ້ນຄົງ” ແຕ່​ກໍ​ໃຫ້​ຄວາມ​ໃສ່ໃຈ​ວ່າ ຄວາມ​ສ່ຽງ​ຕໍ່​ຄວາມ​ເຕີບ​ໂຕ​ຈະ “ເພີ່ມ​ຂຶ້ນ” ສຳລັບ “ໃນ​ໄລຍະ​ສັ້ນ ແລະ​ໄລຍະ​ປານ​ກາງ”.

    ຄວາມ​ສ່ຽງ​ເຫຼົ່ານັ້ນ ປະກອບ​ມີ​ສະພາບ​ການ​ທາງ​ດ້ານ​ການ​ເງິນ ນັບ​ມື້​ນັບ​ຮັບ​ຄວາມ​ເສຍ​ຫາຍ ໄດ້​ງ່າຍ​ຂຶ້ນ ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ ແລະ​ພູມ​ສາດ​ການເມືອງ​ເພີ່ມ​ຂຶ້ນ ເສຍ​ຄວາມ​ກ້ຳ​ເກິ່ງ ໃນ​ທົ່ວ​ໂລກ ຄວາມ​ເຕີບ​ໂຕ​ບໍ່​ແນ່ວ​ແນ່ ແລະ ອ່ອນແອ​ໃນ​ດ້ານ​ໂຄງ​ສ້າງ ໂດຍ​ສະເພາະ​ແມ່ນ ຢູ່​ໃນ​ພື້ນຖານ​ເສດຖະກິດ​ກ້າວໜ້າ​ຈຳນວນ​ໜຶ່ງ.

ຂ່າວທີ່ກ່ຽວຂ້ອງ