ອິນເດຍ-ASEAN ຫວັງໃຫ້ມູນຄ່າການຄ້າບັນລຸ 100 ຕື້ໂດລາໂດຍໄວ

65 24 ກ.ກ. 2018 ຂ່າວຕ່າງປະເທດ
ອິນເດຍ-ASEAN ຫວັງໃຫ້ມູນຄ່າການຄ້າບັນລຸ 100 ຕື້ໂດລາໂດຍໄວ

     ຂ່າວສານ PTI ອ້າງຕາມບົດປາໄສຂອງທ່ານ ຮາດິບ ຊິງ ປູຣີ ລັດຖະມົນຕີເອກະລາດ ປະຈໍາກະຊວງພັດທະນາຕົວເມືອງ ແລະ ເຮືອນຢູ່ຂອງອິນເດຍ ທີ່ກ່າວຕໍ່ວາລະອັດເວທີປາໄສ Delhi X ຊຶ່ງມີຂຶ້ນເມື່ອວັນທີ 20 ກໍລະກົດນີ້ ທີ່ນະຄອນຫຼວງ ນີວແດນລີ ວ່າການຄ້າອິນເດຍ-ASEAN ອາດຈະບັນລຸລະດັບ 100 ຕື້ ໂດລາສະຫະລັດ ພາຍໃນປີ 2020.

   ການຄ້າແບບສອງຝ່າຍ ລະຫວ່າງອິນເດຍ ກັບ ASEAN ທີ່ເກີນແດນ 80 ຕື້ໂດລາສະຫະລັດນັ້ນ ບໍ່ສະເພາະແຕ່ສະແດງອອກເຖິງຄວາມເຊື່ອໝັ້ນ ທີ່ນັບມື້ນັບເພີ່ມຂຶ້ນເທົ່ານັ້ນ ຫາກຍັງເປັນລະດັບສູງສ້າງສະຖິຕິ ນັບແຕ່ອິນເດຍ ແລະ ASEAN ເຊັນສັນຍາການຄ້າເສລີ (FTA) ເມື່ອປີ 2010 ເປັນຕົ້ນມາ ແລະ ຖ້າຫາກວ່າລະດັບຄວາມເຕີບໂຕ ທີ່ລະດັບສອງຫຼັກຕົວເລກດັ່ງກ່າວສືບຕໍ່ໄປອີກ ກໍອາດເຮັດໃຫ້ມູນຄ່າການຄ້າ ອິນເດຍ-ASEAN ແຕະລະດັບ 100 ຕື້ໂດລາສະຫະລັດ ໄດ້ພາຍໃນປີ 2020.

 ທ່ານ ປູຣີ ໃຫ້ຮູ້ວ່າ ເມື່ອບວກເຂົ້າກັນແລ້ວ ປະຊາກອນຂອງອິນເດຍ ແລະ ASEAN ມີທີ່ປະມານ 1,85 ຕື້ຄົນ ກວມເອົາ 1/4 ຂອງຈຳນວນປະຊາກອນທົ່ວໂລກ ດ້ວຍຍອດຜະລິດຕະພັນພາຍໃນປະເທດ (GDP) ບັນລຸກວ່າ 3.800 ຕື້ໂດລາສະຫະລັດ.

 

ຂ່າວທີ່ກ່ຽວຂ້ອງ