ແມນຢູ ຕົກລົງເງື່ອນໄຂສ່ວນຕົວກັບ ອະເລັກຊານໂດຣ ແລ້ວ

144 23 ກ.ກ. 2018 ວົງຈອນກີລາ
ແມນຢູ ຕົກລົງເງື່ອນໄຂສ່ວນຕົວກັບ ອະເລັກຊານໂດຣ ແລ້ວ

ດັນແຄນ ແຄສເຊິ່ນ ຜູ້ສື່ຂ່າວຄົນດັງເປີດເຜີຍວ່າ ແມນເຊສເຕີ ຢູໄນເຕັດ ທີມດັງຈາກອັງກິດ ຕົກລົງເງື່ອນໄຂສ່ວນຕົວກັບ ອະເລັກ ຊານໂດຣ ແບັກຊ້າຍຂອງ ຢູເວນຕຸສ ເປັນທີ່ຮຽບຮ້ອຍແລ້ວ.

          ທີມແມນຢູ ຕົກເປັນຂ່າວຕ້ອງການຕົວດາວເຕະຊາວບຣາຊິນຄົນນີ້ມາຕະຫຼອດໄລຍະພັກຮ້ອນ ໂດຍຫຼ້າສຸດ ຜູ້ສື່ຂ່າວງຄົນດັງໄດ້ເປີດເຜີຍວ່າສະໂມສອນດັງຈາກອັງກິດໄດ້ຕົກລົງເງື່ອນໄຂສັນຍາສ່ວນຕົວກັບນັກເຕະໄດ້ເປັນທີ່ຮຽບຮ້ອຍ.

          "ຢູເວນຕຸສ ບໍ່ຕ້ອງການທີ່ຈະຂາຍ ອະເລັກ ຊານໂດຣ ອອກຈາກທີມ ແຕ່ພວກເຂົາກໍພ້ອມທີ່ປ່ອຍຕົວອອກຈາກທີມ ເພາະພວກເຂົາຫວັງຈະໄດ້ເງິນຄ່າຕົວ" ແຄສເຊິ່ນ ກ່າວຜ່ານ ທຣານເຟີ ວິນໂດ ພັອດແຄສ.

          "ແມນເຊສເຕີ ຢູໄນເຕັດ ໄດ້ຕົກລົງເງື່ອນໄຂສ່ວນຕົວກັບ ອະເລັກ ຊານໂດຣ ໄດ້ແລ້ວ ເຂົາບໍ່ໄດ້ຮັບຄ່າແຮງສູງພໍເທົ່າໃດທີ່ ຢູເວນຕຸສ ດັ່ງນັ້ນມັນຈຶ່ງງ່າຍທີ່ຈະບອກວ່າ 'ເຮົາຈະຈ່າຍໃຫ້ເປັນສອງເທົ່າ ຖ້າເຂົາຍ້າຍມາຢູ່ກັບເຮົາ' ແລະ ທຸກຢ່າງກໍເດີນໜ້າຕໍ່ໄປ".

           "ແມນຯ ຢູໄນເຕັດ ເປັນຕົວເກງທີ່ຈະໄດ້ ແຕ່ເຂົາກໍຍັງໄດ້ຮັບຄວາມສົນໃຈຈາກ ປາຣີສ ແຊງ-ແຊກແມງ ເພາະທີມຈາກຝຣັ່ງກໍຕ້ອງການແບັກຝີຕີນໂດດເດັ່ນໄປຮ່ວມທີມ".

ຂ່າວທີ່ກ່ຽວຂ້ອງ