10 ອັນດັບທີມກີລາທີ່ມີມູນຄ່າສູງສຸດໃນໂລກ

126 23 ກ.ກ. 2018 ວົງຈອນກີລາ
10 ອັນດັບທີມກີລາທີ່ມີມູນຄ່າສູງສຸດໃນໂລກ

ດັນລັສ ຄາວບອຍ ທີມໃນເວທີອາເມຣິກັນຟຸດບອລເອັນເອຟແອລຂອງສະຫະລັດອາເມຣິກາ ຄອງອັນດັບ 1 ທີມກີລາທີ່ມີມູນຄ່າສູງສຸດໃນໂລກເປັນປີທີ 3 ຕິດຕໍ່ກັນ ຈາກການຈັດອັນດັບຂອງ “Forbs” ວາລະສານການເງິນຊື່ດັງ ໂດຍມີມູນຄ່າຢູ່ທີ່ 4,8 ຕື້ໂດລາສະຫະລັດ ເພີ່ມຂຶ້ນຈາກເມື່ອປີທີ່ຜ່ານມາ 14%.

          ດ້ານ ແມນເຊສເຕີ ຢູໄນເຕັດ ສະໂມສອນຍິ່ງໃຫຍ່ຂອງອັງກິດ ຫຍັບຈາກອັນດັບ 3 ຂຶ້ນມາຢູ່ໃນອັນດັບ 2 ມີມູນຄ່າ 4,12 ຕື້ໂດລາສະຫະລັດ ເພີ່ມຂຶ້ນຈາກເມື່ອປີກ່ອນ 12%  ສ່ວນ ຣີວ ມາດຣິດ ແຊັມຢູຟ່າ ແຊັມປຽນລີກທີມຫຼ້າສຸດ ຫຍັບຈາກອັນດັບ 5 ມາຢູ່ທີ 3 ມີມູນຄ່າ 4,08 ຕື້ໂດລາສະຫະລັດ ຕາມດ້ວຍ ບາເຊໂລນ່າ ທີມຄູ່ປັບຮ່ວມລີກແອັດສະປາຍ ມີມູນຄ່າ 4,06 ຕື້ໂດລາສະຫະລັດ.

          ຂະນະທີ່ ນິວຢອກ ແຢງກີ ທີມດັງໃນເວທີເມເຈີລີກບານບ້ວງຂອງສະຫະລັດ ຫຼົ່ນຈາກອັນດັບ 2 ໄປຢູ່ອັນດັບ 5 ໂດຍມີມູນຄ່າທີມຢູ່ທີ່ 4 ຕື້ໂດລາສະຫະລັດ ເພີ່ມຂຶ້ນຈາກປີທີ່ຜ່ານມາ 8%.

          ສ່ວນອັນດັບ 6-10 ລ້ວນເປັນທີມໃນເວທີເອັນເອຟແອລ ແລະ ເວທີບານບ້ວງເອັນບີເອຂອງສະຫະລັດທັງສິ້ນ ໄດ້ແກ່ ອັນດັບ 6 ນິວອິງແລນ ແພທຣິອັອຕສ໌ (3,7 ຕື້) ອັນດັບ 7 ນິວຢອກ ນິກສ໌ (3,6 ຕື້) ອັນດັບ 8 ລອສແອງເຈລິສ ເລເກີ ແລະ ນິວຢອກ ໄຈແອນ (3,3 ຕື້) ແລະ ອັນດັບ 10 ໂກລເດ້ນສະເຕດ ວໍຣິເອີ ແລະ ວໍຊິງຊັນ ເຣ້ດ.

ຂ່າວທີ່ກ່ຽວຂ້ອງ