"ມາດຣິດຖອດໃຈ" ເຊວຊີຢືນຢັນບໍ່ປ່ອຍອາຊາ ເຖິງຖືກຍື່ນຊື້ແພງ

162 23 ກ.ກ. 2018 ວົງຈອນກີລາ
"ມາດຣິດຖອດໃຈ" ເຊວຊີຢືນຢັນບໍ່ປ່ອຍອາຊາ ເຖິງຖືກຍື່ນຊື້ແພງ

ເຊວຊີ ຕົກເປັນຂ່າວຫຼິ້ນໄມ້ແຂງບໍ່ຍອມປ່ອຍ ເອແດັນ ອາຊາ ດາວດັງຂອງທີມ ໃຫ້ ຣິວ ມາດຣິດ ເຖິງແມ່ນໄດ້ຮັບຂໍ້ສະເໜີເຖິງ 170 ລ້ານປອນກໍຕາມ ພ້ອມຫວັງຈັບນັກເຕະແບນຊິກຄົນນີ້ຕໍ່ສັນຍາໃໝ່ອອກໄປ ຫຼັງຈາກນັກເຕະຕົກເປັນເປົ້າໝາຍຂອງ ຣິວ ມາດຣິດໃນພັກຮ້ອນນີ້.

          ດາວດັງທີມຊາດແບນຊິກ ສ້າງຜົນງານໂດດເດັ່ນໃນເຕະບານໂລກ 2018 ທີ່ຣັດເຊຍ ໂດຍພາແບນຊິກຄວ້າອັນດັບ 3 ຂອງລາຍການ ແລະ ນັ້ນກໍເຮັດໃຫ້ກອງເຊຍບານ ຣິວ ມາດຣິດ ຮຽກຮ້ອງໃຫ້ສະໂມສອນເດີນໜ້າຄວ້າຕົວມາເສີມທັບ ຫຼັງຈາກ ຄຣິສເຕຍໂນ່ ໂຣນັນໂດ ດາວຍິງທີມຊາດປອກຕຸຍການ ຍ້າຍອອກໄປໃນລາຄາ 88 ລ້ານປອນໃນໄລຍະພັກຮ້ອນນີ້.

          ອາຊາ ຍັງຄົງເຫຼືອສັນຍາກັບ ເຊວຊີ ຢູ່ອີກ 2 ປີ ຊຶ່ງນັ່ນເຮັດໃຫ້ເຊວຊີຍັງສາມາດເບົາໃຈໄດ້ແດ່ ກ່ອນທີ່ຕະຫຼາດຊື້-ຂາຍນັກເຕະໃນໄລຍະພັກຮ້ອນນີ້ຈະປິດຕົວລົງໃນໄລຍະເລີ່ມຕົ້ນເວທີພຣີເມຍລີກລະດູການ 2018-19.

          ເຊລຊີ ຈະບໍ່ຍອມຮັບຂໍ້ສະເໜີຂໍຊື້ ອາຊາ ເຖິງແມ່ນວ່າເປັນລາຄາຄ່າຕົວແພງທີ່ສຸດໃນໂລກອັນດັບ 2 iອງຈາກ ເນມາ (200 ລ້ານປອນ) ກໍຕາມ ແລະ ພວກເຂົາກໍຫວັງວ່າຈະສາມາດກ່ອມໃຫ້ນັກເຕະຢູ່ໃນຖິ່ນສະແຕມຟອດ ບຣິດ ຕໍ່ໄປ ຫຼັງຈາກປີ 2020 ໄດ້ດ້ວຍ.

          ທັ້ງນີ້ ເດິະ ມິເຣີ ສື່ອັງກິດ ລາຍງານວ່າວ່າ ເຊວຊີ ພ້ອມຍື່ນຂໍ້ສະເໜີສັນຍາສະບັບໃໝ່ໃຫ້ກັບ ອາຊາ ຊຶ່ງເປັນຄ່າແຮງສູງເຖິງອາທິດລະ 300.000 ປອນ.

ຂ່າວທີ່ກ່ຽວຂ້ອງ