ຂ່າວຫຼ້າສຸດ

ອົດສະຕຣາລີຜະລິດອຸປະກອນແຈ້ງເຕືອນນ້ຳຖ້ວມ

104 23 ກ.ກ. 2018 ຂ່າວຕ່າງປະເທດ
ອົດສະຕຣາລີຜະລິດອຸປະກອນແຈ້ງເຕືອນນ້ຳຖ້ວມ

    ເມື່ອບໍ່ດົນມານີ້ ບັນດານັກວິທະຍາສາດ ຈາກມະຫາວິທະຍາໄລເຕັກໂນໂລຊີ ກວິນສແລນ (ອົດສະຕຣາລີ) ໄດ້ສຳເລັດຜົນໃນການຜະລິດອຸປະກອນ ທີ່ສາມາດເກັບກຳຂໍ້ມູນ ແລະ ສະໜອງຂໍ້ມູນ ກ່ຽວກັບການພະຍາກອນສະພາບນ້ຳຖ້ວມ ຈາກນັ້ນບັນດາເຈົ້າໜ້າທີ່ ກໍສາມາດຮອງຮັບໄພທຳມະຊາດ ຢ່າງທັນການໄດ້ກ່ອນ.

    ທ່ານ ຣີຊາດ ບຣາວ ອາຈານສອນຈາກມະຫາວິທະຍາໄລດັ່ງກ່າວ ກ່າວຕໍ່ສື່ມວນຊົນວ່າ ຈາກການທີ່ອຸປະກອນດັ່ງກ່າວ ຊຶ່ງສາມາດຖືຕິດຕົວໄດ້ນັ້ນ ບັນດາຊ່ຽວຊານດ້ານອຸຕຸນິຍົມ ສາມາແທກລະດັບນ້ຳໃນແມ່ນ້ຳ ແລະ ສາມາດຮູ້ໄດ້ເຖິງທິດທາງໄຫຼຂອງນ້ຳນອງ ໄດ້ຢ່າງງ່າຍດາຍ.

    ອຸປະກອນດັ່ງກ່າວ ໄດ້ຮັບການອອກແບບຄືກັນກັບ ເຄື່ອງຄອມພີວເຕີຂະໜາດນ້ອຍ ທີ່ໄດ້ຮັບການປ້ອງກັນໄວ້ຢູ່ໃນກັບທີ່ເຮັດດ້ວຍຢາງ ສາມາດຟູຢູ່ເທິງໜ້ານໍ້າ ແລະ ສົ່ງຂໍ້ມູນ ທີ່ແທ້ຈິງ ຜ່ານ bluetooth ຫຼື SIM ໂທລະສັບ.

 

ຂ່າວທີ່ກ່ຽວຂ້ອງ