ສະພາ​ຕ່ຳ​ຣັດ​ເຊຍ​ຮັບຮອງ​ແຜນການ​ດັດແກ້​ອາຍຸ​ຮັບ​ເບ້​​ອຍ​ບຳນານ

192 23 ກ.ກ. 2018 ຂ່າວຕ່າງປະເທດ
ສະພາ​ຕ່ຳ​ຣັດ​ເຊຍ​ຮັບຮອງ​ແຜນການ​ດັດແກ້​ອາຍຸ​ຮັບ​ເບ້​​ອຍ​ບຳນານ

     ເມື່ອ​ວັນ​ທີ 19 ກໍລະກົດ​ນີ້ ສະພາ​ດູ​ມາ​ແຫ່ງ​ຊາດ (ສະພາ​ຕ່ຳ) ຣັດ​ເຊຍ ໄດ້​ຮັບຮອງ​ແຜນການ ກ່ຽວ​ກັບ​ການ​ດັດແກ້​ເກນ​ອາຍຸ​ຂອງ​ຜູ້​​​ອອກແຮງ​ງານ ຊຶ່ງ​ຕາມ​ນັ້ນແລ້ວ​ແມ່ນ​ກຳນົດ​ອາຍຸ​ຮັບ​ເບ້ຍ​ບຳ ນານ ທີ່ 65 ປີ ສຳລັບ​ເພດ​ຊາຍ ແລະ 63 ປີ ສຳລັບ​ເພດ​ຍິງ ໂດຍ​ຮັບຮອງ​ດ້ວຍ 32 ສຽງ​ເຫັນ​ດີ ແລະ 102 ສຽງ ມາດຕະຖານ.

    ຕາມ​ກຳນົດ​ທີ່​ໃຊ້​ຢູ່​ໃນ​ປັດຈຸບັນ ຊຶ່ງ​ນຳ​ໃຊ້​ມາ​ຕັ້ງແຕ່​ຍຸກ​ສະຫະພາບ ໂຊ​ວຽດ ນັ້ນ ຊາວ​ຜູ້​ອອກ ແຮງ​ງານ​ຢູ່​ໃນ​ຣັດ​ເຊຍ ຮັບ​ນະໂຍບາຍ​ບຳນານ​ໃນ​ໄວ 55 ປີ ສຳລັບ​ເພດ​ຍິງ ແລະ 60 ປີ ສຳລັບ​ເພດ​ຊາຍ.

    ເຖິງ​ຢ່າງໃດ​ກໍ​ຕາມ ແຜນການ​ດັ່ງກ່າວ ໄດ້​ພົບ​ກັບ​ສຽງ​ຄັດຄ້ານ​ຈາກ​ປະຊາຊົນ​ຣັດ​ເຊຍ ເປັນ​ຈຳນວນ​ຫຼາຍ ຊຶ່ງ​ຜູ້​ທີ່​ຄັດຄ້ານ​ນັ້ນ ໃຫ້​ທັດສະນະ​ວ່າ ຍ້ອນ​ອາຍຸ​ຍືນ​ສະເລ່ຍ​ຂອງ​ຊາວ​ຣັດ​ເຊຍ ນັ້ນ​ຕ່ຳ ເຮັດ​ໃຫ້​ຫຼາຍ​ຄົນ ຈະ​ບໍ່​ມີ​ຊີວິດ​ຮອດ​ເວລາ​ຮັບ​ເງິນ​ບຳນານ​ຈາກ​ລັດຖະບານ. ຜົນ​ຂອງ​ການ ສຳ​ຫຼວດ​ຫາງ​ສຽງ​ເຫັນ​ວ່າ ຊາວ​ຜູ້​ອອກແຮງ​ງານ​ໃນ​ຣັດ​ເຊຍ ກວ່າ 80% ບໍ່​ເຫັນ​ພ້ອມ​ນຳ​ການ ດັດແກ້​ອາຍຸ​ຮັບ​ເບ້​​ຍ​ບຳນານ ແລະ​ມີ​ກວ່າ 2,8 ລ້ານ​ຄົນ ໄດ້​ລົງ​ລາຍ​ເຊັນ​ໃນ​ຄຳ​ຮ້ອງ​ສະເໜີ​ຄັດຄ້ານ.

    ໃນ​ຂະນະ​ດຽວ​ກັນ ທ່ານ ມາກ​ຊິມ ໂຕ​ປີ​ລິນ ລັດຖະມົນຕີ​ແຮງ​ງານ​ຣັດ​ເຊຍ ໄດ້​ປົກ​ປ້ອງ​ແຜນການ​ດັ່ງກ່າວ​ຢ່າງ​ເດັດຂາດ ໂດຍ​ຖື​ວ່າ​ລະບົບ​ບຳນານ​ທີ່​ໃຊ້​ຢູ່​ໃນ​ປັດຈຸບັນ ຄວນ​ມີ​ການ​ປ່ຽນແປງ  ທ່າມກາງ​ທີ່​ເສດຖະກິດ​ຂອງ​ປະເທດ​ຊາດ​ມີ​ການ​ຜັນ​ແປ​ຫຼາຍ ເມື່ອ​ທຽບໃສ່​ຊຸມ​ປີ 30 ຂອງ​ສະຕະວັດ​ທີ 20 ໃນ​ຂະນະ​ທີ່​ອາຍຸ​ຍືນ​ຂອງ​ປະຊາຊົນ ກໍ​ເພີ່ມ​ຂຶ້ນ​ຫຼາຍ​ພໍ​ສົມຄວນ.

    ໃນ​ປັດຈຸບັນ​ນີ້ ອາຍຸ​ຍືນ​ສະເລ່ຍ​ຂອງ​ປະຊາຊົນ​ຣັດ​ເຊຍ ຕ່ຳ​ເມື່ອ​ທຽບໃສ່​ມາດຖານ ຂອງ​ປະເທດ​ໜຶ່ງ​ທີ່​ພັດທະນາ ໂດຍ​ຢູ່​ທີ່​ປະມານ 65 ປີ ສຳລັບ​ເພດ​ຊາຍ ແລະ 73 ປີ ສຳລັບ​ເພດ​ຍິງ.

 

ຂ່າວທີ່ກ່ຽວຂ້ອງ