ຂ່າວຫຼ້າສຸດ

EU ປະຕິບັດພາສີເພີ່ມເຕີມກັບ ຜະລິດຕະພັນເຫຼັກກ້ານຳເຂົ້າ 23 ລາຍການ

140 23 ກ.ກ. 2018 ຂ່າວຕ່າງປະເທດ
EU ປະຕິບັດພາສີເພີ່ມເຕີມກັບ ຜະລິດຕະພັນເຫຼັກກ້ານຳເຂົ້າ 23 ລາຍການ

    ນັບແຕ່ວັນທີ 19 ກໍລະກົດນີ້ເປັນຕົ້ນໄປ ສະຫະພາບເອີຣົບ (EU) ຈະປະຕິບັດລະດັບພາສີ ເພີ່ມເຕີມ 25% ກັບຜະລິດຕະພັນເຫຼັກກ້ານຳເຂົ້າ ຈຳນວນ 23 ລາຍການ ຖ້າຫາກວ່າບໍລິມາດ ການນຳເຂົ້າສິນຄ້າເຫຼົ່ານັ້ນໄປຍັງ EU ເກີນກຳນົດສະເລ່ຍຂອງສາມປີທີ່ຜ່ານມາ.

ການເຄື່ອນໄຫວດັ່ງກ່າວ ແມ່ນເພື່ອເປັນການສະກັດກັ້ນເຫຼັກກ້ານຳເຂົ້າ ທີ່ຈະເທເຂົ້າໄປ ໃນຕະຫຼາດເອີຣົບ ຫຼັງຈາກທີ່ ສ ອາເມຣິກາ ຂຶ້ນພາສີກັບເຫຼັກກ້ານຳເຂົ້າ ເມື່ອເດືອນມີນາ 2018.

ທ່ານ ເຊຊີເລຍ ມາລສຕຣອມ ກຳມະການດ້ານການຄ້າຂອງ EU ເວົ້າວ່າ ການທີ່ ສ ອາເມຣິກາ ປະຕິບັດພາສີຕໍ່ເຫຼັກກ້ານຳເຂົ້ານັ້ນ ພວມເຮັດໃຫ້ບັນດາປະເທດຜູ້ສົ່ງອອກເຫຼັກກ້າ “ຫັນທິດ” ໄປສູ່ຕະຫຼາດ EU ນຳໄປສູ່ຜົນກະທົບທີ່ບໍ່ມີຜົນປະໂຫຍດຢ່າງຮ້າຍແຮງຕໍ່ວິສາຫະກິດ ແລະ ວຽກເຮັດງານທຳໃນຂົງເຂດນີ້ຂອງ EU.

ຕາມແຜນການແລ້ວ EU ຈະສືບຕໍ່ການສືບສວນສອບສວນ ກ່ຽວກັບເຫຼັກກ້ານຳເຂົ້າ ແລະ ຜົນກະທົບຂອງມັນ ທີ່ມີຕໍ່ຂະແໜງການເຫຼັກກ້າຂອງ EU ເພື່ອວ່າ EU ຈະສາມາດນຳເອົາມາດຕະການປ້ອງກັນອອກມາ ພາຍໃນທ້າຍປີນີ້.

ຂ່າວທີ່ກ່ຽວຂ້ອງ