ຂ່າວຫຼ້າສຸດ

ອ່ານໃຈຜູ້ໃຫຍ່ອອກ

168 23 ກ.ກ. 2018 ຫົວຂໍ້ຂ່າວອື່ນໆ

ທ້າວ ເປົ້າ ນັກ​ຫາ​ປາ ແລະ ເຮັດ​ນາ​ເປັນ​ອາ­ຊີບ ເວົ້າ​ກັບ​ລຸງ ເຕີ່ງ ວ່າ: “ວານ​ນີ້​ ເຈົ້າ​ນາຍ​ແຕ່​ໃນ​ເມືອງ​ມາ ເຫັນ​ເຮົາ​ພວມ​ສານ​ແຫ ເພິ່ນ​ເລີຍ​ທ້ວງ​ວ່າ ແຫ​ເຮົາ​ງາມ ບໍ່​ມີ​ບ່ອນ​ໃດ​ທຽບ​ໄດ້”.

ລຸງ ເຕີ່ງ: “ນັ້ນ​ແປ​ວ່າ​ເຈົ້າ​ນາຍ​ຂໍ​ກິນ​ປາ​ນຳ​ໂຕ ເພາະ​ຄົນ​ລະ­ດັບ​ນາຍ​ຫັ້ນ​ ເພິ່ນ​ບໍ່​ຂໍ​ຫຍັງ​ໂດຍ​ກົງດອກ” ຫຼາຍ​ມື້­ຕໍ່­ມາ ທ້າວ​ເປົ້າ​ບອກ​ລຸງ ເຕີ່ງ ອີ​ກວ່າ:

“ເຈົ້າ​ນາຍ​ຄົນ​ເກົ່າ​ເວົ້າ​ກັບ​ເຮົາ​ເຊົ້າ​ນີ້​ວ່າ​ນາ​ເຮົາ​ງາມ”

ລຸງ ເຕີ່ງ: “ນັ້ນ​ແປ​ວ່າ​ເພິ່ນ​ຢາກ​ໄດ້​ເຂົ້າ​ນຳ​ໂຕ ມຶງ​ຮີບ​ເອົາ​ໄປ​ໃຫ້​ເພິ່ນ”

ອີກ​ໜຶ່ງ​ປີ​ຕໍ່​ມາ ທ້າວ ເປົ້າ ຮ້ອງ­ໄຫ້​ເຂົ້າ​ໄປ​ຫາ​ລຸງ ເຕີ່ງ ແລະ ເວົ້າ​ວ່າ:

“ມື້­ກ່ອນ​ເຈົ້າ​ນາຍ​ຍ້ອງ​ວ່າ​ເມຍ​ເຮົາ​ງາມ !!!”

ລຸງ ເຕີ່ງ: “?!?”.

ໂດຍ: ບ່າວກະບື

ຂ່າວທີ່ກ່ຽວຂ້ອງ