ຈະຈັດສຳມະນາການຄຸ້ມຄອງນຳໃຊ້ ແລະ ພັດທະນາສື່ໃນໄລຍະໃໝ່ ໃນທ້າຍເດືອນສິງຫານີ້

342 19 ກ.ກ. 2018 ຂ່າວໜ້າ​ໜຶ່ງ

   ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ຮ່ວມ​ກັບ​ກະ­ຊວງ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ແລະ ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ຈະ​ຈັດ​ກອງ​ປະ­ຊຸມ​ສຳ​ມະ​ນາ​ວິ­ທະ­ຍາ­ສາດ ພາຍ​ໃຕ້​ຫົວ­ຂໍ້ “ການ​ຄຸ້ມ​ຄອງ ນຳ​ໃຊ້ ແລະ ພັດ­ທະ­ນາ​ສື່​ໃນ​ໄລ­ຍະ​ໃໝ່” ເພື່ອ​ປັບ­ປຸງ ແລະ ຍົກ​ສູງ​ຄຸນ​ນະ​ພາບ​ຂອງ​ວຽກ​ງານ​ການ­ເມືອງ-ແນວ​ຄິດ​ໃຫ້​ສົມ​ຄູ່​ກັບ​ໜ້າ­ທີ່​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ ໃນ​ໄລ­ຍະ​ໃໝ່.

   ທ່ານ ສີ​ປະ­ເສີດ ແສນ​ສະ​ຫວັດ ຮອງ​ຫົວ​ນ້າ​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ກ່າວ​ໃນ​ກອງ​ປະ­ຊຸມ​ກະ­ກຽມ ເຊິ່ງ​ຈັດ​ຂຶ້ນ​ໃນ​ວັນ​ທີ 18 ກໍ­ລະ­ກົດ 2018 ນີ້​ວ່າ: ກອງ​ປະ­ຊຸມ​ສຳ​ມະ​ນາ​ວິ­ທະ­ຍາ­ສາດ​ດັ່ງ­ກ່າວ ຄາດ​ວ່າ​ຈະ​ຈັດ​ຂຶ້ນ​ໃນ​ທ້າຍ​ເດືອນ​ສິງ­ຫາ 2018 ໂດຍ​ມີ​ຈຸດ­ປະ­ສົງ​ເພື່ອ​ສ້າງ​ຄວາມ​ເປັນ​ເອ­ກະ​ພາບ ​ໃນ​ການຈັດ​ຕັ້ງ​ປະ­ຕິ­ບັດ​ມະ­ຕິ​ຂອງ​ກົມ​ການ­ເມືອງ​ສູນ​ກາງ​ພັກ ກ່ຽວ​ກັບ​ໜ້າ­ທີ່​ຕົ້ນ­ຕໍ ແລະ ມາດ​ຕະ­ການ​ລວມ​ຂອງ​ວຽກ​ງານ​ການ­ເມືອງ-ແນວ​ຄິດ ວຽກ​ງານ​ໂຄ­ສະ­ນາ​ສຶກ​ສາ​ອົບ­ຮົມ​ຂອງ​ພັກ ເພື່ອ​ປັບ­ປຸງ ແລະ ຍົກ​ສູງ​ຄຸ​ນະພາບ​ຂອງ​ວຽກ​ງານ​ການ­ເມືອງ-ແນວ​ຄິດ ໃຫ້​ສົມ​ຄູ່​ກັບ​ໜ້າ­ທີ່​ປົກ​ປັກ​ຮັກ­ສາ ແລະ ພັດ­ທະ­ນາ​ປະ­ເທດ​ຊາດ​ໃນ​ໄລ­ຍະ​ໃໝ່ ພາຍ​ໃຕ້​ສະ­ພາບ​ແວດ​ລ້ອມ​ຂອງ​ພາກ​ພື້ນ ແລະ ສາ­ກົນ ທີ່​ມີ​ການ​ຜັນ​ແປ​ໄປ​ຢ່າງ​ສັບ­ສົນ ແລະ ເພື່ອ​ເສີມ​ຂະ­ຫຍາຍ​ຄວາມ​ຮັບ­ຜິດ­ຊອບ ແລະ ຄວາມ​ເປັນ​ເຈົ້າ​ການ​ອັນ​ຕັ້ງ­ໜ້າ​ກວ່າ​ເກົ່າ ​ໃນ​ການ​ເຮັດ​ວຽກ​ການ­ເມືອງ-ແນວ​ຄິດ ກໍ່​ຄືວຽກ​ງານ​ເກັບ​ກຳ​ຫາງ​ສຽງ​ສັງ­ຄົມ ໄດ້​ຕິດ​ພັນ​ກັບ​ການ​ຄຸ້ມ​ຄອງ ນຳ​ໃຊ້ ແລະ ພັດ­ທະ­ນາ​ສື່​ໃນ​ໄລ­ຍະ​ໃໝ່ ໃຫ້​ມີ​ຄວາມ​ຄ່ອງ​ແຄ້ວ​ນີ້ມ​ນວນ ສາ­ມາດ​ຕ້ານ ແລະ ແກ້​ໄຂ​ປາ­ກົດ­ການ​ຫຍໍ້­ທໍ້​ດ້ານ​ຕ່າງໆ​ໃຫ້​ທັນ​ກັບ​ສະ­ພາບ​ການ.

ຂ່າວທີ່ກ່ຽວຂ້ອງ