ຂ່າວຫຼ້າສຸດ

ສົ່ງເສີມນຳໃຊ້ກົນຈັກທັນສະໄໝ ເຂົ້າສູ່ການຜະລິດກະສິກຳ

174 19 ກ.ກ. 2018 ຫົວຂໍ້ຂ່າວອື່ນໆ
ສົ່ງເສີມນຳໃຊ້ກົນຈັກທັນສະໄໝ ເຂົ້າສູ່ການຜະລິດກະສິກຳ

    ການ​ນຳ​ໃຊ້​ກົນ​ຈັກ​ທີ່​ທັນ​ສະ­ໄໝ​ເຂົ້າ​ໃນ​ການ​ຜະ­ລິດ​ກະ­ສິ­ກຳ​ຖື​ວ່າ​ມີ​ຄວາມ​ສຳ​ຄັັນ ແລະ ຈຳ­ເປັນ​ຍິ່ງ​ໃນ​ປັດ­ຈຸ­ບັນ ເນື່ອງ​ຈາກ​ຈະ​ຫຼຸດ­ຜ່ອນ​ກຳ­ລັງ​ແຮງ​ງານ ແລະ ຕົ້ນ​ທຶນ​ການ​ຜະ­ລິດ​ແລ້ວ​ຍັງ​ເປັນ​ການ​ປະ­ກອບ­ສ່ວນ​ຊຸກ­ຍູ້​ແນວ­ທາງ​ນະ­ໂຍ­ບາຍ​ຂອງ​ພັກ-ລັດ­ຖະ­ບານ​ວາງ​ອອກ ໂດຍ​ສະ­ເພາະ ການ​ຫັນ​ເປັນ​ອຸດ­ສາ­ຫະ­ກຳ​ທັນ​ສະ­ໄໝ​ເທື່ອ​ລະ​ກ້າວ.

    ວັນ​ທີ 17 ກໍ­ລະ­ກົດ 2018 ພະ​ແນກ​ກະ­ສິ­ກຳ ແລະ ປ່າ­ໄມ້ ນະ­ຄອນ­ຫຼວງ​ວຽງ​ຈັນ ຮ່ວມ​ກັບ​ຫ້ອງ­ການ​ກະ­ສິ­ກຳ ແລະ ປ່າ­ໄມ້ ເມືອງ​ໄຊ​ທາ­ນີ ໂດຍ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ບໍ­ລິ­ສັດ ອິນ​ຊີ​ທອງ​ຂາ​ເຂົ້າ-ຂາ​ອອກ ຈຳ­ກັດ ໄດ້​ເປີດ​ຂະ​ບວນ​ການ​ສາ­ທິດ​ການ​ນຳ​ໃຊ້​ກົນ​ຈັກ​ດຳ­ນາ​ເພື່ອ​ຫຼຸດ­ຜ່ອນ​ແຮງ​ງານ​ຄົນ​ເຊິ່ງ​ການ​ສາ­ທິດ​ຄັ້ງ​ນີ້ ຈັດ​ຂຶ້ນ​ທີ່​ບ້ານ​ໜອງ​ໂນ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ມີ​ທ່ານ ໜູ​ກີ ສີ​ຫາ​ລາດ ຮອງ​ເຈົ້າ­ເມືອງ​ໄຊ​ທາ­ນີ ທ່ານ ເກ­ສອນ ເທບ​ຄຳ​ເຮືອງ ຮອງ​ຫົວ­ໜ້າ​ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ພ້ອມ​ດ້ວຍ​ຜູ້­ຕາງ­ໜ້າ​ຈາກ​ບໍ­ລິ­ສັດ ແລະ ປະ­ຊາ­ຊົນ​ກຸ່ມ​ການ​ຜະ­ລິດ​ກະ­ສິ­ກຳ​ເຂດ​ເວີນ​ຄຳ​ເຂົ້າ​ຮ່ວມ.

    ສຳ­ລັບ​ການ​ສາ­ທິດ​ຄັ້ງ​ນີ້ ແນ­ໃສ່​ສົ່ງ­ເສີມ​ຊາວ​ກະ­ສິ­ກອນ​ຮັບ​ຮູ້ ແລະ ເຂົ້າ­ໃຈ ກ່ຽວ​ກັບ​ຜົນ​ປະ­ໂຫຍດ​ໃນ​ການ​ນຳ​ໃຊ້​ເຕັກ­ນິກ​ທັນ​ສະ­ໄໝ​ເຂົ້າ​ໃນ​ການ​ຜະ­ລິດ​ກະ­ສິ­ກຳ​ທີ່​ເພີ່ມ​ຜົນ​ຜະ­ລິດ​ແຕ່​ຫຼຸດ​ຕົ້ນ​ທຶນ ເພື່ອ​ພ້ອມ​ກັນ​ກ້າວ​ໄປ​ສູ່​ການ​ຜະ­ລິດ​ເປັນ​ສິນ­ຄ້າ​ທີ່​ທັນ​ສະ­ໄໝ ແລະ ໄດ້​ມາດ­ຕະ­ຖານ ແກ້​ໄຂ​ຊີ­ວິດ​ການ​ເປັນ​ຢູ່​ຂອງ​ຊາວ​ກະ­ສິ­ກອນ​ໃຫ້​ນັບ​ມື້​ດີ​ຂຶ້ນ​ຢ່າງ​ຕໍ່​ເນື່ອງ ປີ 2017 ພະ​ແນກ​ກະ­ສິ­ກຳ ແລະ ປ່າ­ໄມ້ ນວ ໄດ້​ຊຸກ­ຍູ້​ການ​ປູກ​ເຂົ້າ​ເນື້ອ­ທີ່​ທັງ​ໝົດ 67.540 ເຮັກ­ຕາ ເກັບ​ກ່ຽວ​ໄດ້ 100% ໃນ​ນັ້ນ​ໃຊ້​ແຮ​ງານ​ຄົນ​ປັກ​ດຳ ແລະ​ເກັບ​ກ່ຽວ 41.229 ຄົນ ຕາມ​ແຜນ​ຕ້ອງ­ການ​ຫຼຸດ­ຜ່ອນ​ແຮ​ງານ​ຄົນ​ໃຫ້​ໄດ້ 10% ເທົ່າ​ກັບ 4.123 ຄົນ ຜ່ານ​ການ​ປະ­ຕິ­ບັດ​ຕົວ​ຈິງ​ສາ­ມາດ​ປະ­ຕິ­ບັດ​ໄດ້ 4.939 ຄົນ ເທົ່າ​ກັບ 11,96% ຕໍ່​ປີ ແລະ ສຳ­ລັບ​ສົກ​ປີ 2017-2018 ທົ່ວ ນວ ມີ​ແຜນ​ປູກ​ເຂົ້າ​ໃຫ້​ໄດ້ 68.286 ເຮັກ­ຕາ ຄາດ​ຄະ­ເນ​ຜົນ​ຜະ­ລິດ 318.716 ໂຕນ.

ຂ່າວທີ່ກ່ຽວຂ້ອງ