ຂ່າວຫຼ້າສຸດ

ລົດແກ້ວ ໄດ້ 2 ລາງວັນ ພັດທະນາມາຣາທອນ 2018

147 19 ກ.ກ. 2018 ວົງຈອນກີລາ
ລົດແກ້ວ ໄດ້ 2 ລາງວັນ ພັດທະນາມາຣາທອນ 2018

   ນາງ ລົດ​ແກ້ວ ອິນ​ທະ​ກຸມ­ມານ ນັກ​ແລ່ນ​ດາວ​ຮຸ່ງ​ທີມ​ຊາດ​ລາວ ສາ­ມາດ​ຍາດ​ໄດ້​ຂັນ​ຊະ­ນະ​ເລີດ 2 ລາ­ງວັນ ກໍ່​ຄື: ຮຸ່ນ​ທົ່ວ​ໄປ​ຍິງ ແລະ ຮຸ່ນ​ອາ­ຍຸ 20-34 ປີ​ຍິງ ໃນ​ໄລ­ຍະ 10 ກິ­ໂລ­ແມັດ ໃນ​ການ​ແຂ່ງ­ຂັນ​ແລ່ນ ລາຍ­ການ ພັດ​ທະ​ຍາ ມາ​ຣາ​ທອນ 2018 (PATTAYA MARATHON 2018) ທີ່​ເມືອງ​ພັດ­ທະ­ນາ ແຂວງ​ຊົນ​ບູ​ຣີ ປະ­ເທດ​ໄທ ເປັນ​ເຈົ້າ­ພາບ ໃນ​ວັນ​ທີ 15 ກໍ­ລະ­ກົດ 2018 ຜ່ານ​ມາ.

   ນາງ ລົດ​ແກ້ວ ອິນ​ທະ​ກຸມ­ມານ ນັກ​ແລ່ນ​ດາວ​ຮຸ່ງ​ທີມ​ຊາດ​ລາວ ທີ່​ກຽມ​ເຂົ້າ​ຮ່ວມ​ການ​ແຂ່ງ­ຂັນ​ແລ່ນ 800 ແມັດ ແລະ 1.500 ແມັດ ງານ​ມະ​ຫະ​ກຳ​ກີ­ລາ​ເອ​ຊຽນ ເກມ 2018 ທີ່​ປະ­ເທດ​ອິນ​ໂດ​ເນ​ເຊຍ ເປັນ​ເຈົ້າ­ພາບ ໃນ​ເດືອນ​ສິງ­ຫາ​ຈະ​ເຖິງ​ນີ້ 2 ລາຍ­ການ ປະ­ກອບ​ມີ ລາຍ­ການ 800 ແມັດ ແລະ 1.500 ແມັດ ໄດ້​ອອກ​ເດີນ­ທາງ​ໄປ​ຮ່ວມ​ແຂ່ງ­ຂັນ​ແລ່ນ ລາຍ­ການ ພັດ​ທະ​ຍາ ມາ​ຣາ​ທອນ 2018 ໂດຍ​ການ​ແຂ່ງ­ຂັນ​ດັ່ງ­ກ່າວ ແມ່ນ​ແຂ່ງ­ຂັນ​ກັນ​ຢູ່ 4 ຮຸ່ນ ຊາຍ-ຍິງ ປະ­ກອບ​ມີ ຮຸ່ນ​ໄລ­ຍະ​ທາງ 42 ກິ­ໂລ­ແມັດ 21 ກິ­ໂລ­ແມັດ 10 ກິ­ໂລ­ແມັດ ແລະ ຮຸ່ນ​ໄລ­ຍະ​ທາງ 3 ກິ­ໂລ­ແມັດ ມີ​ນັກ­ກີ­ລາ​ເຂົ້າ​ຮ່ວມ​ທັງ​ໝົດ 3.600 ຄົນ.

   ສຳ­ລັບ​ນາງ ລົດ​ແກ້ວ ໄດ້​ລົງ​ແຂ່ງ­ຂັນ​ຮຸ່ນ​ໄລ­ຍະ ທາງ 10 ກິ­ໂລ­ແມັດ ຜ່ານ​ການ​ແຂ່ງ­ຂັນ ຜົນ​ປາ­ກົດ​ວ່າ ນາງ ລົດ​ແກ້ວ ອິນ​ທະ​ກຸມ­ມານ ສາ­ມາດ​ເຂົ້າ​ເສັ້ນ​ໄຊ​ໄດ້​ເປັນ​ອັນ​ດັບ 1 ດ້ວຍ​ເວ­ລາ 39 ນາ­ທີ 23 ວິ­ນາ­ທີ ແລະ ເຮັດ​ໃຫ້​ຄວ້າ​ລາ­ງວັນ​ຊະ­ນະ​ເລີດ​ມາ​ຄອງ​ໄດ້​ສຳ­ເລັດ ໃນ 2 ລາ­ງວັນ ປະ­ກອບ​ມີ ຮຸ່ນ​ທົ່ວ​ໄປ​ຍິງ ແລະ ຮຸ່ນ​ອາ­ຍຸ 20-34 ປີ​ຍິງ.

ຂ່າວທີ່ກ່ຽວຂ້ອງ