ຂ່າວຫຼ້າສຸດ

ກຳ­ປູ­ເຈຍ ຮັກ­ສາ​ຄວາມ​ສະ­ຫງົບ​ຢ່າງ​ເຂັ້ມ​ງວດ​ໃຫ້​ແກ່​ການ​ເລືອກ​ຕັ້ງ​ສະ­ພາ​ແຫ່ງ​ຊາດ

181 19 ກ.ກ. 2018 ຂ່າວຕ່າງປະເທດ
ກຳ­ປູ­ເຈຍ ຮັກ­ສາ​ຄວາມ​ສະ­ຫງົບ​ຢ່າງ​ເຂັ້ມ​ງວດ​ໃຫ້​ແກ່​ການ​ເລືອກ​ຕັ້ງ​ສະ­ພາ​ແຫ່ງ​ຊາດ

    ທ່ານ ເຮນ ຊາ​ຣາດ ສະ­ມາ­ຊິກ​ຂອງ​ຄະ­ນະ​ກຳ­ມະ­ການ​ການ​ເລືອກ​ຕັ້ງ​ແຫ່ງ​ຊາດ​ກຳ­ປູ­ເຈຍ (NEC) ກ່າວ​ເມື່ອ​ວັນ​ທີ 17 ກໍ­ລະ­ກົດ​ນີ້​ວ່າ ເຈົ້າ​ໜ້າ­ທີ່​ຮັກ­ສາ​ຄວາມ​ສະ­ຫງົບ​ເກືອບ 70.000 ຄົນ ຈະ​ໄດ້​ຜັນ​ຂະ­ຫຍາຍ​ການ​ປະ­ຕິ­ບັດ​ໜ້າ­ທີ່ ຢູ່​ໃນ​ສະ­ຖານ­ທີ່​ປ່ອນ​ບັດ​ທັງ​ໝົດ 22.967 ແຫ່ງ ທົ່ວ​ປະ­ເທດ ໃນ​ການ​ເລືອກ​ຕັ້ງ​ສະ­ພາ​ແຫ່ງ​ຊາດ​ກຳ­ປູ­ເຈຍ  ທີ່​ມີ​ກຳ­ນົດ​ຈັດ​ຂຶ້ນ​ໃນ​ວັນ​ທີ 29 ກໍ­ລະ­ກົດ​ນີ້.

    ທ່ານ ເຮນ ຊາ​ຣາດ ກ່າວ​ຕໍ່​ຜູ້​ສື່​ຂ່າວ​ວ່າ ໃນ​ວັນ​ເລືອກ​ຕັ້ງ​ນັ້ນ ສະ­ຖານ­ທີ່​ປ່ອນ​ບັດ​ແຕ່​ລະ​ແຫ່ງ ຈະ​ມີ​ເຈົ້າ​ໜ້າ­ທີ່​ຮັກ­ສາ​ຄວາມ​ສະ­ຫງົບ​ທີ່​ສວມ​ຊຸດ​ຄື​ກັນ​ປະ­ຈຳ​ຢູ່. ເຈົ້າ​ໜ້າ­ທີ່​ເຫຼົ່າ­ນັ້ນ ມີ­ໜ້າ​ທີ່​ສະ­ກັດ​ກັ້ນ​ທຸກໆ​ການ​ກະ­ທຳ ທີ່​ເປັນ​ການ​ກໍ່­ກວນ ຂົ່ມ­ຂູ່ ຫື​ເລື່ອງ​ໃດ​ກໍ​ຕາມ​ທີ່​ອາດ​ເກີດ​ຂຶ້ນ ພ້ອມ​ກັນ​ນັ້ນ​ກໍ​ຫ້າມ​ບຸກ­ຄົນ​ໃດ​ກໍ​ຕາມ ທີ່​ຖື​ອາ­ວຸດ ວັດ­ຖຸ​ລະ­ເບີດ ແລະ ເຄື່ອງ­ໃຊ້​ທີ່​ອັນ­ຕະ­ລາຍ ເຂົ້າ​ໄປ​ໃນ​ສະ­ຖານ­ທີ່​ປ່ອນ​ບັດ.

    ໃນ​ການ​ເລືອກ​ຕັ້ງ​ສະ­ພາ​ແຫ່ງ​ຊາດ​ຊຸດ​ທີ VI ໃນ​ວັນ​ທີ 29 ກໍ­ລະ­ກົດ​ນັ້ນ ຜູ້​ມີ​ສິດ​ເລືອກ​ຕັ້ງ​ໃນ​ກຳ­ປູ­ເຈຍ ປະ­ມານ 8,38 ລ້ານ​ຄົນ ຈະ​ໄດ້​ເລືອກ​ຕັ້ງ​ສະ­ມາ­ຊິກ​ສະ­ພາ​ແຫ່ງ​ຊາດ 125 ທ່ານ. NEC ໄດ້​ປະ­ກາດ​ໃຫ້​ຮູ້​ເຖິງ​ການ​ຮັບ​ຮູ້ 20 ພັກ​ການ­ເມືອງ ທີ່​ເຂົ້າ​ຮ່ວມ​ແຂ່ງ­ຂັນ​ຊີງ​ໄຊ​ໃນ​ການ​ເລືອກ​ຕັ້ງ​ເທື່ອ​ນີ້ ໃນ​ຂະ­ນະ​ທີ່​ບັ້ນ​ໂຄ­ສະ­ນາ​ຫາ​ສຽງ​ເລືອກ​ຕັ້ງ​ນັ້ນ​ມີ​ຂຶ້ນ​ເປັນ​ເວ­ລາ 20 ວັນ ຄື​ແຕ່​ວັນ​ທີ 7-27 ກໍ­ລະ­ກົດ.

 

ຂ່າວທີ່ກ່ຽວຂ້ອງ