ຂ່າວຫຼ້າສຸດ

ເປ​ຣູ ປະກາດ​ພາວະ​ສຸກ​ເສີນ​ຢູ່​ໃນ​ເຂດ​ຊາຍ​ແດນ​ຕິດ​ກັບ​ໂກ​ລົມ​ບີ

278 19 ກ.ກ. 2018 ຂ່າວຕ່າງປະເທດ
ເປ​ຣູ ປະກາດ​ພາວະ​ສຸກ​ເສີນ​ຢູ່​ໃນ​ເຂດ​ຊາຍ​ແດນ​ຕິດ​ກັບ​ໂກ​ລົມ​ບີ

    ເປ​ຣູ ໄດ້​ປະກາດ​ພາວະ​ສຸກ​ເສີນ ແກ່ຍາວ​ເປັນ​ເວລາ 60 ວັນ ຢູ່​ໃນ​ເຂດ​ຊາຍ​ແດນ​ທີ່​ຕິດ​ກັບ​ແຂວງ ປູ​ຕູ​ມາ​ໂຢ ຂອງ​ປະເທດ​ໂກ​ລົມ​ບີ ເພື່ອ​ຮັບປະກັນ​ຄວາມ​ສະຫງົບ ຢູ່​ໃນ​ເຂດ​ທີ່​ຖື​ວ່າ​ເປັນ​ພື້ນ​ທີ່​ການເຄື່ອນໄຫວ​ຢ່າງ​ຕັ້ງໜ້າ ຂອງ​ບັນດາ​ເປົ້າ​ໝາຍ​ຊື້​ຂາຍ​ຢາ​ເສບ​ຕິດ​ທີ່​ຜິດ​ກົດໝາຍ.

    ໃນ​ຖະແຫຼງການ​ສະບັບ​ໜຶ່ງ ທີ່​ມີ​ອອກ​ມາ​ເມື່ອ​ວັນ​ທີ 16 ກໍລະກົດ​ນັ້ນ ປະທານາທິບໍດີ​ເປ​ຣູ ມາກ​ຕິນ ວີ​​ສ​ກາ​ຣາ ໃຫ້​ຮູ້​ວ່າ ລັດຖະບານ​ຕ້ອງ​ໄດ້​ໃຊ້​ມາດ​ຕະການ​ດັ່ງກ່າວ ຍ້ອນ​ວ່າ​ເກີດ​ຄວາມ​ບໍ່​ສະຫງົບ​ຢູ່​ໃນ​ເຂດ​ລຽບ​ຕາມ​ຊາຍ​ແດນ ພ້ອມ​ທັງ​ເປັນ​ການ​ກັບ​ສູ່​ການ​ປະກົດ​ຕົວ​ຂອງ​ລັດ​ຢູ່​ທີ່​ນັ້ນ.

   ປະທານາທິບໍດີ ມາກ​ຕິນ ວີ​​ສ​ກາ​ຣາ ເວົ້າ​ວ່າ ກອງ​ກຳລັງ​ປະກອບ​ອາວຸດ ແລະ​ຕຳຫຼວດ​ເປ​ຣູ ໄດ້​ນຳ​ໃຊ້​ເຮືອບິນ 8 ລຳ ໃນ​ນັ້ນ​ມີ​ເອ​ລີ​ກອບ​ແຕ 5 ລຳ ເຂົ້າ​ຮ່ວມ​ໃນ​ການເຄື່ອນໄຫວ​ລາດຕະເວນ​ຮ່ວມ​ເປັນ​ເທື່ອ​ທຳ​ອິດ ກັບ​ກອງ​ກຳລັງ​ຂອງ​ໂກ​ລົມ​ບີ ຢູ່​ໃນ​ເຂດ​ດັ່ງກ່າວ. ຈາກ​ການເຄື່ອນໄຫວ​ດັ່ງກ່າວ ມີ 50 ກວ່າ​ຄົນ ຖືກ​ຈັບ​ກຸມ ຊຶ່ງ​ເກືອບ​ທັງ​ໝົດ​ເປັນ​ຊາວ​ໂກ​ລົມ​ບີ.

ຂ່າວທີ່ກ່ຽວຂ້ອງ