ຂ່າວຫຼ້າສຸດ

ສ ເກົາຫຼີ ຈະ​ດັດແກ້​ກົດໝາຍ​ເພື່ອ​ຊຸກຍູ້​ການເຄື່ອນໄຫວ​ແລກປ່ຽນ​ກັບ ​ສປປ ເກົາຫຼີ

155 19 ກ.ກ. 2018 ຂ່າວຕ່າງປະເທດ
ສ ເກົາຫຼີ ຈະ​ດັດແກ້​ກົດໝາຍ​ເພື່ອ​ຊຸກຍູ້​ການເຄື່ອນໄຫວ​ແລກປ່ຽນ​ກັບ ​ສປປ ເກົາຫຼີ

   ກະຊວງ​ເອກະ​ພາບ​ຂອງ ສ ເກົາຫຼີ ແຈ້ງ​ໃຫ້​ຮູ້ເມື່ອ​ວັນ​ທີ 17 ກໍລະກົດ​ນີ້​ວ່າ ສ ເກົາຫຼີ ມີ​ແຜນການ​ດັດແກ້​ກົດໝາຍ ເພື່ອ​ຊຸກຍູ້​ການເຄື່ອນໄຫວ​ແລກປ່ຽນ​ກັບ ​ສປປ ເກົາຫຼີ ແລະ ​ໜູນ​ຊ່ວຍ​ບັນດາ​ບໍລິສັດ​ຂອງ ສ ເກົາຫຼີ ທີ່​ເຮັດ​ທຸລະ​ກິດ​ກັບ ​ສປປ ເກົາຫຼີ.

    ລັດຖະບານ ສ ເກົາຫຼີ ຈະ​ພິຈາລະນາ​ຢ່າງ​ຖີ່​ຖ້ວນ​ຕໍ່​ການ​ສະເໜີ​ໃດໆ​ກໍ​ຕາມ ກ່ຽວ​ກັບ​ການ​ຈຳກັດ ແລະ​ເກືອດ​ຫ້າມ ທີ່​ກ່ຽວຂ້ອງ​ກັບ​ບັນດາ​ໂຄງການ​ເສດຖະກິດ​ທີ່​ຮ່ວມ​ກຸ່ມ​ກັບ ​ສປປ ເກົາຫຼີ. ຄຽງ​ຄູ່​ກັນ​ນັ້ນ ລັດຖະບານ ສ ເກົາຫຼີ ກໍ​ຈະ​ໃຫ້ການ​ຊ່ວຍເຫຼືອ ໃນ​ການ​ຊ່ວຍ​ໃຫ້​ມີ​ຄວາມ​ໝັ້ນຄົງ ໃນ​ການເຄື່ອນໄຫວ​ຂອງ​ບັນດາ​ບໍລິສັດ ຖ້າ​ຫາ​ກວ່າ​ເຂົາເຈົ້າ​ໄດ້​ຮັບ​ຄວາມ​ເສຍ​ຫາຍ ຈາກ​ການ​ງົດ​ການເຄື່ອນໄຫວ​ເຮັດ​ທຸລະ​ກິດ​ກັບ ​ສປປ ເກົາຫຼີ.

    ກະຊວງ​ດັ່ງກ່າວ ໃຫ້​ຮູ້​ວ່າ ການ​ນຳ​ສະເໜີ​ດັດແກ້​ກົດໝາຍ​ນັ້ນ ຈະ​ມີ​ການ​ເປີດເຜີຍ ເພື່ອ​ໃຫ້​ປວງ​ຊົນ​ຕີ​ລາຄາ ນັບ​ແຕ່​ວັນ​ທີ 23 ກໍລະກົດ​ນີ້ ໄປ​ຮອດ​ທ້າຍ​ເດືອນ​ສິງຫາ​ທີ່​ຈະ​ມາ​ເຖິງ ກ່ອນ​ທີ່​ຈະ​ມີ​ຜົນ​ບັງຄັບ​ໃຊ້./.

 

ຂ່າວທີ່ກ່ຽວຂ້ອງ