ຂ່າວຫຼ້າສຸດ

ຫ້າມບໍ່ໃຫ້ສ້າງສິ່ງກີດຂວາງ ບໍລິເວນສາຍສົ່ງໄຟຟ້າແຮງດັນສູງ

239 18 ກ.ກ. 2018 ຂ່າວໜ້າ​ໜຶ່ງ

   ເພື່ອ​ຮັບ­ປະ­ກັນ​ຄວາມ​ປອດ​ໄພ​ຕໍ່​ກັບ​ຊີ­ວິດ ຊັບ​ສິນ​ຂອງ​ປະ­ຊາ­ຊົນ ແລະ ຄວາມ​ປອດ​ໄພ​ໃນ​ການ​ດຳ­ເນີນ​ງານ ການ​ໃຊ້​ງານ ແລະ ບຳ­ລຸງ​ຮັກ­ສາ​ຂອງ​ອຸ­ປະ­ກອນ ສິ່ງ​ປະ­ກອບ​ສ້າງ​ດ້ານ​ໄຟ­ຟ້າ ຫ້ອງ­ການ​ກະ­ຊວງ​ພະ­ລັງ­ງານ ແລະ ບໍ່​ແຮ່ ໄດ້​ແຈ້ງ​ການ​ເຖິງ​ບຸກ­ຄົນ ນິ­ຕິ­ບຸກ­ຄົນ ການ­ຈັດ­ຕັ້ງ​ທັງ​ພາຍ​ໃນ ແລະ ຕ່າງ­ປະ­ເທດ​ກ່ຽວ​ກັບ​ຫ້າມ​ບໍ່​ໃຫ້​ມີ​ການ​ກໍ່­ສ້າງ​ສິ່ງ​ປຸກ​ສ້າງ ຕັ້ງ​ຖິ່ນ​ຖານ ບຸ­ກລຸກ ຫຼື ທຳ​ການ​ປູກ­ຝັງ-ລ້ຽງ­ສັດ​ຢູ່​ໃນ​ຂອບ​ເຂດ​ແລວ​ສະ­ຫງວນ​ສາຍ​ສົ່ງ​ໄຟ­ຟ້າ​ແຮງ​ດັນ​ສູງ​ໂດຍ​ບໍ່​ໄດ້​ຮັບ​ອະ­ນຸ­ຍາດ​ຄື: ຫ້າມ​ບຸກ­ຄົນ ນິ­ຕິ­ບຸກ­ຄົນ ແລະ ການ­ຈັດ­ຕັ້ງ​ດຳ­ເນີນ​ການ​ປຸກ​ສ້າງ​ບັນ­ດາ​ສິ່ງ​ກໍ່­ສ້າງ ຫຼື ຕັ້ງ​ຖິ່ນ​ຖານ ລ້ຽງ­ສັດ ແລະ ມັດ​ສັດ­ລ້ຽງ​ທຸກ​ປະ­ເພດ​ໃສ່​ຕີນ​ເສົາ​ທີ່​ນອນ​ຢູ່​ໃນ​ຂອບ​ເຂດ​ແລວ​ສະ­ຫງວນ​ສາຍ​ສົ່ງ​ໄຟ­ຟ້າ​ແຮງ​ດັນ​ສູງ​ຢ່າງ​ເດັດ­ຂາດ ຍ້ອນ​ຢູ່​ບໍ­ລິ­ເວນ​ນັ້ນ​ເປັນ​ອັນ­ຕະ­ລາຍ​ຕໍ່​ກັບ​ຄົນ ສັດ­ລ້ຽງ ຫຼື ສິ່ງ​ທີ່​ມີ​ຊີ­ວິດ​ຕ່າງໆ ເນື່ອງ​ຈາກ​ສາຍ​ສົ່ງ​ໄຟ­ຟ້າ​ມີ​ທົ່ງ​ໄຟ­ຟ້າ​ແມ່​ເຫຼັກ​ທີ່​ມີ​ຄວາມ​ເຂັ້ມ​ສູງ ຖ້າ​ຢູ່​ໃນ​ຂົງ­ເຂດ​ນັ້ນ​ເປັນ​ເວ­ລາ​ດົນ​ນານ​ຈະ​ມີ​ຄວາມ​ສ່ຽງ​ພາ­ໃຫ້​ເກີດ​ເປັນ​ມະ​ເຮັງ​ເສັ້ນ­ເລືອດ ພ້ອມ​ນັ້ນ ຍັງ​ມີ​ຄວາມ​ສ່ຽງ​ຕໍ່​ການ​ຫັກ ຫຼື ລົ້ມ​ຂອງ​ເສົາ​ໄຟ­ຟ້າ ສາຍ​ໄຟ​ຂາດ​ຕົກ​ໃສ່ ເກີດ​ຟ້າ­ຜ່າ ຫຼື ໄຟ­ຟ້າ​ລັດ​ວົງ​ຈອນ​ລົງ​ດິນ​ໃນ​ເວ­ລາ​ເກີດ​ມີ​ຝົນ­ຕົກ ຟ້າ­ຮ້ອງ ແລະ ອື່ນໆ ຫ້າມ​ແລ່ນ​ວ່າວ ປ່ອຍ​ໂຄມ­ໄຟ ປ່ອຍ​ປ້າຍ​ຄຳ​ຂວັນ ປ່ອຍ​ໝາກ​ປຸມ​ເປົ້າ ຈູດ​ບັ້ງ­ໄຟ ຫ້າມ​ລະ­ເບີດ​ຫີນ ດິນ ຂຸດ​ໜອງ​ປາ ຈົກ​ເອົາ​ດິນ ຢູ່​ບໍ­ລິ­ເວນ​ເຂດ​ແລວ​ສະ­ຫງວນ​ສາຍ​ສົ່ງ​ໄຟ­ຟ້າ​ແຮງ​ດັນ​ສູງ ເພື່ອ​ຫຼີກ​ລ່ຽງ​ການ​ເຊາະ​ເຈື່ອນ​ຂອງ​ດິນ​ບໍ­ລິ­ເວນ​ຕີນ​ເສົາ​ເຊິ່ງ​ຈະ​ພາ­ໃຫ້​ເກີດ​ເສົາ​ໄຟ­ຟ້າ​ລົ້ມ ບໍ່​ໃຫ້​ມີ​ການ​ຖົມ​ດິນ ກອງ​ດິນ ຫຼື ວັດ­ຖຸ​ໃດ​ໜຶ່ງ​ຢູ່​ກ້ອງ ຫຼື ບໍ­ລິ­ເວນ​ໃກ້​ຄຽງ​ກັບ​ສາຍ​ສົ່ງ​ໄຟ­ຟ້າ​ແຮງ​ດັນ​ກາງ ແລະ ແຮງ​ດັນ​ສູງ​ຢ່າງ​ເດັດ­ຂາດ ເພື່ອ​ຫຼີກ​ລ່ຽງ​ການ​ເກີດ​ໄຟ­ຟ້າ​ຊ໋ອດ ຖ້າ​ຫາກ​ມີ​ຄວາມ​ຈຳ­ເປັນ​ເນື່ອງ​ຈາກ​ມີ​ພື້ນ​ທີ່​ຈຳ­ກັດ ຫຼື ເຫດ­ຜົນ​ໃດ​ກໍ່​ຕາມ ຕ້ອງ​ໄດ້​ຂໍ­ອະ­ນຸ­ຍາດ​ຈາກ​ເຈົ້າ​ໜ້າ­ທີ່​ໜ່ວຍ​ງານ​ທີ່​ມີ­ໜ້າ​ທີ່​ຄຸ້ມ​ຄອງ​ສາຍ​ສົ່ງ​ໄຟ­ຟ້າ​ເສຍ​ກ່ອນ ເພື່ອ​ໃຫ້​ມີ​ມາດ​ຕະ­ການ​ປ້ອງ​ກັນ​ທີ່​ຖືກ­ຕ້ອງ ພ້ອມ​ຮັບ­ປະ­ກັນ​ຄວາມ​ປອດ​ໄພ ຖ້າ​ມີ​ຄວາມ​ຈຳ­ເປັນ​ກໍ່​ສາ­ມາດ​ອະ­ນຸ­ຍາດ​ໃຫ້​ປູກ​ຕົ້ນ­ໄມ້ ຫຼື ເຮັດ​ການ​ກະ­ສິ­ກຳ​ເຂດ​ບໍ­ລິ­ເວນ​ກ້ອງ​ແລວ​ສາຍ​ໄຟ ຫຼື ເຂດ​ບໍ­ລິ­ເວນ​ສະ­ຫງວນ​ຂອງ​ສາຍ​ສົ່ງ​ແຮງ​ດັນ​ສູງ ໄດ້​ແຕ່​ສະ­ເພາະ​ພືດ​ທີ່​ມີ​ຄວາມ​ສູງ​ບໍ່​ເກີນ 3 ແມັດ ແຕ່​ຫ້າມ​ດຳ­ເນີນ​ການ​ຈູດ ເຜົາ​ຊາກ​ພືດ ຫຼື ສິ່ງ​ເສດ​ເຫຼືອ​ຕ່າງໆ​ຢູ່​ກ້ອງ ຫຼື ບໍ­ລິ­ເວນ​ໃກ້​ຄຽງ​ແລວ​ສະ­ຫງວນ​ຂອງ​ສາຍ​ສົ່ງ​ໄຟ­ຟ້າ​ແຮງ​ດັນ​ສູງ​ຢ່າງ​ເດັດ­ຂາດ.

ຂ່າວທີ່ກ່ຽວຂ້ອງ