ຂ່າວຫຼ້າສຸດ

ສປ ນວ ຮັບຮອງເອົາຮ່າງຂໍ້ຕົກລົງຂອງເຈົ້າຄອງ 2 ສະບັບ

197 18 ກ.ກ. 2018 ຂ່າວໜ້າ​ໜຶ່ງ
ສປ ນວ ຮັບຮອງເອົາຮ່າງຂໍ້ຕົກລົງຂອງເຈົ້າຄອງ 2 ສະບັບ

   ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 5 ຂອງ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ ຊຸດ​ທີ I (ສປ ນວ) ດຳ­ເນີນ​ມາ​ເຖິງ​ວັນ​ທີ 17 ກໍ­ລະ­ກົດ 2018 ເປັນ​ມື້​ທີ​ສອງ​ຂອງ​ກອງ​ປະ­ຊຸມ​ດັ່ງ­ກ່າວ ຢູ່​ຫ້ອງ​ວ່າ­ການ​ປົກ­ຄອງ ນວ ໂດຍ​ເປັນ​ປະ­ທານ​ຂອງ​ທ່ານ ອາ­ນຸ­ພາບ ຕຸ​ນາ​ລົມ ປະ­ທານ ສປ ນວ ມີ​ຮອງ​ເຈົ້າ​ຄອງ ສະ­ມາ­ຊິກ​ສະ­ພາ​ແຫ່ງ​ຊາດ (ສສຊ) ສະ­ມາ­ຊິກ ສປ ນວ ປະ­ຈຳ­ເມືອງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

   ທ່ານ ພົນ​ຈັດ­ຕະ­ວາ ບຸບ­ຜາ ສີ​ພົມ­ມາ ຫົວ­ໜ້າ​ກອງ​ບັນ­ຊາ​ການ​ປ້ອງ​ກັນ​ຄວາມ​ສະ­ຫງົບ ນວ ໄດ້​ຂຶ້ນ​ນຳ​ສະ­ເໜີ​ຮ່າງ​ຂໍ້​ຕົກ­ລົງ​ຂອງ​ເຈົ້າ​ຄອງ ນວ ວ່າ​ດ້ວຍ​ການ​ຫຼຸດ­ຜ່ອນ​ອຸ­ບັດ​ຕິ​ເຫດ ແລະ ຮັກ­ສາ​ຄວາມ​ປອດ​ໄພ​ຕາມ​ຖະ­ໜົນ ທົ່ວ ນວ ເພື່ອ​ຮັບ ປະ­ກັນ​ຊີ­ວິດ ຊັບ​ສິນ​ຂອງ​ພົນ­ລະ­ເມືອງ ແລະ ເຮັດ​ໃຫ້​ເມືອງ​ຫຼວງ​ມີ​ຄວາມ​ສະ­ຫງົບ ແລະ ສັງ­ຄົມ​ມີ​ຄວາມ​ປອດ​ໄພ.

   ຈາກ​ນັ້ນ ທ່ານ ບຸນ​ທາມ ພຸດ​ທະ​ວົງ­ສາ ຫົວ­ໜ້າ​ພະ​ແນກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ນວ ຂຶ້ນ​ລາຍ​ງານ ຮ່າງ​ຂໍ້​ຕົກ­ລົງ​ເຈົ້າ​ຄອງ ວ່າ​ດ້ວຍ​ການ​ກຳ­ນົດ​ຂອບ​ເຂດ ແລະ ການ​ປະ​ເມີນ​ຫົວ­ໜ່ວຍ​ທົດ​ແທນ​ຄ່າ​ເສຍ​ຫາຍ​ໃຫ້​ຜູ້​ຖືກ​ຜົນ​ກະ­ທົບ​ຈາກ​ໂຄງ­ການ​ກໍ່­ສ້າງ​ທາງ​ດ່ວນ ວຽງ​ຈັນ ໄຮ​ເວ ເຊິ່ງ​ໂຄງ­ການ​ກໍ່­ສ້າງ​ເສັ້ນ­ທາງ​ດ່ວນ​ວຽງ​ຈັນ​ໄຮ​ເວ ສສຊ ໄດ້​ລົງ​ຄະ­ແນນ​ສຽງ​ຮັບ­ຮອງ​ເອົາ​ທັງ​ສອງ​ຂໍ້​ຕົກ­ລົງ ຂອງ​ເຈົ້າ​ຄອງ ນວ ດ້ວຍ​ສຽງ​ສ່ວນ​ຫຼາຍ ພ້ອມ​ນີ້ ທີ່​ກອງ​ປະ­ຊຸມ​ແມ່ນ​ໄດ້​ຮັບ​ຟັງ​ການ​ຜ່ານ​ບົດ​ສະ­ຫຼຸບ​ການ­ເຄື່ອນ­ໄຫວ​ວຽກ​ງານ 6 ເດືອນ​ຕົ້ນ​ປີ ແລະ ແຜນ​ວຽກ​ຈຸດ​ສຸມ 6 ເດືອນ​ທ້າຍ​ປີ 2018 ຂອງ​ຄະ­ນະ​ປະ­ຈຳ ສປ ນວ ຈາກ​ທ່ານ ອຸ­ດອນ ໄຊ​ມຸນ­ຕີ ຮອງ​ປະ­ທານ ສປ ນວ ຕື່ມ​ອີກ.

ຂ່າວທີ່ກ່ຽວຂ້ອງ