ຂ່າວຫຼ້າສຸດ

ກອງ​ປະຊຸມ​ສັນຕິພາບ​ປາງ​ຫຼົງ ບັນລຸ​ຄວາມ​ຄືບ​ໜ້າ​ຕື່ມ​ອີກ

206 18 ກ.ກ. 2018 ຂ່າວຕ່າງປະເທດ
ກອງ​ປະຊຸມ​ສັນຕິພາບ​ປາງ​ຫຼົງ ບັນລຸ​ຄວາມ​ຄືບ​ໜ້າ​ຕື່ມ​ອີກ

      ໃນ​ຂອບ​ຂອງ​ກອງ​ປະຊຸມ​ສັນຕິພາບ​ປາງ​ຫຼົງ ສະຕະວັດ​ທີ 21 ຄັ້ງ​ທີ 3 ທີ່​ພວມ​ດຳເນີນ ຢູ່​ໃນ​ວັນ​ທີ 16 ກໍລະກົດ​ນັ້ນ ຄະນະ​ກຳມະການ​ປະສົມ ກ່ຽວ​ກັບ​ການ​ເຈລະຈາ​ສັນຕິພາບ ຂອງ​ສະຫະພາບ​ມຽນ​ມາ (UPDJC) ໄດ້​ຮັບຮອງ​ຕື່ມ​ອີກ 14 ຫຼັກການ​ອັນ​ເປັນ​ພື້ນຖານ ເຮັດ​ໃຫ້​ຍອດ​ຈຳນວນ​ຫຼັກການ​ທີ່​ບັນລຸ​ຄວາມ​ເຫັນ​ພ້ອມ ລະຫວ່າງ​ລັດຖະບານ​ມຽນ​ມາ ກັບ​ບັນດາ​ກຸ່ມ ປະກອບ​ອາວຸດ​ຊົນເຜົ່າ ເພີ່ມ​ຂຶ້ນ​ເປັນ 51 ຂໍ້.

    14 ຫຼັກການ​ທີ່​ໄດ້​ຮັບ​ການ​ເພີ່ມ​ເຕີມ​ນັ້ນ ພົວພັນ​ເຖິງ​ບັນຫາ​ການເມືອງ ເສດຖະກິດ ສັງຄົມ ທີ່​ດິນ ແລະ ​ສິ່ງແວດລ້ອມ.

    ກອງ​ປະຊຸມ​ສັນຕິພາບ​ປາງ​ຫຼົງ ສະຕະວັດ​ທີ 21 ຄັ້ງ​ທີ 3 ຊຶ່ງ​ໄຂ​ຂຶ້ນ​ເມື່ອ​ວັນ​ທີ 11 ກໍລະກົດ ແລະ ແກ່ຍາວ​ເປັນ​ເວລາ 6 ວັນ​ນັ້ນ ແມ່ນ​ເພື່ອ​ມຸ່ງ​ໄປ​ສູ່​ເປົ້າ​ໝາຍ​ຄວາມ​ສາມັກຄີ​ຂອງ​ທຸກໆ​ກຸ່ມ​ຊົນເຜົ່າ ແລະ ​ການ​ສ້າງ​ສະຫະພາບ ປະຊາທິປະໄຕ ໂດຍ​ຜ່ານ​ການ​ເຈລະຈາ.

 

ຂ່າວທີ່ກ່ຽວຂ້ອງ