ຂ່າວຫຼ້າສຸດ

ເກີດ​ເຫດການ​ຮຸນ​ແຮງ​ຢູ່​ໃນ​ຊີ​ຣີ ແລະ ​ນີ​ເຊຣີ

136 18 ກ.ກ. 2018 ຂ່າວຕ່າງປະເທດ
ເກີດ​ເຫດການ​ຮຸນ​ແຮງ​ຢູ່​ໃນ​ຊີ​ຣີ ແລະ ​ນີ​ເຊຣີ

    ຂ່າວສານ​ຊິນ​ຮວາ ລາຍ​ງານ​ອ້າງ​ຕາມ​ຂໍ້​ມູນ​ຈາກ​ອົງການ​ຕິດຕາມ​ສິດທິ​ມະນຸດ​ຊີ​ຣີ (SOHR) ໃຫ້​ຮູ້ເມື່ອ​ວັນ​ທີ 16 ກໍລະກົດ​ນີ້​ວ່າ ມີ​ພົນທະຫານ​ເສຍ​ຊີວິດ​ຢ່າງ​ໜ້ອຍ 9 ຄົນ (ໃນ​ນັ້ນ​ເປັນ​ທະຫານ​ຊີ​ຣີ 6 ຄົນ) ຢູ່​ໃນ​ເຫດການ​ໂຈມ​ຕີ​ດ້ວຍ​ລູກ​ສອນ​ໄຟ​ຂອງ​ອິດ​ສະ​ຣາ​ແອນ ທີ່​ມຸ່ງ​ເປົ້າ​ໃສ່​ຖານ​ທັບ​ແຫ່ງ​ໜຶ່ງ ຢູ່​ໃນ​ແຂວງ​ອາ​ເລບ​ໂປ (ພາກ​ເໜືອ​ຊີ​ຣີ).

    ທີ່​ປະເທດ ນີ​ເຊຣີ: ແຫຼ່ງ​ຂ່າວ​ດ້ານ​ຄວາມ​ສະຫງົບ​ຂອງ​ນີ​ເຊຣີ ລາຍ​ງານ​ເມື່ອ​ວັນ​ທີ 16 ກໍລະກົດ​ນີ້​ວ່າ ພົນທະຫານ​ຫຼາຍ​ສິບ​ຄົນ ຖື​ວ່າ​ໄດ້​ເສຍ​ຊີວິດ ຫຼັງ​ຈາກ​ທີ່​ກຸ່ມ​ມື​ປືນ ໂບ​ໂກ ຮາ​ຣາມ ໂຈມ​ຕີ​ຖານ​ທັບ​ແຫ່ງ​ໜຶ່ງ​ຢູ່​ໃນ​ບ້ານ ຈີ​​ລ​ລີ ທີ່​ຂຶ້ນ​ກັບ​ລັດ ໂຢ​ເບ (ພາກ​ຕາເວັນ​ອອກ​ສ່ຽງ​ເໜືອ​ນີ​ເຊຣີ) ຊຶ່ງ​ເກີດ​ຂຶ້ນ​ເມື່ອ​ວັນ​ທີ 13 ກໍລະກົດ​ທີ່​ຜ່ານ​ມາ.

    ຂ່າວ​ແຈ້ງວ່າ ໃນ​ເວລາ​ທີ່​ໂຈມ​ຕີ​ນັ້ນ ກຸ່ມ​ມື​ປືນ ໂບ​ໂກ ຮາ​ຣາມ ສວມ​ຊຸດ​ຂອງ​ກອງທັບ ແລະ ຂັບ​ລົດ​ທະຫານ​ປອມ ເຮັດ​ໃຫ້​ພວກ​ທະຫານ​ທີ່​ເວນຍາມ​ຢູ່​ນັ້ນ ຫຼົງ​ຄິດ​ວ່າ​ເປັນ​ລົດ​ຂົນສົ່ງ ທະຫານ​ມາ​ຈາກ ກູ​ບີ​ໂອ ຈຶ່ງ​ໄດ້​ເປີດ​ປະຕູ​ໃຫ້​ລົດ​ເຫຼົ່ານັ້ນ​ເຂົ້າ​ໄປ​ໃນ​ຖານ​ທັບ. ຄາດ​ວ່າ​ມີ​ທະຫານ 700 ກວ່າ​ຄົນ ມີໜ້າ​ຢູ່​ໃນ​ຖານ​ທັບ​ດັ່ງກ່າວ ໃນ​ເວລາ​ທີ່​ເກີດ​ການ​ໂຈມ​ຕີ ແລະ ນັບ​ມາ​ຮອດ​ວັນ​ທີ 15 ກໍລະກົດ ພົນທະຫານ​ເຫຼົ່ານັ້ນ ຍັງ​ຢູ່​ໃນ​ບັນຊີ​ຫາຍ​ສາບ​ສູນ​ຫຼາຍ​ຮ້ອຍ​ຄົນ.

 

ຂ່າວທີ່ກ່ຽວຂ້ອງ