ຂ່າວຫຼ້າສຸດ

ຝຣັ່ງ ແຊັມໂລກ 2018 ກັບສິ່ງທີ່ໜ້າເວົ້າເຖິງໃນນັດຊິງຊະນະເລີດ

185 17 ກ.ກ. 2018 ວົງຈອນກີລາ
ຝຣັ່ງ ແຊັມໂລກ 2018 ກັບສິ່ງທີ່ໜ້າເວົ້າເຖິງໃນນັດຊິງຊະນະເລີດ

        ເຕະບານໂລກ 2018 ປິດສາກລົງຮຽບຮ້ອຍແລ້ວ ໂດຍຝຣັ່ງ ຖະຫຼົ່ມ ກຣົວຊີ ຄວ້າແຊັປໂລກສະໄໝທີສອງຂອງພວກເຂົາໄປຄອງ ສ່ວນກຣົວຊີ ຮ້ອງເພງລໍຄອຍຕໍ່ໄປ ແລະ ນີ້ຄືບົດສະຫຼຸບນັດຊີງຊະນະເລີດນັດ ຝຣັ່ງ ພົບ ກຣົວຊີ.

1. ກ່ອນອື່ນຂໍບອກວ່ານີ້ຄືນັດຊິງຊະນະເລີດທີ່ມີອັດຕາຄວາມເມົາມັນຫຼາຍທີ່ສຸດ ນັບຕັ້ງແຕ່ປີ 1986 ມາ ເພາະນອກຈາກຈະຍິງກັນຫຼາຍເຖິງ 6 ປະຕູແລ້ວ ຮູບເກມກໍສະໜຸກສະໜານ ແລະ ຕື່ນເຕ້ັນກວ່າທີ່ຄາດເອົາໄວ້ຫຼາຍ ບໍ່ອຶດອັດຫຼືໜ້າເບື່ອເໝືອນນັດຊິງຯ 6-7 ຄັ້ງຫຼັງທີ່ຜ່ານມາ.

2. ກຣົວຊີ ມາເປິດເກມສູ້ທັ້ງໆທີ່ເປັນຮອງ ໂດຍອາໄສການຊິ່ງບານໄວເຂ້ົາໃສ່ຕັ້ງແຕ່ທໍາອິດ ຈົນ ຝຣັ່ງ ຕັ້ງເກມຂອງຕົວເອງບໍ່ຕິດເລີຍໃນໄລຍະທໍາອິດ ແຖມຍັງສ້າງເກມບຸກໄດ້ວູບວາບ ແຕ່ທີ່ພ່າຍແພ້ກໍເພາະຄວາມຜິດພາດຂອງຕົວເອງ ແລະ ທີ່ສໍາຄັນອີກປະການຄືພ່າຍແພ້ບ່ອນຄວາມເດັດຂາດນີ້ລະ.

3. ຈຸດປ່ຽນສໍາຄັນຄື "ຈຸດໂທດ" ຈາກ VAR - ຄິດງ່າຍໆ ຖ້າບໍ່ມີ VAR ຝຣັ່ງຈະບໍ່ໄດ້ຈຸດໂທດແນ່ນອນ ເພາະຜູ້ຕັດສິນເບິ່ງບໍ່ເຫັນ ແຕ່ຈາກພາບຊ້າມັນກໍຊັດເຈນແລ້ວວ່າ ອີວານ ເປຣິຊິຊ ເຮັດບານຖືກມື.

4. ຮູໂກ ໂຢຣິສ ນີ້ກໍອີກຜູ້ໜຶ່ງ ຫຼັງຈາກແນ່ນອນມາຕະຫຼອດເກືອບທັງລາຍການ ດັນມາພາດທ່າໃນນັດຊິງຊະນະເລີດຢ່າງນັ້ນ ຍັງດີທີ່ຕອນນັ້ນນໍາຫ່າງເຖິງ 4-1 ຖ້ານໍາພຽງແຕ່ປະຕູດຽວ ຫຼືຍັງສະເໝີກັນຢູ່ ບອກໄດ້ຄໍາດຽວເລີຍວ່າ.... ຂີ້ຮ້າຍສຸດໆ !!

5. ປອນ ປັອກບາ ໄດ້ "ນັກເຕະໂດດເດັ່ນຂອງເກມ" ໃນນັດຊິງຊະນະເລີດ ກໍເໝາະສົມແລ້ວ ເພາະລູກໂດ່ງບານຍາວທະລຸທະລວງຈົນນໍາມາຊຶ່ງປະຕູນໍາຂອງຝຣັ່ງ ແຖມຍັງຍິງໄດ້ອີກຕ່າງຫາກ ແຖມລາຍການນີ້ກໍພະຍາຍາມຫຼິ້ນຕາມຈັງຫວະ ແລະ ຕາມຍຸດທະວິທີ ໂດບໍ່ດື້ຫຼືບໍ່ຝືນເໝືອນຕອນສວມເຄື່ອງແບບແມນຢູ.

 6. ດິດິເຢ່ ເດຊອງ ກໍເໝາະສົມກັບການເປັນຜູ້ຈັດການລະດັບແຊັມໂລກ ເພາະວາງແຜນ ແລະ ແກ້ເກມໄດ້ລະອຽດ ຂະໜາດຍອມຖອດ ເອັນໂກໂລ່ ກັອງເຕ ທີ່ໄດ້ຮັບໃັດເຫຼືອງອອກ ເພາະປ້ອງກັນການເຫຼືອຕົວນັກເຕະໜ້ອຍກວ່າ.

7. ຄິລິຢັນ ເອັມບັບເປ ໂຜ່ມາແຈ້ງເກີດໃນທີມຊາດໄດ້ຢ່າງເຕັມຕົວ ຂະນະທີ່ກອງໜ້າຢ່າງ ໂອລິວິເຢ່ ຊິຣູ ເຖິງແມ່ນຈະຍິງບໍ່ໄດ້ ແຖມຍິງບໍ່ເຄີຍຊື່ຂອບປະຕູ ແຕ່ກໍມີປະໂຫຍດໃນການຄໍ້າກອງຫຼັງຄູ່ແຂ່ງ ໂດຍເປັນເໝືອນຕົວຫຼອກໃຫ້ໝູ່ຮ່ວມທີມສອດຂຶ້ນມາທໍາລາຍຕາຂ່າຍ.

8. ລູກາ ໂມດຣິຊ ຄືສຸດຍອດກອງກາງໃນຍຸກນີ້ອີຫຼີ ເພາະຄົບເຄື່ອງເຫຼືອເກີນ ຍິງກໍໄດ້ ຈ່າຍບານກໍຄົມ ດຶງຈັງຫວະ ລູກຫຼິ້ນແພວພາວ ສົມແລ້ວທີ່ໄດ້ລາງວັນນັກເຕະຊົງຄຸນຄ່າ.

ຂ່າວທີ່ກ່ຽວຂ້ອງ