ຂ່າວຫຼ້າສຸດ

ຝຣັ່ງ ມີເຫດຕາຍ 2 ເຈັບອີກ 3 ສັງເວີຍສະຫຼອງແຊັມເຕະບານໂລກ

187 17 ກ.ກ. 2018 ວົງຈອນກີລາ
ຝຣັ່ງ ມີເຫດຕາຍ 2 ເຈັບອີກ 3 ສັງເວີຍສະຫຼອງແຊັມເຕະບານໂລກ

ຝຣັ່ງຕ້ອງພົບກັບເລື່ອງໂສກເສົ້າທ່າມກາງຄວາມສຸກ ຫຼັງມີປະຊາຊົນເສຍຊີວິດ 2 ຄົນ ແລະ ບາດເຈັບອີກ 3 ຄົນ ຈາກການສະຫຼອງທີ່ທີມຊາດຝຣັ່ງຄວ້າແຊັມເຕະບານໂລກ 2018 ມາຄອງໄດ້.

ຫຼັງຝຣັ່ງເອົາຊະນະກຣົວຊີ 4-2 ໃນນັດຊິງຊະນະເລີດເມື່ອວັນທີ 15 ກໍລະກົດທີ່ຜ່ານມາ ປະຊາຊົນໃນປະເທດຝຮັ່ງພາກັນສະຫຼອງແບບຍິ່ງໃຫຍ່ ຊຶ່ງລາຍງານລະບຸວ່າ ທີ່ເມືອງແຊງ-ເຟລິກ ມີຜູ້ຂັບລົດຊົນຕ້ົນໄມ້ ແລະ ພົບວ່າສາເຫດການເສຍຊີວິດ ເກີດຈາກຫົວໃຈລົ້ມເຫຼວ ຄາດເປັນເພາະດີໃຈຈາກຄວາມສໍາເລັດໃນຄັ້ງນີ້.

ສ່ວນທີ່ເມືອງແຮນຊີ ກອງເຊຍບານອີກຄົນກໍເສຍຊີວິດດ້ວຍສາເຫດຄໍຫັກ ຫຼັງຄຶກຄະນອງກະໂດດລົງໄປໃນຮ່ອງນໍ້າ ດ້ານເມືອງຟຣູອາ ມີເຫດເດັກນ້ອຍ 3 ຄົນໄດ້ຮັບບາດເຈັບສາຫັດຈາກການຂີ່ລົດຈັກເຂ້ົາໄປປະທະກັບກຸ່ມຝູງຊົນທີ່ກໍາລັງສະຫຼອງກັນຢູ່.

ຂ່າວທີ່ກ່ຽວຂ້ອງ