ເກີດ​ການ​ປະ​ທ້ວງ​ຄັ້ງ​ໃຫຍ່​ຢູ່​ໃນ​ອີ​ຣັກ

119 17 ກ.ກ. 2018 ຂ່າວຕ່າງປະເທດ
ເກີດ​ການ​ປະ​ທ້ວງ​ຄັ້ງ​ໃຫຍ່​ຢູ່​ໃນ​ອີ​ຣັກ

     ກະແສ​ຄື້ນ​ການ​ປະ​ທ້ວງ ເພື່ອ​ຄັດຄ້ານ​ຕໍ່​ສະພາບ​ຫວ່າງ​ງານ ແລະ ສະພາບ​ບໍ່​ໄປ​ບໍ່​ມາ​ໃນ​ດ້ານ ການ​ບໍລິການ​ຂອງ​ພາກ​ລັດ ຢູ່​ໃນ​ເຂດ​ພາກ​ໃຕ້​ອີ​ຣັກ ໄດ້​ສືບຕໍ່​ດຳເນີນ​ມາ​ເປັນ​ມື້​ທີ 7 ແລະ ລາມ​ໄປ ຍັງ​ນະຄອນ​ຕ່າງໆ​ຢູ່​ໃນ​ອີ​ຣັກ ແມ້​ກະ​ທັ້ງ​ຢູ່​ໃນ​ນະຄອນຫຼວງ​ແບກ​ແດດ.

    ໃນ​ວັນ​ທີ 15 ກໍລະກົດ ຜູ້​ປະ​ທ້ວງ​ຫຼາຍ​ຮ້ອຍ​ຄົນ ໄດ້​ບຸກ​ເຂົ້າ​ໄປ​ໃນ​ສຳນັກງານ ຂອງ​ອຳນາດ​ການ​ປົກຄອງ​ແຂວງ ບາ​ສຣາ (ພາກ​ໃຕ້​ອີ​ຣັກ) ເຮັດ​ໃຫ້​ກອງ​ກຳລັງ​ຮັກສາ​ຄວາມ ສະຫງົບ​ຕ້ອງ​ໄດ້​ໃຊ້​ທໍ່​ສີດ​ນ້ຳ ແກ​​ັສ​ນ້ຳ​ຕາ ແລະ ​ຍິງ​ປືນ​ຂຶ້ນ​ຟ້າ ເພື່ອ​ສະຫຼາຍ​ກຸ່ມ​ຜູ້​ປະ​ທ້ວງ. ແຫຼ່ງ​ຂ່າວ​ຈາກ​ຕຳຫຼວດ​ໃຫ້​ຮູ້​ວ່າ ການ​ປະ​ທະ​ກັນ​ໄດ້​ເກີດ​ຂຶ້ນ​ລະຫວ່າງ​ຕຳຫຼວດ ກັບ​ຜູ້​ປະ​ທ້ວງ ທີ່​ໃຊ້​ຄວາມ​ຮຸນ​ແຮງ​ຈຳນວນ​ໜຶ່ງ ເປັນ​ເຫດ​ໃຫ້​ມີ​ຜູ້​ໄດ້​ຮັບ​ບາດເຈັບ​ຢ່າງ​ໜ້ອຍ 4 ຄົນ.

    ການ​ປະ​ທ້ວງ​ດັ່ງກ່າວ​ເກີດ​ຂຶ້ນ ພໍດີ​ກັບ​ຈຸດ​ເວລາ​ທີ່​ພັກ​ການເມືອງ​ຕ່າງໆ​ໃນ​ອີ​ຣັກ ພວມ​ດຳເນີນ ການ​ເຈລະຈາ ເພື່ອ​ສ້າງຕັ້ງ​ພັນທະ​ພາບ​ໃຫຍ່​ສຸດ​ຢູ່​ໃນ​ສະພາ​ແຫ່ງ​ຊາດ ເພື່ອ​ກະກຽມ​ໃຫ້​ແກ່​ລັດຖະບານ ຊຸດ​ໃໝ່ ຫຼັງ​ຈາກ​ທີ່​ອີ​ຣັກ​ດຳເນີນ​ການ​ເລືອກ​ຕັ້ງ ສະພາ​ແຫ່ງ​ຊາດ ເມື່ອ​ເດືອນ​ພຶດສະພາ​ທີ່​ຜ່ານ​ມາ.

 

ຂ່າວທີ່ກ່ຽວຂ້ອງ