ຂ່າວຫຼ້າສຸດ

ອຸປະກອນກວດສອບວັດສະດຸຕ້ອງຫ້າມໃນສະໜາມບິນ

186 17 ກ.ກ. 2018 ຫົວຂໍ້ຂ່າວອື່ນໆ

   ປົກ­ກະ­ຕິ​ແລ້ວ ​ເຈົ້າ​ໜ້າ­ທີ່​ຕຳ­ຫຼວດ​ທີ່​ເຮັດວຽກ​ຢູ່​ໃນ​ສະ­ໜາມ​ບິນ​ຕ່າງໆ​ໃນ​ທົ່ວ​ໂລກ ມັກ​ຈະ​ໃຊ້​ໝາ​ໃນ​ການ​ດົມ​ກິ່ນ​ຫາ​ສີ່ງ​ທີ່​ຜິດກົດ­ໝາຍ ເປັນ­ຕົ້ນ​ແມ່ນ ລະ­ເບີດ ແລະ ຢາເສບ​ຕິດ ແຕ່​ຫຼ້າ​ສຸດ​ນີ້​ ທາງ​ນັກ­ວິ­ທະ­ຍາ­ສາດຂອງ​ປະ­ເທດ​ດານ​ມາກ ໄດ້​ພັດ­ທະ­ນາ​ອຸ­ປະກອນ​ໄຮ​ເທັກ​ຊະ­ນິດ​ໜຶ່ງ ​ທີ່​ສາ­ມາດ​ນຳ​ໃຊ້ກວດ​ສອບ​ກິ່ນ​ວັດ​ສະ​ດຸ​ແປກ​ປອມ​ຕ້ອງ​ຫ້າມ​ໃນ​ອາ­ກາດ​ໄດ້ ໂດຍ​ບໍ່​ຕ້ອງ​ມີ​ການ​ແຕະ­ຕ້ອງ​ກະ­ເປົາ​ຖົງ​ເຄື່ອງ​ແຕ່​ຢ່າງ­ໃດ.

   ອຸ­ປະ­ກອນ​ນີ້​ມີ​ຊື່­ວ່າ Crim-Track ສາມາດ​ກວດ​ສອບ​ຈັບ​ກີ່ນ​ວັດ­ຖຸ​ລະ­ເບີດ ແລະ ສິ່ງ​ຕ້ອງ​ຫ້າມ​ໄດ້​ພາຍ​ໃນ​ໄລ­ຍະ​ເວ­ລາ​ສອງນາ­ທີ ແລ້ວ​ສົ່ງ​ສັນ­ຍານ​ໃຫ້​ເຈົ້າ​ໜ້າ­ທີ່​ຮັບ​ຮູ້​ຜ່ານ​ລະ­ບົບ​ສື່­ສານ​ແບບ​ບໍ່​ມີ​ສາຍ ນອກຈາກ​ນີ້ ພາຍ​ໃນ​ອຸ­ປະ­ກອນ​ຍັງ​ມີ​ຊີບ​ປະ­ສົມສີ​ຍ້ອມ​ຜ້າ­ແພ​ບັນ­ຈຸ​ຢູ່ ເຊິ່ງ​ມັນ​ຈະ​ປ່ຽນ​ສີແບບ​ອັດ­ຕະ­ໂນ­ມັດ​ເມື່ອ​ກວດ​ພົບ​ສິ່ງ​ຕ້ອງຫ້າມ ຫຼື ສານ​ເຄ​ມີ​ທີ່​ຜິດ​ກົດ­ໝາຍ.

   ປັດ­ຈຸ­ບັນ​ນີ້ ເລີ່ມ​ມີ​ການ​ນຳ­ໄປ​ໃຊ້​ທົດລອງ​ແລ້ວ​ບາງ​ສະ­ຖານ­ທີ່ ຄາດ​ວ່າ​ອຸ­ປະກອນ​ນີ້​ຈະ​ຜະ­ລິດ​ອອກ​ມາ​ຈຳ­ໜ່າຍ​ໃນ​ປີ 2020 ສຸດ​ຍອດ​ໃຫ້​ມະ­ນຸດ​ມີ​ຄວາມ​ປອດໄພ​ດີ ມື້​ໃດ​ຊິ​ຮອດ​ບ້ານ​ເຮົາ​ລໍ​ອີກ​ບໍ່​ດົນ​ນໍ.

ຂ່າວທີ່ກ່ຽວຂ້ອງ