ເກືອບ 74% ຂອງ​ມູນ​ຄ່າ​ການ​ສົ່ງ​ອອກ​ຜັກ ແລະ ໝາກ​ໄມ້​ຂອງ​ຫວຽດນາມ ແມ່ນ​ໄປ​ທີ່​ຈີນ

138 17 ກ.ກ. 2018 ຂ່າວຕ່າງປະເທດ
ເກືອບ 74% ຂອງ​ມູນ​ຄ່າ​ການ​ສົ່ງ​ອອກ​ຜັກ ແລະ ໝາກ​ໄມ້​ຂອງ​ຫວຽດນາມ ແມ່ນ​ໄປ​ທີ່​ຈີນ

  ຍອດ​ມູນ​ຄ່າ​ການ​ສົ່ງ​ອອກ​ຜັກ ແລະ ໝາກ​ໄມ້​ຂອງ​ຫວຽດນາມ ໃນ 6 ເດືອນ​ຕົ້ນ​ປີ 2018 ບັນລຸ​ເກືອບ 2 ຕື້ ໂດ​ລາ​ສະຫະລັດ ເປັນ​ຕົວ​ເລກ​ທີ່​ເພີ່ມ​ຂຶ້ນ​ຢ່າງ​ແຮງ ເມື່ອ​ທຽບໃສ່​ໄລຍະ​ເວລາ ດຽວ​ກັນ​ຂອງ​ປີ 2017.     ຕົວ​ເລກ​ທີ່​ປະກາດ​ອອກ​ມາ ໂດຍ​ສະຫະ​ກົມ​ດ່ານ​ພາສີ​ອາກອນ​ຂອງ​ຫວຽດນາມ ໃຫ້​ຮູ້​ວ່າ ມູນ​ຄ່າ​ສິນຄ້າ​ປະເພດ​     ຜັກ ແລະ ໝາກ​ໄມ້​ສົ່ງ​ອອກ​ຂອງ​ຫວຽດນາມ ໃນ​ເດືອນ​ມິຖຸນາ​ທີ່​ຜ່ານ​ມາ ບັນລຸ​ກວ່າ 326 ລ້ານ​ໂດ​ລາ​ສະຫະລັດ ຊຶ່ງ​ເປັນ​ຕົວ​ເລກ​ທີ່​ຫຼຸດ​ລົງ 6% ເມື່ອ​ທຽບໃສ່ ໃນ​ເດືອນ​ພຶດສະພາ. ແຕ່​ວ່າ ຖ້າ​ໄລ່​ລວມ​ໃນ 6 ເດືອນ​ຕົ້ນ​ປີ​ນີ້​ແລ້ວ ມູນ​ຄ່າ​ການ​ສົ່ງ​ອອກ​ສິນຄ້າ ດັ່ງກ່າວ ບັນລຸ​ເຖິງ​ເກືອບ 1,99 ຕື້ ໂດ​ລາ​ສະຫະລັດ ເພີ່ມ​ຂຶ້ນ 19,3% ເມື່ອ​ທຽບໃສ່ ໄລຍະ​ເວລາ​ດຽວ​ກັນ​ຂອງ​ປີ​ກາຍ. ສ່ວນ​ໃຫຍ່​ຂອງ​ການ​ສົ່ງ​ອອກ​ສິນຄ້າ​ດັ່ງກ່າວ ແມ່ນ​ໄປ​ທີ່​ຈີນ ໂດຍ​ມີ​ມູນ​ຄ່າ​ເຖິງ​ກວ່າ 1,47 ຕື້​ໂດ​ລາ​ສະຫະລັດ ຫຼື​ເທົ່າ​ກັບ​ປະມານ 73,9% ຂອງ​ຍອດ​ມູນ​ຄ່າ ສິນຄ້າ​ຜັກ ແລະ​ໝາກ​ໄມ້​ສົ່ງ​ອອກ​ຂອງ​ຫວຽດນາມ.

 

ຂ່າວທີ່ກ່ຽວຂ້ອງ