ຂ່າວຫຼ້າສຸດ

ນວ ຈັດແຂ່ງຂັນກີລາ 4 ປະເພດ ສະຫຼອງວັນກຳເນີດກີລາລາວ

120 17 ກ.ກ. 2018 ວົງຈອນກີລາ
ນວ ຈັດແຂ່ງຂັນກີລາ 4 ປະເພດ ສະຫຼອງວັນກຳເນີດກີລາລາວ

   ງານ​ແຂ່ງ­ຂັນ​ກີ­ລາ 4 ປະ­ເພດ​ຄື:ຊ່ວງ​ເຮືອ​ໄຟ 12 ສີ­ພາຍ ແລະ 22 ສີ­ພາຍ ກະ­ຕໍ້ ເປ​ຕັງ ແລະ ຈ້ອງ​ບິນ ຊີງ​ຂັນ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ທີ 1 ປະ­ຈຳ​ປີ 2018 ເພື່ອ​ສະ­ເຫຼີມ­ສະ­ຫຼອງ​ວັນ​ກຳ­ເນີດ​ກີ­ລາ​ລາວ ຄົບ­ຮອບ 52 ປີ ຈັດ​ຂຶ້ນ​ວັນ​ທີ 13 ກໍ­ລະ­ກົດ 2018 ທີ່ເຂດ​ເສດ­ຖະ­ກິດ​ພິ­ເສດ​ບຶງ​ທາດ­ຫຼວງ ນວ ມີ​ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ປະ­ທານ​ສະ­ມາ­ຄົມ​ກີ­ລາ-ກາ​ຍະ​ກຳ ນວ ມີ​ບັນ­ດານ​ເຈົ້າ­ເມືອງ ຫົວ­ໜ້າ​ພະ​ແນກ​ອ້ອມ​ຂ້າງ ພະ­ນັກ­ງານ-ລັດ­ຖະ­ກອນ ຜູ້​ໃຫ້­ການ​ສະ­ໜັບ­ສະ­ໜູນ ຄູ​ເຝິກ ນັກ­ກີ­ລາ ຄະ­ນະ​ຮັບ­ຜິດ­ຊອບ​ກີ­ລາ 9 ຕົວ​ເມືອງ ແລະ ແຂກ​ຖືກ​ເຊີນ​ເຂົ້າ​ຮ່ວມ.

   ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ຊ່ວງ​ເຮືອ​ປະ­ເພດ 12 ສີ­ພາຍ (ຊາຍ) ທີ 1 ໄດ້­ແກ່​ສີ­ພາຍ​ຈາກ ນວ ທີ 2 ແຂວງ​ຊຽງ​ຂວາງ ແລະ ທີ 3 ຂວັນ​ໃຈ​ດອກ​ຟ້າ​ປູ່​ບັງ ສ່ວນ​ປະ­ເພດ 12 ສີ­ພາຍ (ຍິງ) ທີ 1 ບໍ­ລິ­ສັດ ແສງ​ເພັດ​ກໍ່­ສ້າງ ທີ 2 ນວ ແລະ ທີ 3 ແຂວງ​ວຽງ​ຈັນ ປະ­ເພດ 22 ສີ­ພາຍ (ຊາຍ) ທີ 1 ນວ ທີ 2 ນາ­ວາ​ສັກ­ສິດ ແລະ ທີ 3 ແຂວງ​ບໍ​ລິ​ຄຳ​ໄຊ.

   ສຳ­ລັບ​ກີ­ລາ​ເປ​ຕັງ​ປະ­ເພດ​ຍິງ ທີ 1 ຮ້ານ​ອາ­ຫານ​ນ້ອງ​ປຸ້ຍ(1) ທີ 2 ຮ້ານ​ອາ­ຫານ​ນ້ອງ​ປຸ້ຍ(3) ແລະ ທີ 3 ນວ ສ່ວນ​ປະ­ເພດ​ຊາຍ ທີ 1 ສະ­ໂມ­ສອນ​ເພັດ​ເປ​ຕັງ ທີ 2 ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ (2) ແລະ 3 ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ (1) ກີ­ລາ​ກະ­ຕໍ້ ປະ­ເພດ​ຍິງ ທີ 1 ບ້ານ ໂນນ​ຫວາຍ ທີ 2 ບ້ານ​ຫ້ອມ ແລະ ທີ 3 ບ້ານ​ໜອງ​ແປນ ສ່ວນ​ເພດ​ຊາຍ ທີ 1 ກະ­ຊວງ ປກສ ທີ 2 ທິດ​ເຊີ້​ຕົ້ນ (2) ແລະ ທີ 3 ທິດ​ເຊີ້​ຕົ້ນ (3) ສ່ວນ​ກີ­ລາ​ຈ້ອງ​ບິນ ລາຍ­ການ​ບິນ​ລົງ​ເປົ້າ ທີ 1 ທ່ານ ສູນ​ທອນ ຈາກ​ປະ­ເທດ​ໄທ ທີ 2 ທ່ານ ວິ­ລະ​ສິດ ຈາກ ນວ ແລະ ທີ 3 ທ່ານ ນາ​ລິນ ຈາກ​ປະ­ເທດ​ໄທ ສ່ວນ​ລາຍ­ການ​ບິນ​ສວຍ​ງາມ​ຊະ­ນະ​ເລີດ​ໄດ້­ແກ່​ທ່ານ ເອ­ກະ​ພົນ ຈາກ​ປະ­ເທດ​ໄທ ສຳ­ລັບ​ລາ­ງວັນ​ແຕ່​ລະ​ປະ­ເພດ ແມ່ນ​ໄດ້​ຮັບ​ຂັນ​ລາ­ງວັນ ແລະ ເງິນ­ສົດ​ຈຳ­ນວນ​ໜຶ່ງ.

ຂ່າວທີ່ກ່ຽວຂ້ອງ