ຂ່າວຫຼ້າສຸດ

ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫຼວງວຽງຈັນ ໄຂຂຶ້ນຢ່າງເປັນທາງການ

280 17 ກ.ກ. 2018 ຂ່າວໜ້າ​ໜຶ່ງ
ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫຼວງວຽງຈັນ ໄຂຂຶ້ນຢ່າງເປັນທາງການ

   ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 5 ຂອງ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ ໄດ້​ໄຂ​ຂຶ້ນ​ເປັນ​ທາງ​ການ ວັນ​ທີ 16 ກໍ­ລະ­ກົດ 2018 ທີ່​ຫ້ອງ​ວ່າ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ເປັນ​ປະ­ທານ​ຂອງ​ທ່ານ ອາ­ນຸ­ພາບ ຕຸ​ນາ​ລົມ ປະ­ທານ​ສະ­ພາ​ປະ­ຊາ­ຊົນ ນະ­ຄອນ­ຫຼວງ​ວຽງ​ຈັນ ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ບັນ­ດາ​ຮອງ​ເຈົ້າ​ຄອງ​ນະ­ຄອນ­ຫຼວງ ຫົວ­ໜ້າ​ພະ­ແນກ­ການ  ສະ­ມາ­ຊິກ​ສະ­ພາ​ປະ­ຊາ­ຊົນ​ນະ­ຄອນ­ຫຼວງ​ວຽງ​ຈັນ ແລະ ແຂກ​ຖືກ​ເຊີນ​ເຂົ້າ​ຮ່ວມ.

   ກອງ​ປະ­ຊຸມ​ຄັ້ງ​ນີ້ ຈະ​ດຳ­ເນີນ​ໄປ​ຮອດ​ວັນ​ທີ 18 ກໍ­ລະ­ກົດ 2018 ເຊິ່ງ​ໄດ້​ຄົ້ນ­ຄວ້າ ພິ­ຈາ­ລະ­ນາ ແລະ ຮັບ­ຮອງ​ເອົາ​ບັນ­ຫາ​ສຳ­ຄັນ​ຂອງ​ນະ­ຄອນ­ຫຼວງ​ວຽງ​ຈັນ ປະ­ກອບ​ມີ ບົດ​ລາຍ​ງານ​ຂອງ​ທ່ານ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແຜນ​ງົບ­ປະ­ມານ 6 ເດືອນ​ຕົ້ນ​ປີ ແລະ ທິດ​ທາງ​ແຜນ​ວຽກ​ຈຸດ​ສຸມ 6 ເດືອນ​ທ້າຍ​ປີ 2018 ຂອງ​ນະ­ຄອນ­ຫຼວງ​ວຽງ​ຈັນ ໂຄງ­ການ​ຮຽກ​ການ​ລົງ­ທຶນ​ກ່ຽວ​ກັບ​ການ​ຂໍ​ສຳ​ປະ­ທານ​ທີ່​ດິນ​ຈຳ­ນວນ 100 ເຮັກ­ຕາ​ຢູ່​ເຂດ​ນິ­ຄົມ​ອຸດ­ສາ­ຫະ­ກຳ​ນະ­ຄອນ­ຫຼວງ​ວຽງ​ຈັນ ເພື່ອ​ພັດ­ທະ­ນາ​ເປັນ​ເມືອງ​ອັດ​ສະ​ຣິ​ຍະ ສູນ​ການ​ຄ້າ ແລະ ເຂດ​ອຸດ­ສາ­ຫະ­ກຳ​ສະ­ອາດ ບົດ​ສະ­ຫຼຸບ​ການ­ເຄື່ອນ­ໄຫວ​ວຽກ​ງານ 6 ເດືອນ​ຕົ້ນ​ປີ ແຜນ​ວຽກ​ຈຸດ​ສຸມ 6 ເດືອນ​ທ້າຍ​ປີ 2018 ຂອງ​ນະ­ຄອນ­ຫຼວງ​ວຽງ​ຈັນ ຮ່າງ​ຂໍ້​ຕົກ­ລົງ​ຂອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ວ່າ​ດ້ວຍ​ການ​ກຳ­ນົດ​ຫົວ­ໜ່ວຍ​ລາ­ຄາ​ທົດ​ແທນ​ຄ່າ​ເສຍ​ຫາຍ​ໃຫ້​ຜູ້​ຖືກ​ຜົນ​ກະ­ທົບ​ຈາກ​ໂຄງ­ການ​ກໍ່­ສ້າງ​ທາງ​ດ່ວນ​ວຽງ​ຈັນ ຮ່າງ​ຂໍ້​ຕົກ­ລົງ​ຂອງ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ວ່າ​ດ້ວຍ​ມາດ​ຕະ­ການ​ຫຼຸດ­ຜ່ອນ​ອຸ­ບັດ​ຕິ​ເຫດ ແລະ ຮັກ­ສາ​ຄວາມ​ປອດ​ໄພ​ຕາມ​ຖະ­ໜົນ​ທົ່ວ​ນະ ຄອນ​ຫຼວງ​ວຽງ​ຈັນ.

ຂ່າວທີ່ກ່ຽວຂ້ອງ