ວາງສີລາລຶກສ້າງໂຮງຮຽນມັດທະຍົມສົມບູນສົງ

222 17 ກ.ກ. 2018 ຂ່າວໜ້າ​ໜຶ່ງ
ວາງສີລາລຶກສ້າງໂຮງຮຽນມັດທະຍົມສົມບູນສົງ

    ພິ­ທີ​ວາງ​ສີ​ລາ​ລຶກ​ໂຄງ­ການ​ກໍ່­ສ້າງ​ອາ­ຄານ​ຮຽນ​ມັດ­ທະ­ຍົມ​ສົມ­ບູນ​ສົງ ຈັດ​ຂຶ້ນ​ວັນ​ທີ 14 ກໍ­ລະ­ກົດ 2018 ທີ່​ວັດ​ປ່າ​ສີ­ວິ­ໄລ ບ້ານ​ນາ​ໄຫ ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ ມີ​ພະ​ອາ­ຈານ​ໃຫຍ່ ມະ­ຫາ​ງອນ ດຳ­ລົງ​ບຸນ ປະ­ທານ​ສູນ​ກາງ​ອົງ­ການ​ພຸດ​ທະ​ສາ­ສະ­ໜາ​ສຳ­ພັນ​ລາວ ພະ​ອາ­ຈານ ສົມ­ພົງ ເມ​ຕ ຕາ​ຈິ​ຕ​ໂຕ ປະ­ທານ ອພສ ເມືອງ ພະ​ເຖ­ລາ­ນຸ­ເຖລະ  ທ່ານ ບຸນ​ໜາ ຜາ​ທຸມ​ມະ​ວົງ ຫົວ­ໜ້າ​ພະ​ແນກ​ພາຍ​ໃນ​ນະ­ຄອນ­ຫຼວງ ທ່ານ ແກ່ນ ວໍ­ລະ​ສານ ເຈົ້າ­ເມືອງ​ຫາດ​ຊາຍ​ຟອງ ພ້ອມ​ດ້ວຍ​ຄະ­ນະ ແລະ ອອກ​ຕົນ​ຍາດ​ໂຍມ​ເຂົ້າ​ຮ່ວມ.

    ໂຄງ­ການ​ກໍ່­ສ້າງ​ອາ­ຄານ​ຮຽນ ມສ ສົງ​ເປັນ​ອາ­ຄານ 2 ຊັ້ນ​ມີ 18 ຫ້ອງ​ຮຽນ 2 ຫ້ອງ­ການ 2 ຫ້ອງ​ສະ­ໝຸດ 24 ຫ້ອງ​ນ້ຳ ຄວາມ​ຍາວ 63 ແມັດ ກ້ວ​າງ 10,50 ແມັດ ເນື້ອ­ທີ່ 150x127 ແມັດ ມູນ​ຄ່າ​ການ​ກໍ່­ສ້າງ 4,3 ຕື້​ກີບ ໄລ­ຍະ​ການ​ກໍ່­ສ້າງ​ປີ 2021-2022 ແຕ່​ປັດ­ຈຸ­ບັນ​ແມ່ນ​ຍັງ​ຂາດ­ທຶນ​ທີ່​ຈະ​ນຳ​ມາ​ສ້າງ  ດັ່ງ­ນັ້ນ ຈຶ່ງ​ໄດ້​ລະ­ດົມ​ທຶນ​ນຳ​ພາກ­ສ່ວນ​ຕ່າງໆ​ໃນ​ສັງ­ຄົມ​ເພື່ອ​ຮ່ວມ​ບໍ​ລິ ຈາກ​ສົມ­ທົບ​ທຶນ​ເຂົ້າ​ໃນ​ການ​ກໍ່­ສ້າງ​ໃຫ້​ສຳ­ເລັດ​ຕາມ​ຄາດ­ໝາຍ ແລະ ປັດ­ຈຸ­ບັນ​ພະ­ສົງ​ແຕ່​ລະ​ວັດ​ທົ່ວ​ເມືອງ​ໄດ້​ສົມ­ທົບ​ທຶນ​ແລ້ວ 400 ກວ່າ​ລ້ານ​ກີບ.

    ໃນ​ພິ­ທີ​ວາງ​ສີ​ລາ​ລຶກ​ໄດ້​ມີ​ພາກ­ສ່ວນ​ຕ່າງໆ​ຈາກ​ສັງ­ຄົມ ແລະ ບໍ­ລິ­ສັດ​ໄດ້​ມອບ​ເງິນ​ສົມ­ທົບ​ທຶນ​ຈຳ­ນວນ​ໜຶ່ງ​ເຂົ້າ​ໃນ​ໂຄງ­ການ​ກໍ່­ສ້າງ ແຕ່​ເຖິງ​ຢ່າງ­ໃດ​ກໍ່​ຕາມ​ທຶນ​ທີ່​ໄດ້​ຈາກ​ການ​ບໍ­ລິ­ຈາກ​ນີ້​ແມ່ນ​ຍັງ​ບໍ່​ທັນ​ພຽງ­ພໍ ຈຶ່ງ​ຂໍ​ເຊີນ­ຊວນ​ຊາວ​ພຸດ​ທະ​ສາ​ນິ​ກະ​ຊົນ ບໍ­ລິ­ສັດ​ທັງ­ຫຼາຍ ແລະ ປະ­ຊາ­ຊົນ​ທັງ​ພາຍ​ໃນ ແລະ ຕ່າງ­ປະ­ເທດ ຜູ້​ທີ່​ມີ­ໃຈ​ເຫຼື້ອມ​ໃສ​ສັດ­ທາ​ກໍ່​ສາ­ມາດ​ຮ່ວມ​ບໍ­ລິ­ຈາກ​ສົມ­ທົບ​ທຶນ​ໄດ້​ຜ່ານ​ທະ­ນາ­ຄານ​ພົງ​ສະ­ຫວັນ ໝາຍ​ເລກ​ບັນ­ຊີ  230-6-00-00-00599 ຫຼື ສາ­ມາດ​ຮ່ວມ​ບໍ­ລິ­ຈາກ​ໄດ້​ໃນ​ແຕ່​ເຂດ​ວັດ​ພາຍ​ໃນ​ເມືອງ​ຫາດ​ຊາຍ​ຟອງ.

ຂ່າວທີ່ກ່ຽວຂ້ອງ