ກວດຊອກຫາເຊື້ອໄວຣັດຕັບອັກເສບໂດຍບໍ່ເສຍຄ່າ

194 17 ກ.ກ. 2018 ຂ່າວໜ້າ​ໜຶ່ງ

    ເພື່ອ​ສ້າງ​ຂະ​ບວນ​ການ​ຕ້ອນ­ຮັບ​ວັນ​ສ້າງ­ຕັ້ງ​ສະ­ຫະ­ພັນ​ແມ່­ຍິງ​ລາວ ຄົບ­ຮອບ 63 ປີ (20/7/1955-20/7/2018) ແລະ ຊົມ­ເຊີຍ​ທ່ານ ດຣ ນາງ ສີ​ວິ​ໄຊ ທັມ­ມະ​ລັງ­ສີ  ອຳ­ນວຍ​ການ​ລາວ​ອິນ​ເຕີ​ຄລີ​ນິກ ທີ່​ໄດ້​ຮັບ​ລາ­ງວັນ​ນັກ­ທຸ­ລະ­ກິດ​ຍິງ​ດີ­ເດັ່ນ​ອາ​ຊຽນ​ປີ 2018 ດັ່ງ­ນັ້ນ ວັນ​ທີ 14 ກໍ­ລະ­ກົດ 2018 ລາວ​ອິນ​ເຕີ​ຄລີ​ນິກ​ຮ່ວມ​ກັບ​ບໍ­ລິ­ສັດ​ການ​ຢາ NNC ໄດ້​ຈັດ​ກິດ­ຈະ­ກຳ​ເປີດ​ຂະ​ບວນ​ການ​ກວດ​ສຸ­ຂະ­ພາບ ແລະ ຊອກ​ຫາ​ເຊື້ອ​ໄວ ຣັດ​ຕັບ​ອັກ­ເສບ​ບີ ແລະ ຊີ ໂດຍ​ບໍ່​ເສຍ​ຄ່າ​ຂຶ້ນ​ທີ່​ລາວ​ອິນ​ເຕີ​ຄລີ​ນິກ ຖະ­ໜົນ​ມິດ­ຕະ­ພາບ​ລາວ-ໄທ ບ້ານ​ສະ ພານ​ທອງ​ເໝືອ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ.

     ນອກ­ຈາກ​ກິດ­ຈະ­ກຳ​ກວດ​ສຸ­ຂະ­ພາບ ແລະ ຊອກ​ຫາ​ເຊື້ອ​ໄວ​ຣັດ​ຕັບ​ອັກ­ເສບ​ບີ ແລະ ຊີ ໂດຍ​ບໍ່​ເສຍ​ຄ່າ​ແລ້ວ ຍັງ​ໄດ້​ຈັດ​ກິດ­ຈະ­ກຳ​ບໍ­ລິ­ການ​ນວດ​ໜ້າ ແລະ ເປີດ​ຫຼັກ­ສູດ​ນວດ​ໜ້າ​ໂດຍ​ບໍ່​ເສຍ​ຄ່າ​ຈາກ​ອາ­ຈານ ປະ­ເທດ​ໄທ​ຕື່ມ​ອີກ​ໃນ​ວັນ​ເວ­ລາ ແລະ ສະ­ຖານ­ທີ່​ຢູ່​ບ່ອນ​ດຽວ​ກັນ​ກັບ​ລາວ​ອິນ​ເຕີ​ຄລີ​ນິກ ໃນ​ໂອ­ກາດ​ສະ­ຫຼອງ ກະ­ຕ່າຍ​ບິວ​ເຕີ​ຊາ​ລອນ ຄົບ­ຮອບ 1 ປີ ດັ່ງ­ນັ້ນ ເຊີນ­ຊວນ​ເອື້ອຍ​ນ້ອງ​ແມ່­ຍິງ​ເຂົ້າ​ຮ່ວມ​ກິດ­ຈະ­ກຳ​ກວດ ສຸ­ຂະ­ພາບ​ໂດຍ​ບໍ່​ເສຍ​ຄ່າ ເຊິ່ງ​ກິດ­ຈະ­ກຳ​ໄດ້​ຈັດ​ຂຶ້ນ​ວັນ​ທີ 16-19 ກໍ­ລະ­ກົດ 2018 ນັບ​ແຕ່​ເວ­ລາ 8-20:00 ໂມງ ໂດຍ​ການ​ກວດ​ໃຫ້​ກຸ່ມ​ເປົ້າ​ໝາຍ​ດັ່ງ­ນີ້: ເອື້ອຍ​ນ້ອງ​ແມ່­ຍິງ ພ້ອມ​ດ້ວຍ​ຄອບ­ຄົວ ນັກ­ບວດ ສູນ​ພັດ­ທະ­ນາ​ແມ່­ຍິງ​ຄົນ​ພິ­ການ ນັກ​ສຶກ​ສາ​ພະ­ຍາ­ບານ ບັນ­ດາ​ຄູ-ອາ­ຈານ ແລະ ນັກ​ສຶກ​ສາ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ພາຍ­ຫຼັງ​ສຳ­ເລັດ​ການ​ກວດ​ແລ້ວ​ຈະ​ໄດ້​ລາຍ​ງານ​ຜົນ​ການ​ກວດ​ໃຫ້​ຊາບ.

ຂ່າວທີ່ກ່ຽວຂ້ອງ