ຂ່າວຫຼ້າສຸດ

ຝຣັ່ງ ພາເອີຣົບຄອງສະຖິຕິຕໍ່ - ເປິດທໍານຽບແຊັມເຕະບານໂລກ

187 16 ກ.ກ. 2018 ວົງຈອນກີລາ
ຝຣັ່ງ ພາເອີຣົບຄອງສະຖິຕິຕໍ່ - ເປິດທໍານຽບແຊັມເຕະບານໂລກ

          ສິ້ນສຸດການລໍຄອຍຂອງ ຝຣັ່ງ ຫຼັງໄລ່ບຸກເອົາຊະນະ ກຣົວຊີ ຢ່າງສະໜຸກ 4-2 ຄວ້າແຊັມເຕະບານໂລກໄດ້ເປັນສະໄໝທີ 2 ໃນຮອບ 20 ປີ ນັບແຕ່ປີ 1998 ອີກທັງ ບານໂລກຄັ້ງທີ 21 ນີ້ ປະເທດຈາກທະວີບເອີຣົບຍັງຄອງຄວາມຍິ່ງໃຫຍ່ຢ່າງຕໍ່ເນື່ອງ.

           ຢ້ອນໄປຄັ້ງສຸດທ້າຍທີ່ທີມຈາກຊາດອາເມຣິກາໃຕ້ຄວ້າແຊັມ ກໍຄື ບຣາຊິນ ທີ່ສ້າງສະຖິຕິຄວ້າແຊັມສະໄໝທີ 5 ເມື່ອປີ 2002 ເມື່ອຄັ້ງທີ່ ສ ເກົາຫຼີ-ຍີ່ປຸ່ນ ເປັນເຈົ້າພາບ.

          ແຕ່ຫຼັງຈາກນັ້ນ ທະວີບເອີຣົບກໍກວາດລຽບ.... ໄລ່ຈາກ ອິຕາລີ (2006)  ແອັດສະປາຍ (2010) ເຢຍລະມັນ (2014) ແລະຫຼ້າສຸດ 2018 ຝຣັ່ງ ນໍາທະວີບເອີຣົບຢືດສະຖິຕິອອກໄປເປັນບານໂລກ ຄັ້ງທີ 4 ຫຼື 16 ປີແລ້ວ.

          ແຖມຍັງຄອງຄວາມຍິ່ງໃຫຍ່ເໜືອກວ່າທະວີບໃດ ລວມເປັນ 12 ສະໄໝ ຊຶ່ງມີພຽງແຕ່ 5 ປະເທດ ຄື ເຢຍລະມັນ (4 ສະໄໝ) ອິຕາລີ (4 ສະໄໝ), ຝຣັ່ງ (2 ສະໄໝ) ອັງກິດ (1 ສະໄໝ) ແລະ ແອັດສະປາຍ (1 ສະໄໝ) ຂະນະທີ່ທະວີບອາເມຣິກາໃຕ້ ທີ່ໄດ້ໄປ 9 ຄັ້ງ ມາຈາກ ບຣາຊິນ (5 ສະໄໝ) ອຸຣຸກວາຍ (2 ສະໄໝ) ແລະ ອາກຊັງຕິນ (2 ສະໄໝ).

        ຄາວນີ້ ເຮົາລອງໄປເບິ່ງທໍານຽບແຊັມທັ້ງ 21 ຄັ້ງທີ່ຜ່ານມາວ່າປະເທດໃດປະສົບຄວາມສໍາເລັດກັນແດ່

ປີ ເຈົ້າພາບ ແຊມປ໌ ຜລກາຣແຂ່ງຂັນນັດຊິງຯ

          ປີ 1930 ອຸຣຸກວາຍ (ເຈົ້າພາບ) ອຸຣຸກວາຍເປັນແຊັມ.

          ປີ 1934 ອິຕາລີ (ເຈົ້າພາບ) ອິຕາລີ ເປັນແຊັມ.

          ປີ 1938 ຝຣັ່ງ (ເຈົ້າພາບ)  ອິຕາລີເປັນແຊັມ

          ປີ 1950 ບຣາຊິນ (ເຈົ້າພາບ)  ອຸຣຸກວາຍເປັນແຊັມ

          ປີ1954 ສະວິດ (ເຈົ້າພາບ)  ເຢຍລະມັນຕາເວັນຕົກເປັນແຊັມ

          ປີ 1958 ຊູແອັດ (ເຈົ້າພາບ)  ບຣາຊິນເປັນແຊັມ

          ປີ 1962 ຊິລີ (ເຈົ້າພາບ)  ບຣາຊິນເປັນແຊັມ

          ປີ 1966 ອັງກິດ (ເຈົ້າພາບ)  ອັງກິດເປັນແຊັມ

          ປີ 1970 ເມັກຊິກ (ເຈົ້າພາບ)  ບຣາຊິນເປັນແຊັມ

          ປີ 1974 ເຢຍລະມັນຕາເວັນຕົກ (ເຈົ້າພາບ)  ເຢຍລະມັນຕາເວັນຕົກເປັນແຊັມ

          ປີ 1978 ອາກຊັງຕິນ (ເຈົ້າພາບ) ອາກຊັງຕິນເປັນແຊັມ

          ປີ 1982 ແອັດສະປາຍ (ເຈົ້າພາບ)  ອິຕາລີເປັນແຊັມ

          ປີ 1986 ເມັກຊິກ (ເຈົ້າພາບ)  ອາກຊັງຕິນເປັນແຊັມ

          ປີ 1990 ອິຕາລີ (ເຈົ້າພາບ) ເຢຍລະມັນຕາເວັນຕົກເປັນແຊັມ

          ປີ 1994 ສະຫະລັດອາເມຣິກາ (ເຈົ້າພາບ)  ບຣາຊິນເປັນແຊັມ

          ປີ 1998 ຝຣັ່ງ (ເຈົ້າພາບ)  ຝຣັ່ງ ເປັນແຊັມ

          ປີ 2002 ຍີ່ປຸ່ນ- ສ /ເກົາຫຼີ (ເຈົ້າພາບ) ບຣາຊິນເປັນແຊັມ

          ປີ 2006 ເຢຍລະມັນ (ເຈົ້າພາບ)  ອິຕາລີ ເປັນແຊັມ

          ປິ 2010 ອາຟຣິກາໃຕ້ (ເຈົ້າພາບ)  ແອັດສະປາຍເປັນແຊັມ

          ປີ 2014 ບຣາຊິນ (ເຈົ້າພາບ)  ເຢຍລະມັນເປັນແຊັມ

          ປີ  2018 ຣັດເຊຍ (ເຈົ້າພາບ)  ຝຣັ່ງເປັນແຊັມ.

ຂ່າວທີ່ກ່ຽວຂ້ອງ