ວັນສຸກ ທີ 21 ກັນຍາ 2018 09:09:53
- ເລັ່ງຟື້ນຟູຊີວິດການເປັນຢູ່ປະຊາຊົນ ທີ່ຖືກໄພພິບັດ ໃຫ້ເປັນປົກກະຕິໂດຍໄວ
- ມອບເຄື່ອງຊ່ວຍເຫຼືອ ແລະ ໃຫ້ກຳລັງໃຈ ຜູ້ໄດ້ຮັບຜົນກະທົບນ້ຳຖ້ວມ
- ການລົງທຶນພາກເອກະຊົນ ສືບຕໍ່ຂະຫຍາຍຕົວໃນຈັງຫວະດີ
- ຫ້າມຂຶ້ນລາຄາເຂົ້າໂດຍພາລະການ ຫາກພົບເຫັນຈະຢຶດພ້ອມທັງປັບໃໝ
- ຂ່າວສັ້ນ
- ທະນາຄານກາງຣັດເຊຍ ຂຶ້ນອັດຕາດອກເບ້ຍເປັນເທື່ອທຳອິດໃນຮອບ 4 ປີ
- ທະວີບອາຟະຣິກກາ ມີມະຫາເສດຖີ 24 ຄົນ
- 5 ວິນາທີໃດມີເດັກນ້ອຍເສຍຊີວິດ 1 ຄົນໃນປີ 2017
- ສ້າງຄວາມເຂົ້າໃຈຕໍ່ສະພາບທີ່ເກີດຂຶ້ນໃນແຫຼມເກົາຫຼີ
- ຜູ້ນຳຂອງ ສປປ ເກົາຫຼີ ແລະ ສ ເກົາຫຼີ ຮ່ວມກັນລົງນາມຂໍ້ຕົກລົງ
ເຈົ້າຄອງຕິດຕາມການພັດທະນາ ເຂດເສດຖະກິດສະເພາະບຶງທາດຫຼວງ
ວັນທີ 13 ກໍລະກົດ 2018 ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມການນຳນະຄອນຫຼວງວຽງຈັນໄດ້ເຄື່ອນໄຫວຢ້ຽມຢາມ ແລະ ຊຸກຍູ້ການພັດທະນາຢູ່ເຂດເສດຖະກິດສະເພາະບຶງທາດຫຼວງ ໂດຍການຕ້ອນຮັບຂອງທ່ານ ຄຳລຽນ ພົນເສນາ ຮອງລັດຖະມົນຕີກະຊວງແຜນການ ແລະ ການລົງທຶນ ຜູ້ຊີ້ນຳວຽກງານເຂດເສດຖະກິດພິເສດ ພ້ອມດ້ວຍຄະນະ ແລະ ຜູ້ພັດທະນາເຂດເສດຖະກິດສະເພາະບຶງທາດຫຼວງ.
ທ່ານ ນາງ ພັນຈິນດາ ເລັ່ງສະຫວັດ ຮອງຫົວໜ້າຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ ທັງເປັນຄະນະສະພາບໍລິຫານເຂດເສດຖະກິດສະເພາະບຶງທາດຫຼວງໄດ້ລາຍງານໃຫ້ຮູ້ວ່າ: ເຂດເສດຖະກິດສະເພາະບຶງທາດຫຼວງສ້າງຕັ້ງຂຶ້ນໃນທ້າຍປີ 2011 ພາຍຫຼັງທີ່ລັດຖະບານລາວໄດ້ເຊັນສັນຍາກັບບໍລິສັດອະສັງຫາລີມະຊັບ ຫວ້ານເຟີ້ງ ຊຽງໄຮ້ ສປ ຈີນ ດ້ວຍທຶນຈົດທະບຽນ 7 ຕື້ກີບ ໃນເນື້ອທີ່ສຳປະທານ 365 ເຮັກຕາ ໂດຍມີຈຸດປະສົງເພື່ອສ້າງເຂດດັ່ງກ່າວໃຫ້ເປັນເມືອງທ່ອງທ່ຽວໜອງນ້ຳທຳມະຊາດ ແລະ ວັດທະນະທຳ ເປັນເຂດການຄ້າ-ການບໍລິການຕ່າງໆທີ່ທັນສະໄໝຄົບວົງຈອນ ຄາດຄະເນມູນຄ່າການລົງທຶນທັງໝົດ 1,6 ຕື້ໂດລາສະຫະລັດ ເຊິ່ງແຜນການກໍ່ສ້າງໂຄງການແມ່ນມີກຳນົດເວລາ 20 ປີ ນັບແຕ່ປີທີ່ໄດ້ສຳປະທານເນື້ອທີ່ດິນ ອີງຕາມສະພາບການພັດທະນາເສດຖະກິດ-ສັງຄົມຢູ່ ສປປ ລາວ ໄລຍະເວລາການກໍ່ສ້າງເຂດໄດ້ແບ່ງອອກເປັນ 4 ໄລຍະຄື: ໄລຍະທີ 1 ປີ 2012-2017 ໄລຍະທີ 2 ປີ 2018-2022 ໄລຍະທີ 3 ປີ 2023-2027 ແລະ ໄລຍະທີ 4 ປີ 2028-2032 ໃນນີ້ຜ່ານການຈັດຕັ້ງປະຕິບັດແຜນພັດທະນາໄລຍະທີ 1 ເຂດເສດຖະກິດສະເພາະບຶງທາດຫຼວງໄດ້ມີຄວາມຄືບໜ້າໃນຫຼາຍດ້ານເຊັ່ນ: ການຊົດເຊີຍເວນຄືນທີ່ດິນ ຜົນລະປູກໃຫ້ປະຊາຊົນທີ່ຖືກຜົນກະທົບສຳເລັດ 91% ສຳເລັດການຂຸດໜອງນ້ຳໃຫຍ່ ຄອງລະບາຍນ້ຳ ປັບໜ້າດິນ ແລະ ຖົມດິນ ສ້າງຖະໜົນຫົນທາງເຊື່ອມຕໍ່ເຂົ້າເຂດ ແລະ ໃນເຂດ ສ້າງຂົວຂ້າມຄອງນ້ຳພາຍໃນເຂດ ຕຶກອາຄານ ຫ້ອງການຕະຫຼາດ ແລະ ສິ່ງອຳນວຍຄວາມສະດວກຕ່າງໆ ໄດ້ສຳເລັດການກໍ່ສ້າງຕຶກຄອນໂດມິນຽມທັງໝົດ 11 ຕຶກ ສູງ 17 ຊັ້ນ ເປີດຂາຍແລ້ວ 4 ຕຶກ ປັດຈຸບັນຜູ້ພັດທະນາໄດ້ເອົາໃຈໃສ່ປັບປຸງແຜນແມ່ບົດການພັດທະນາຂອງຕົນໃຫ້ສອດຄ່ອງກັບສະພາບການພັດທະນາເສດຖະກິດ-ສັງຄົມໃນໄລຍະໃໝ່ຂອງ ສປປ ລາວ ເຊິ່ງແຜນແມ່ບົດດັ່ງກ່າວກຳລັງໄດ້ຮັບການຄົ້ນຄວ້າພິຈາລະນາຈາກກົມເຄຫາຜັງເມືອງ ກະຊວງໂຍທາທິການ ແລະ ຂົນສົ່ງ ໄປຄຽງຄູ່ກັບການເຮັດບົດປະເມີນຜົນກະທົບຕໍ່ສິ່ງແວດລ້ອມ ທີ່ບໍລິສັດທີ່ປຶກສາດ້ານສິ່ງແວດລ້ອມພວມສຸມໃສ່ປັບປຸງລາຍລະອຽດ ແລະ ສະເໜີຕໍ່ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຮັບຮອງ.
ໂອກາດນີ້ທ່ານເຈົ້າຄອງນະຄອນຫຼວງພ້ອມດ້ວຍຄະນະ ໄດ້ລົງກວດກາເບິ່ງສະພາບຕົວຈິງຂອງໂຄງການ ໂດຍສະເພາະການສ້າງທາງເຊື່ອມຕໍ່ຈາກເຂດອອກສູ່ທາງບ້ານໂນນຫວາຍ ເຊິ່ງຜູ້ພັດທະນາເຂດເປັນຜູ້ອອກງົບປະມານໃນການກໍ່ສ້າງທັງໝົດ ຄາດວ່າຈະສາມາດເປີດໃຫ້ປະຊາຊົນສາມາດນຳໃຊ້ໃນໄວໆນີ້ ແນໃສ່ຫຼຸດຜ່ອນຄວາມແອອັດຂອງການສັນຈອນໃນບໍລິເວນ 4 ແຍກໄຟແດງທາດຫຼວງ ພ້ອມນັ້ນທ່ານຍັງໄດ້ຕີລາຄາສູງຕໍ່ນັກລົງທຶນທີ່ໄດ້ຕັດສິນໃຈມາລົງທຶນເພື່ອພັດທະນານະຄອນຫຼວງວຽງຈັນ ພ້ອມທັງຊົມເຊີຍບໍລິສັດທີ່ໄດ້ເອົາໃຈໃສ່ພັດທະນາເຂດເສດຖະກິດສະເພາະບຶງທາດຫຼວງໃຫ້ກາຍເປັນເຂດພັດທະນາ ສະແດງໃຫ້ເຫັນໄລຍະປີ 2011 ເປັນຕົ້ນມາຮອດປັດຈຸບັນໄດ້ມີການປ່ຽນແປງຫຼາຍຢ່າງເປັນຕົ້ນ ຕຶກອາຄານຕ່າງໆ ແລະ ການພັດທະນາພື້ນຖານໂຄງລ່າງ ນອກນັ້ນຍັງໄດ້ເນັ້ນໃຫ້ຮີບຮ້ອນຈ່າຍຄ່າຊົດເຊີຍໃຫ້ປະຊາຊົນທີ່ຖືກຜົນກະທົບຈຳນວນໜຶ່ງທີ່ຍັງບໍ່ທັນໄດ້ຮັບຄ່າຊົດເຊີຍ ຜັງການລົງທຶນຕ້ອງເປັນຈຸນລະພາກໜຶ່ງຂອງເມືອງວຽງຈັນທີ່ເຊື່ອມໂຍງກັນດ້ານໜ້າດິນ ນ້ຳ ອາກາດ ແລະ ຄວາມສະຫງົບສຸກ ເພື່ອເຮັດໃຫ້ຄອງນ້ຳວຽງຈັນເປັນບ່ອນທ່ອງທ່ຽວໄດ້ໃນທຸກໆລະດູການ ນອກນັ້ນໃຫ້ລະດົມແນວຄວາມຄິດຂອງປະຊາຊົນລາວເຂົ້າໄປອາໄສຢູ່ເຂດດັ່ງກ່າວ ແລະ ອື່ນໆ.
