ຂ່າວຫຼ້າສຸດ

ວຽງຈັນໃໝ່ ເປີດໂຕສື່ອອນລາຍ ເປັນທາງການ

524 16 ກ.ກ. 2018 ຂ່າວໜ້າ​ໜຶ່ງ
ວຽງຈັນໃໝ່ ເປີດໂຕສື່ອອນລາຍ ເປັນທາງການ

    ເພື່ອ​ແນ­ໃສ່​ປະ­ກອບ­ສ່ວນ​ໃນ​ການ​ເຜີຍ­ແຜ່​ໂຄ­ສະ­ນາ​ແນວ­ທາງ​ນະ­ໂຍ­ບາຍ​ຂອງ​ພັກ ກົດ­ໝາຍ​ຂອງ​ລັດ ກໍ່​ຄື ນຳ​ເອົາ​ຂໍ້​ມູນ​ຂ່າວ­ສານ​ທີ່​ຖືກ­ຕ້ອງ​ໃຫ້​ທົ່ວ​ສັງ­ຄົມ​ໄດ້​ຮັບ​ຮູ້​ຢ່າງ​ທົ່ວ​ເຖິງ ໃນ​ວັນ​ທີ 13 ກໍ­ລະ­ກົດ 2018 ໜັງ­ສື­ພິມ​ວຽງ​ຈັນ​ໃໝ່ ວຽງ​ຈັນ​ທຸ­ລະ​ກິດ-ສັງ­ຄົມ ໄດ້​ຈັດ​ພິ­ທີ​ເປີດ Facebook Fan Pages @VientianeMai ຢ່າງ​ເປັນ​ທາງ​ການ  ທີ່​ສຳ­ນັກ­ງານ​ຂອງ​ຕົນ ບ້ານ​ໜອງ​ບຶກ​ໃຕ້ ເມືອງ​ສີ​ໂຄດ​ຕະ­ບອງ ນະ­ຄອນ­ຫຼວງ​ວຽງ​ຈັນ

    ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ​ຖະ­ແຫຼງ​ຂ່າວ  ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ ມີ​ຄະ­ນະ​ພະ​ແນກ ຖວ​ທ ນວ ຄະ­ນະ​ບັນ­ນາ­ທິ­ການ ພ້ອມ​ພະ ນັກ​ງານ  ໜັງ­ສື­ພິມ​ວຽງ​ຈັນ​ໃໝ່ ວຽງ​ຈັນ​ທຸ­ລະ​ກິດ-ສັງ­ຄົມ.

    ໜັງ­ສື­ພິມ​ວຽງ​ຈັນ​ໃໝ່ ເປັນ​ໜັງ­ສື­ພິມ​ລາຍ​ວັນ​ສະ­ບັບ​ໜຶ່ງ ເຊິ່ງ​ມີ​ພາ­ລະ​ບົດ­ບາດ​ອັນ​ສຳ­ຄັນ ເປັນ​ອາ­ວຸດ​ອັນ​ແຫຼມ​ຄົມ ແລະ ເປັນ​ກະ­ບອກ​ສຽງ​ຂອງ​ອົງ­ຄະ​ນະ​ພັກ ອຳ­ນາດ​ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ກໍ່​ຄື​ລັດ­ຖະ­ບານ ສປປ ລາວ ໂດຍ​ຂຶ້ນ​ກັບ​ການ​ຊີ້​ນຳ-ນຳ­ພາ​ໂດຍ​ກົງ​ຂອງ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ ເຊິ່ງ​ມີ­ໜ້າ​ທີ່​ໃນ​ການ​ໂຄ­ສະ­ນາ​ປຸກ­ລະ­ດົມ​ມວນ​ຊົນ​ທຸກ​ຊັ້ນ​ຄົນ ເຂົ້າ​ຮ່ວມ​ຂະ​ບວນ​ການ​ສ້າງ­ສາ-ພັດ­ທະ­ນາ​ປະ­ເທດ​ຊາດ ເວົ້າ​ລວມ ເວົ້າ​ສະ­ເພາະ ແມ່ນ​ນະ­ຄອນ­ຫຼວງ​ວຽງ​ຈັນ ໃຫ້​ມີ​ຄວາມ​ເຂັ້ມ­ແຂງ ແລະ ຈະ­ເລີນ​ກ້າວ­ໜ້າ​ຂຶ້ນ​ໄປ​ເລື້ອຍໆ.

ຂ່າວທີ່ກ່ຽວຂ້ອງ