ວາງກະຕ່າດອກໄມ້ ໃນໂອກາດວັນຄ້າຍວັນເກີດປະທານ ສຸພານຸວົງ

161 16 ກ.ກ. 2018 ຂ່າວໜ້າ​ໜຶ່ງ

    ໃນ​ໂອ­ກາດ​ວັນ​ຄ້າຍ​ວັນ​ເກີດ​ຂອງ​ປະ­ທານ ສຸ​ພາ­ນຸ​ວົງ ຄົບ­ຮອບ 109 ປີ (13.7.1909 ຫາ 13.7.2018) ວັນ​ທີ 13 ກໍ­ລະ­ກົດ 2018 ຄະ­ນະ​ນຳ ແລະ ພະ­ນັກ­ງານ​ພິ​ພິ​ທະ​ພັນ ໄກ­ສອນ ພົມ­ວິ­ຫານ ນຳ​ໂດຍ​ທ່ານ ສິງ​ທອງ ສິງ­ຫາ​ປັນ­ຍາ ຮັກ­ສາ​ການ​ຫົວ­ໜ້າ​ຄະ­ນະ​ຮັບ­ຜິດ­ຊອບ​ພິ​ພິ​ທະ​ພັນ​ໄກ­ສອນ ພົມ­ວິ­ຫານ ເຂົ້າ​ວາງ​ກະ­ຕ່າ​ດອກ​ໄມ້ ເພື່ອ​ສະ­ແດງ​ຄວາມ​ຮູ້​ບຸນ­ຄຸນ​ທີ່​ອະ­ນຸ­ສອນ​ສະ­ຖານ ປະ­ທານ ສຸ​ພາ­ນຸ​ວົງ.

    ປະ­ທານ ສຸ​ພາ­ນຸ​ວົງ ຜູ້­ນຳ​ທີ່​ແສນ​ເຄົາ­ລົບ​ຮັກ​ຂອງ​ປວງ​ຊົນ​ລາວ​ທັງ​ຊາດ ເປັນ​ຜູ້­ນຳ​ທີ່​ສະ­ຫຼາດ​ສ່ອງ​ໃສ​ທີ່​ຍາມ​ໃດ​ກໍ່​ເອົາ​ຄວາມ­ສຸກ ແລະ ປະ­ໂຫຍດ​ສ່ວນ​ລວມ​ຫຼາຍ​ກວ່າ​ສ່ວນ​ຕົວ ຍອມ​ເສຍ­ສະ­ຫຼະ​ຄວາມ­ສຸກ​ຄວາມ​ສະ­ບາຍ ເພື່ອ​ສະ­ແຫວງ­ຫາ​ເສັ້ນ­ທາງ​ອັນ​ສະ­ຫວ່າງ​ສ່ອງ​ໃສ ນຳ­ພາ​ປະ­ເທດ​ຊາດ​ໃຫ້​ຮຸ່ງ­ເຮືອງ​ສີ­ວິ­ໄລ ປະ­ທານ ສຸ​ພາ­ນຸ​ວົງ ເປັນ​ກະ­ສັດ ເປັນ​ວິ­ລະ​ບຸ­ລຸດ ທີ່​ມີ​ແບບ­ແຜນ​ການ​ດຳ­ລົງ​ຊີ­ວິດ​ທີ່​ລຽບ​ງ່າຍ ປະ­ຢັດ​ມັດ­ທະ­ຍັດ ແລະ ມີ​ສິນ​ທຳ​ປະ­ຕິ­ວັດ​ອັນ​ສູງ​ສົ່ງ ສຸມ​ໃສ່​ທຸກ​ກຳ­ລັງ​ເຫື່ອ­ແຮງ ແລະ ສະ­ຕິ​ປັນ­ຍາ ເຂົ້າ​ໃນ​ຂະ​ບວນ​ການ​ຕໍ່­ສູ້​ປົດ​ປ່ອຍ­ປະ​ເທດ​ຊາດ ຄ່ຽງ​ບ່າ​ຄ່ຽງ​ໄລ່​ກັບ​ປະ­ຊາ­ຊົນ​ບັນ­ດາ­ເຜົ່າ ຕີ​ຕ້ານ​ສັດ­ຕູ​ຜູ້​ມາ​ຮຸກ​ຮານ ເຮັດ​ໃຫ້​ປະ­ເທດ​ຊາດ​ໄດ້​ຮັບ​ການ​ປົດ​ປ່ອຍ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ ໃຫ້​ຈະ­ເລີນ​ສີ­ວິ­ໄລ​ເປັນ​ກ້າວໆ.

ຂ່າວທີ່ກ່ຽວຂ້ອງ