ຂ່າວຫຼ້າສຸດ

ຄຸນ​ປະໂຫຍດ​ຫຼາຍ ການ​ອອກກຳລັງ​ກາຍ​ໃນ​ຕອນ​ເຊົ້າ

176 16 ກ.ກ. 2018 ຫົວຂໍ້ຂ່າວອື່ນໆ
ຄຸນ​ປະໂຫຍດ​ຫຼາຍ ການ​ອອກກຳລັງ​ກາຍ​ໃນ​ຕອນ​ເຊົ້າ

    ຫຼາຍໆ​ທ່ານ​ອາດ​ຈະ​ມັກ​ເລືອກ​ອອກກຳລັງ​ກາຍ​ໃນ​ຕອນ​ແລງ​ເປັນ​ສ່ວນ​ໃຫຍ່ ແຕ່​ທ່ານ​ຮູ້​ບໍ່​ວ່າ ການ​ອອກກຳລັງ​ກາຍ​ໃນ​ຕອນ​ເຊົ້າ​ມີ​ຜົນ​ດີ​ກັບ​ຮ່າງກາຍ​ຫຼາຍໆ​ຢ່າງ.

1.  ຊ່ວຍ​ໃຫ້​ອາລົມ​ດີ​ຕະຫຼອດ​ມື້ ທຸກ​ເທື່ອ​ທີ່​ເຮົາ​ອອກກຳລັງ​ການ​ຈະ​ເຮັດ​ໃຫ້​ຮ່າງກາຍ​ເລັ່ງ​ສານ​ເອັນ​ດໍ​​ຊ​ຟິນ​ອອກ​ມາ ຫລື ເອີ້ນ​ອີກ​ຢ່າງ​ຫນຶ່ງ​ວ່າ​ສານ​ແຫ່ງ​ຄວາມສຸກ ຖ້າ​ຫາກ​ເຮົາ​ເລີ່ມ​ຕົ້ນ​ວັນ​ໃຫມ່​ດ້ວຍ​ຄວາມ​ຮູ້ສຶກ​ດີໆ ກໍ່​ຈະ​ເຮັດ​ໃຫ້​ຕະຫລອດ​ມື້​ນັ້ນ​ເປັນ​ມື້ ທີ່​ສົດໃສ ແລະ ມື້​ຄວາມສຸກ​ຕະຫຼອດ​ມື້​ເລີຍ

2.  ຊ່ວຍ​ກະ​ຕຸ້ນ​ການ​ເຮັດ​ວຽກ​ຂອງ​ສະຫມອງ​ໄດ້​ດີ ຫາກ​ເຮົາ​ອອກກຳລັງ​ກາຍ​ໃນ​ຕອນ​ເຊົ້າ​ຈະ​ເຮັດ​ໃຫ້​ສະຫມອງ​ເຮົາ​ເຮັດ​ວຽກ​ໄດ້​ຢ່າງ​ມີ​ປະສິດທິພາບ​ຫຼາຍ​ຂື້ນ ພ້ອມ​ທັງ​ຊ່ວຍ​ໃນ​ເລື່ອງ​ຄວາມ​ຈື່​ຈຳ​ໄດ້​ດີ​ນຳ​ອີກ​ດ້ວຍ.

3.  ຊ່ວຍ​ໃນ​ເລື່ອງ​ການ​ຄວບ​ຄຸມ​ນຳ​ຫນັກ​ເຮັດ​ໃຫ້​ມີ​ປະສິດທິພາບ​ຫລາຍ​ຂື້ນ ເພາະ​ການ​ອອກກຳລັງ​ກາຍ​ຈະ​ຊ່ວຍ​ກະ​ຕຸ້ນ​ການ​ເຮັດ​ວຽກ​ຂອງ​ສານ ເມ​ຕາ​ບໍ​ລິ​ຊຶມ ທີ່​ເປັນ​ໂຕ​ປ່ຽນ​ອາຫານ​ຕ່າງໆ​ທີ່​ເຮົາ​ບໍລິໂພກ​ເຂົ້າ​ໄປ​ເປັນ​ພະລັງງານ​ທີ່​ໃຊ້​ໃນ​ຮ່າງກາຍ ຖ້າ​ຫາກ​ສານ​ດັ່ງກ່າວ​ມີ​ການ​ເຮັດ​ວຽກ​ໃນ​ຂະນະ​ທີ່​ເຮົາ​ມີ​ການ​ບໍລິໂພກ​ອາຫານ ຈະ​ຊ່ວຍ​ເຜົາ​ຜານ​ໄຂມັນ​ໄດ້​ຫຼາຍ​ກວ່າ​ຕອນ​ນອນ​ຫລັບ ເພາະ​ໃນ​ເມື່ອ​ຕອນ​ແລງ​ເມື່ອ​ເຮົາ​ອອກກຳລັງ​ກາຍ​ແລ້ວ​ເຮົາ​ຈະ​ພັກຜ່ອນ ແລະ ຫຼັບ​ໃນ​ທັນທີ.

4. ຊ່ວຍ​ຫລຸດຜ່ອນ​ການ​ແຊກ​ແຊງ​ຂອງ​ວຽກ​ທີ່​ບໍ່​ໄດ້​ຢູ່​ໃນ​ແຜນ ຫລາຍ​ເທື່ອ​ທີ່​ເຮົາ​ຕ້ອງ​ຍົກເລີກ ແລະ ເລື່ອນ​ການ​ອອກກຳລັງ​ກາຍ​ອອກ​ໄປ​ເປັນ​ການ​ອອກກຳລັງ​ກາຍ​ໃນ​ຕອນ​ແລງ​ໄປ​ເລື້ອຍໆ ຍ້ອນ​ມີ​ວຽກ​ດ່ວນ​ເຂົ້າ​ມາ​ຕະຫລອດ ດັ່ງນັ້ນ​ເຮົາ​ຄວນ​ຫາ​ເວລາ​ອອກກຳລັງ​ກາຍ​ໃນ​ຕອນ​ເຊົ້າ ກ່ອນ​ອອກ​ໄປ​ເຮັດ​ວຽກ ໃນ​ແຕ່​ລະ​ວັນ ປະມານ 30 ນາທີ ຫລື 1 ຊົ່ວໂມງ ຍິ່ງ​ເປັນ​ການ​ດີ.

5. ຊ່ວຍ​ໃຫ້​ນອນ​ຫຼັບ​ດີກ​ວ່າການ​ອອກກຳລັງ​ກາຍ​ໃນ​ຕອນ​ແລງ ເນື່ອງ​ຈາກ​ວ່າການ​ອອກກຳລັງ​ກາຍ​ໃນ​ຕອນ​ແລງ ຈະ​ກະ​ຕຸ້ນ​ໃຫ້​ຮ່າງກາຍ​ເຮັດ​ວຽກ​ຫນັກ​ຂື້ນ ສົ່ງ​ຜົນ​ໃຫ້​ມີ​ຄວາມ​ເມື່ອຍ​ຈິງ​ບໍ່​ສາມາດ​ນອນ​ຫລັບ​ໄດ້​ຢ່າງ​ເຕັມທີ.

 

ຂ່າວທີ່ກ່ຽວຂ້ອງ