ອາຫານ​ທີ່​ຊ່ວຍ​ເພີ່ມ​ນ້ຳ​ນົມ ແລະ ບຳລຸງ​ສຸຂະພາບ​ແມ່ ເກີດ​ລູກ​ໃໝ

257 13 ກ.ກ. 2018 ຫົວຂໍ້ຂ່າວອື່ນໆ
ອາຫານ​ທີ່​ຊ່ວຍ​ເພີ່ມ​ນ້ຳ​ນົມ ແລະ ບຳລຸງ​ສຸຂະພາບ​ແມ່ ເກີດ​ລູກ​ໃໝ

     ການ​ເລີ່ມ​ຕົ້ນ ເປັນ​ແມ່ ຕ້ອງ​ໄດ້​ດູ​ແລ​ຕົວ​ເອງ ເພາະ​ຫຼັງ​ຈາກ​ມີ​ລູກ​ແລ້ວ ກໍ່​ເທົ່າ​ກັບ​ວ່າ​ມີ​ອີກ​ໜຶ່ງ​ຊີວິດ​ທີ່​ເຈົ້າ​ຕ້ອງ​ເພີ່ມ​ຄວາມ​ເອົາໃຈໃສ່​ຕັ້ງແຕ່​ຕອນ​ຖືພາ​ຈົນ​ເກີດ​ອອກ​ມາ ຮ່າງກາຍ​ຂອງ​ແມ່​ຕ້ອງ​ກຽມ​ຄວາມ​ພ້ອມ​ສຳ​ຫຼັບ​ການ​ໃຫ້​ອາຫານ​ທີ່​ດີ​ທີ່​ສຸດ​ແກ່​ລູກ​ຮັກ​ນັ້ນ​ກໍ່​ຄື  “ນ້ຳ​ນົມ​ແມ່”  ແຕ່​ກໍ່​ມີ​ແມ່​ຫຼາຍ​ຄົນ​ຕ້ອງ​ພົບ​ກັບ​ບັນຫາ​ນ້ຳ​ນົມ​ໜ້ອຍ ມື້ນີ້ ຄໍ​ລຳ​ສິ່ງ​ຄວນ​ຮູ້​ມີ​ອາຫານ​ທີ່​ຈະ​ມາ​ແນະນຳ​ໃຫ້​ແມ່​ທີ່​ເກີດ​ລູກ​ໃໝ່​ໃຫ້​ຮູ້​ກັນ ເພື່ອ​ເພີ່ມ​ນ້ຳ​ນົມ​ໃຫ້​ລູກນ້ອຍ​ໄດ້​ເຕັມທີ່ ຄື:

   1. ຜັກ​ອີ​ຮຸມ:  ໃບ ແລະ ດອກ ມີ​ວິຕາມິນ C ສູງ ມີ​ໂປ​ເຕ​ຊຽມ​ສູງ ໂປຣ​ຕີນ​ສູງ ທີ່​ຊ່ວຍ​ໃນ​ການ​ເພີ່ມ​ນ້ຳ​ນົມ ແລະ ມີ​ແຄວ​ຊຽມ​ສູງ ທີ່​ຊ່ວຍ​ບຳລຸງ ກະດູກ​ຂອງ​ແມ່​ແຂງແຮງ.

   2. ຂີງ:  ມີ​ໂປຣ​ຕີນ ໄຂມັນ ແຄວ​ຊຽມ ວິ​ຕາມິນ A ວິຕາມິນ B1 B2 ຄາ​ໂບ​ໄຮ​ເດດ ແລະ ຍັງ​ມີ​ສັບພະ​ຄຸນ​ຊ່ວຍ​ຂັບ​ເຫື່ອ ເພີ່ມ​ການ​ໄຫຼ​ວຽນ ຂອງ​ເລືອດ ແລະ ເຮັດ​ໃຫ້​ນ້ຳ​ນົມ​ໄຫຼ​ອອກ​ມາສະດວກ.

   3. ຜັກ​ຕຳນິນ: ມີ​ເສັ້ນ​ໃຍ​ອາຫານ​ໃນ​ປະລິມານ​ຫຼາຍ ຊ່ວຍ​ບຳລຸງ​ນ້ຳ​ນົມ​ແມ່​ສຸດໆ ນອກຈາກ​ນີ້ ໃນ​ຜັກ​ຕຳນິນ​ຍັງ​ມີ​ໂປຣ​ຕີນ ວິຕາມິນ A ວິຕາມິນ B1 B2 B3 ວີ​ຕາ​ມິນ C ແຄວ​ຊຽມ.

   4. ປີ​ກ້ວຍ: ມີ​ທາດ​ເຫຼັກ ຊ່ວຍ​ກະ​ຕຸ້ນ​ນ້ຳ​ນົມ​ໄດ້​ດີ​​ີ ແລະ​ມີ​ແຄວ​ຊຽມ​ສູງ ມີ​ໂປຣ​ຕີນ ​ຟອສ​ຟໍ​​ຣັສ ແລະ ສານ​ອື່ນໆ ທີ່​ຊ່ວຍ​ປ້ອງ​ກັນ​ພະຍາດ​ກະເພາະ​ລຳ​ໄສ້ ບຳລຸງ​ເລືອດ​ໄດ້​ອີກ​ດ້ວຍ.

  5. ໃບ​ກະ​ເພົາ:  ມີ​ແຄວ​ຊຽມ ທາດ​ເຫຼັກ ​ຟອສ ຟໍ​​ຣັສ​ສູງ ເຊິ່ງ​ຄວາມ​ຮ້ອນ​ຈາກ​ໃບ​ກະ​ເພົາ ຊ່ວຍ​ການ​ໄຫຼ​ວຽນ​ຂອງ​ເລືອດ ຊ່ວຍ​ເພີ່ມ​ນ້ຳ​ນົມ​ໃຫ້​ກັບ​ແມ່ລູກອ່ອນ​ໄດ້.

 

ຂ່າວທີ່ກ່ຽວຂ້ອງ