ຂ່າວຫຼ້າສຸດ

ແຫ່ງຕ່າງໆ ຫວນຄືນມູນເຊື້ອຂອງປະທານ ສຸພານຸວົງ

217 13 ກ.ກ. 2018 ຂ່າວໜ້າ​ໜຶ່ງ
ແຫ່ງຕ່າງໆ ຫວນຄືນມູນເຊື້ອຂອງປະທານ ສຸພານຸວົງ

    ເພື່ອ​ເສີມ​ຂະ­ຫຍາຍ​ມູນ­ເຊື້ອ​ອັນ​ດີ­ງາມ ແບບ­ແຜນ​ການ​ດຳ­ລົງ​ຊີ­ວິດ ຄຸນ­ສົມ­ບັດ​ສິນ​ທຳ​ປະ­ຕິ­ວັດ​ຂອງ​ປະ­ທານ ສຸ​ພາ­ນຸ​ວົງ ເຂົ້າ​ໃນ​ການ​ເຝິກ­ຝົນ​ຫຼໍ່​ຫຼອມ​ໃຫ້​ແກ່​ພະ­ນັກ­ງານ-ລັດ­ຖະ­ກອນ ທົ່ວ ສຊປປລ ຄະ­ນະ​ເລ­ຂາ­ທິ­ການ​ສູນ​ກາງ​ຊາວ​ໜຸ່ມ​ປະ­ຊາ­ຊົນ ປະ­ຕິ­ວັດ​ລາວ ວັນ​ທີ 12 ກໍ­ລະ­ກົດ 2018 ກົມ​ອົບ­ຮົມ​ຊາວ​ໜຸ່ມ ສູນ​ກາງ​ຊາວ​ໜຸ່ມ ປະ­ຊາ­ຊົນ ປະ­ຕິ­ວັດ​ລາວ (ສຊປປລ) ຈັດ​ພິ­ທີ​ປາ­ຖະ­ກະ­ຖາ​ມູນ­ເຊື້ອ ແລະ ການ­ເຄື່ອນ­ໄຫວ​ຂອງ​ທ່ານ​ປະ­ທານ ສຸ​ພາ­ນຸ​ວົງ ໃນ​ໂອ­ກາດ​ວັນ​ຄ້າຍ​ວັນ​ເກີດ​ຄົບ­ຮອບ 109 ປີ (13/7/1909-13/7/2018) ຢູ່​ທີ່ ສຊປປລ ໃຫ້​ກຽດ​ປາ­ຖະ­ກະ­ຖາ​ຂອງ​ທ່ານ​ນາງ ຍອດ​ແກ້ວ​ມະ­ນີ ສຸ​ພາ­ນຸ​ວົງ ຮອງ​ປະ­ທານ​ສູນ​ກາງ​ແນວ​ລາວ​ສ້າງ​ຊາດ ມີ​ທ່ານ ອາ​ລຸນ​ໄຊ ສູນ​ນະ­ລາດ ເລ­ຂາ​ຄະ­ນະ​ບໍ­ລິ­ຫານ​ງານ ສຊປປລ ຕະ­ຫຼອດ​ຮອດ​ຄະ­ນະ​ພັກ ຄະ­ນະ​ກົມ ພະ​ແນກ ແລະ ພະ­ນັກ­ງານ-ລັດ­ຖະ­ກອນ​ອ້ອມ​ຂ້າງ​ເຂົ້າ​ຮ່ວມ.

     ການ​ປາ­ຖະ­ກະ­ຖາ​ຄັ້ງ​ນີ້​ເປັນ​ກິດ­ຈະ­ກຳ​ໜຶ່ງ​ທີ່ ສຊປປລ ໄດ້​ກຳ­ນົດ​ເຂົ້າ​ໃນ​ແຜນ­ການ​ເພື່ອ​ສະ­ເຫຼີມ­ສະ­ຫຼອງ​ວັນ​ສ້າງ­ຕັ້ງ​ຄະ­ນະ​ບໍ­ລິ­ຫານ​ງານ ສຊປປລ ແນ­ໃສ່​ລະ­ນຶກ​ເຖິງ​ຄຸນ­ງາມ­ຄວາມ­ດີ​ຂອງ​ປະ­ທານ ສຸ​ພາ­ນຸ​ວົງ ທີ່​ໄດ້​ເອົາ​ຊີ­ວິດ​ຂອງ​ຕົນ​ຜູກ​ພັນ​ກັບ​ການ​ປະ­ຕິ­ວັດ​ອັນ​ສູງ​ສົ່ງ ເພື່ອ​ຄວາມ​ເປັນ​ເອ­ກະ­ລາດ ອິດ­ສະ­ຫຼະ­ພາບ ແລະ ຄວາມ​ຢູ່​ດີ​ກິນ​ດີ​ຂອງ​ປະ­ຊາ­ຊົນ ພ້ອມ​ນັ້ນ ເພື່ອ​ເສີມ​ຂະ­ຫຍາຍ​ມູນ­ເຊື້ອ​ອັນ​ດີ­ງາມ ແບບ­ແຜນ​ການ​ດຳ­ລົງ​ຊີ­ວິດ ຄຸນ­ສົມ­ບັດ​ສິນ​ທຳ​ປະ­ຕິ­ວັດ​ຂອງ​ປະ­ທານ​ສຸ​ພາ­ນຸ​ວົງ ເຂົ້າ​ໃນ​ການ​ເຝິກ­ຝົນ​ຫຼໍ່​ຫຼອມ​ໃຫ້​ແກ່​ພະ­ນັກ­ງານ-ລັດ­ຖະ­ກອນ​ທົ່ວ ສຊປປລ ເປັນ​ການ​ເພີ່ມ​ທະ­ວີ​ໃຫ້​ຊາວ​ໜຸ່ມ​ລາວ​ໄດ້​ຮັບ​ຮູ້​ເຂົ້າ­ໃຈ​ຢ່າງ​ເລິກ­ເຊິ່ງ​ກ່ຽວ​ກັບ​ມູນ­ເຊື້ອ​ປະ­ຫວັດ­ສາດ​ອັນ​ສຳ­ຄັນ​ດັ່ງ­ກ່າວ ແລະ ປູກ​ຈິດ​ສຳ­ນຶກ​ໃຫ້​ແກ່​ຊາວ​ໜຸ່ມ​ລາວ ສືບ​ທອດ​ເອົາ​ແນວ​ຄິດ​ອັນ​ສະ­ຫຼາດ​ສ່ອງ​ໃສ ເພື່ອ​ເຝິກ­ຝົນ​ຕົນ​ເອງ​ໃຫ້​ເປັນ​ພະ­ນັກ­ງານ​ຮຸ່ນ​ສືບ​ທອດ​ທີ່​ຈົງ​ຮັກ​ພັກ­ດີ​ຕໍ່​ພັກ ແລະ ປະ­ເທດ​ຊາດ.

ໃນ​ວັນ​ດຽວ​ກັນ ທີ່ກະ­ຊວງ​ສາ­ທາ­ລະ­ນະ​ສຸກ​ ພະ​ແນກ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ນະ­ຄອນ­ຫຼວງ​ວຽງ​ຈັນ (ປທສ.ນວ) ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ ນວ) ແລະ ຢູ່ທີ່ສະ­ໂມ­ສອນ​ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ກໍ່​ໄດ້​ມີ​ປາ­ຖະ­ກະ­ຖາ​ວັນ​ຄ້າຍ​ວັນ​ເກີດ​ຂອງ​ປະ­ທານ ສຸ​ພາ­ນຸ​ວົງ ຄົບ­ຮອບ 109 ປີ ເຊັ່ນ​ກັນ.

ຂ່າວທີ່ກ່ຽວຂ້ອງ