ຂ່າວຫຼ້າສຸດ

ອົດ​ອາຫານ​ເຊົ້າ ລະວັງ​ບັນຫາ​ສຸຂະພາບ

269 12 ກ.ກ. 2018 ຫົວຂໍ້ຂ່າວອື່ນໆ
ອົດ​ອາຫານ​ເຊົ້າ ລະວັງ​ບັນຫາ​ສຸຂະພາບ

    ຢ່າງທີ່ທຸກຄົນ ຮູ້ກັນດີວ່າ ອາຫານເຊົ້າ ເປັນອາຫານຄາບສໍາຄັນທີ່ຈໍາເປັນຕໍ່ ຮ່າງກາຍຫຼາຍ ເພື່ອເປັນການເສີມສ້າງພະລັງໃຫ້ແກ່ຮ່າງກາຍ ແຕ່ໃນປັດຈຸບັນຫຼາຍຄົນອາດຈະໃຊ້ຊີວິດແບບຮີບດ່ວນ ເຮັດໃຫ້ລະເລີຍອາຫານເຊົ້າໄປ ແລະ ທ່ານຮູ້ບໍ່ວ່າ ການອົດອາຫານເຊົ້ານັ້ນຈະສົ່ງ ຜົນເສຍຕໍ່ຮ່າງກາຍ ເຊິ່ງຈະນຳພາບັນຫາຕ່າງໆ ຕາມມາແບບບໍ່ຮູ້ຕົວ ແລະ ຖ້າອົດອາຫານເຊົ້າເປັນເວລານານ ເຮັດໃຫ້ສ່ຽງຕໍ່ໂຣກຕ່າງໆຕາມມາ ດັ່ງ ນີ້.

  1. ຕຸ້ຍ: ການ​ອົດ​ອາຫານ​ຕອນ​ເຊົ້າ​ຈະ​ເຮັດ​ໃຫ້ ລະດັບ​ນ້ຳຕານ​ໃນ​ເລືອດ​ຕ່ຳ ອັດຕາ​ການ​ຍ່ອຍ​ອາຫານ​ແມ່ນ​ຫຼຸດ​ລົງ.

  2. ພະຍາດ​ເບົາຫວານ: ການ​ງົດ​ອາຫານ​ເຊົ້າ ເຮັດ​ໃຫ້​ເກີດ​ການ​ປະຕິເສດ​ອິນ​ຊູ​ລິນ ເຊິ່ງ​ເປັນ​ສາເຫດ​ຂອງ​ພະຍາດ​ເບົາ ຫວານ.

  3. ຄວາມ​ຈຳ​ເສື່ອມ: ຮ່າງກາຍ​ອາດ​ບໍ່​ໄດ້​ຮັບ​ພະລັງງານ​ໄປ​ກະ​ຕຸ້ນ​ສະໝອງ​ພຽງພໍ ເຮັດ​ໃຫ້​ເກີດ​ຄວາມ​ຈຳ​ສັ້ນ.

  4. ພະຍາດ​ເສັ້ນເລືອດ​ໃນ​ສະໝອງ ແລະ ພະຍາດຫົວໃຈ: ສົ່ງ​ຜົນ​ໃຫ້​ເສັ້ນເລືອດ​ທີ່​ໄປ​ລ້ຽງ​ສະໝອງ​ອຸດ​ຕັນ.

  5. ກົດ​ໄຫຼ​ຢ້ອນ: ກິນ​ປະເພດ​ນ້ຳ​ແທນ​ອາຫານ  ເຮັດ​ໃຫ້​ນ້ຳ​ຍ່ອຍ​ກົດ​ດັນ​ຢ້ອນ​ຄືນ​ມາ​ຫຼາຍ​ຂຶ້ນ.

  6. ໜິ້ວ​ຖົງ​ບີ: ເຮັດ​ໃຫ້​ຄໍ​ເລນ​ສະ​ຕໍ​ລໍ​ໃນ​ຖົງ​ນ້ຳບີ ຈັບ​ໂຕ​ກັນ ຈົນ​ເຮັດ​ໃຫ້​ກາຍເປັນ​ກ້ອນ​ໜິ້ວ​ໄດ້.

ຂ່າວທີ່ກ່ຽວຂ້ອງ