ບຸນຊ່ວງເຮືອ 12-22 ສີພາຍ ທີ່ບຶງທາດຫຼວງ ກຽມຈັດ 13 ກໍລະກົດນີ້

375 12 ກ.ກ. 2018 ວົງຈອນກີລາ
ບຸນຊ່ວງເຮືອ 12-22 ສີພາຍ ທີ່ບຶງທາດຫຼວງ ກຽມຈັດ 13 ກໍລະກົດນີ້

   ພິ­ທີ​ຜົນ​ການ​ຈົກ​ສະ­ຫຼາກ ໃນ​ງານ​ບຸນ­ຊ່ວງ­ເຮືອ​ກີ­ລາ 12 ສີ­ພາຍ ແລະ 22 ສີ­ພາຍ ຊີງ​ຂັນ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ (ນວ) ປະ­ຈຳ​ປີ 2018 ຈັດ​ຂຶ້ນ​ວັນ​ທີ 10 ກໍ­ລະ­ກົດ 2018 ທີ່​ພະ​ແນກ ສຶກ​ສາ​ທິ​ການ ແລະ ກີ­ລາ (ບຶງ​ຂະ​ຫຍອງ) ມີ​ທ່ານ ໄທ ສີ­ວິ­ໄລ ຮອງ​ປະ­ທານ​ສະ­ຫະ­ພັນ​ກີ­ລາ​ເຮືອ​ຊ່ວງ ນວ ພ້ອມ​ດ້ວຍ​ຄະ­ນະ​ຮັບ­ຜິດ­ຊອບ​ຈັດ­ການ​ແຂ່ງ­ຂັນ ຄະ­ນະ​ຮັບ­ຜິດ­ຊອບ​ເຮືອ​ຊ່ວງ ແລະ ແຂກ​ຖືກ​ເຊີນ​ເຂົ້າ​ຮ່ວມ.

   ຜ່ານ​ການ​ຈົກ​ສະ­ຫຼາກ ຜົນ​ປາ­ກົດ​ວ່າ: ປະ­ເພດ 12 ສີ­ພາຍ ສາຍ ກ ມີ ດອກ​ຟ້າ​ຂວັນ​ໃຈ​ປູ່​ບັງ ບ້ານ​ປຸ່ງ​ເໜືອ ເມືອງ​ຫີນ​ບູນ ແຂວງ​ຄຳ​ມ່ວນ  ນາ­ວາ​ໂຊກ​ໄຊ ບ້ານ​ທ່າ​ນາ​ແລ້ງ ເມືອງ​ຫາດ​ຊາຍ​ຟອງ ຂວັນ​ໃຈ​ປູ່​ກັ້ງ ບ້ານ​ນາ​ເໜືອ ເມືອງ​ຫີນ​ບູນ ແຂວງ​ຄຳ​ມ່ວນ  ແລະ ແຂວງ​ບໍ​ລິ​ຄຳ​ໄຊ ສາຍ ຂ ນະ­ຄອນ­ຫຼວງ​ວຽງ​ຈັນ ບ້ານ​ແສນ​ດິນ ເມືອງ​ນາ​ຊາຍ​ທອງ ບ້ານ​ຊາຍ​ຟອງ​ເໜືອ 2 ເມືອງ​ຫາດ​ຊາຍ​ຟອງ ແລະ ນາກ​ທອງ ບ້ານ​ອຸບ​ມຸງ ເມືອງ​ສີ​ໂຄດ​ຕະ­ບອງ ສາຍ ຄ ໂນ້​ແກັສ  ແຂວງ​ສາ­ລະ​ວັນ  ບ້ານ​ຊາຍ​ຟອງ​ເໜືອ 1 ເມືອງ​ຫາດ​ຊາຍ​ຟອງ ແລະ ດອກ​ຟ້າ​ຂວັນ​ໃຈ​ປູ່​ບັງ 1 ບ້ານ​ປຸ່ງ​ເໜືອ ເມືອງ​ຫີນ​ບູນ ແຂວງ​ຄຳ​ມ່ວນ ສາຍ ງ ນາ­ວາ​ສັກ­ສິດ 1 ແຂວງ​ຊຽງ​ຂວາງ ນາ​ໂພ​ງອຍ FC ເມືອງ​ໄຊ​ເຊດ​ຖາ ແລະ ນາ­ວາ​ສັກ­ສິດ 2.

   ສຳ­ລັບ​ປະ­ເພດ 22 ສີ­ພາຍ ສາຍ ກ ບ້ານ​ຊາຍ​ຟອງ​ເໜືອ ເມືອງ​ຫາດ​ຊາຍ​ຟອງ ຂວັນ​ໃຈ​ປູ່​ກັ້ງ ບ້ານ​ນາ​ເໜືອ ເມືອງ​ຫີນ​ບູນ ແຂວງ​ຄຳ​ມ່ວນ ແລະ ເທບ​ພອນ​ໄຊ ບ້ານ​ທ່າ​ໂພ ເມືອງ​ໄຊ​ພູ​ທອງ ແຂວງ​ສະ­ຫວັນ​ນະ​ເຂດ ສາຍ ຂ ແຂວງ​ຊຽງ​ຂວາງ ນາ­ວາ​ສັກ­ສິດ 1 ແລະ ບ້ານ​ແສນ​ດິນ ເມືອງ​ນາ​ຊາຍ​ທອງ ສາຍ ຄ ນາ­ວາ​ສັກ­ສິດ 2 ນະ­ຄອນ­ຫຼວງ​ວຽງ​ຈັນ ແຂວງ​ສາ­ລະ​ວັນ ສາຍ ງ ແຂວງ​ບໍ​ລິ​ຄຳ​ໄຊ ເພັດ​ສາຍ​ນ້ຳ ບ້ານ​ບຸ່ງ​ກວາງ ເມືອງ​ປາກ​ກະ­ດິງ ແຂວງ​ບໍ​ລິ​ຄຳ​ໄຊ.

   ການ​ແຂ່ງ­ຂັນ​ດັ່ງ­ກ່າວ ເພື່ອ​ເປັນ​ການ​ສະ­ເຫຼີມ­ສະ­ຫຼອງ​ວັນ​ກຳ­ເນີດ​ກີ­ລາ​ລາວ ຄົບ­ຮອບ 52 ປີ ທັງ​ເປັນ​ການ​ທົດ​ສອບ​ຄວາມ​ພ້ອມ​ຂອງ​ນັກ­ກີ­ລາ​ຊ່ວງ​ເຮືອ ທີ່​ເປັນ​ຕົວ​ແທນ​ຂອງ ນວ ກະ­ກຽມ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ 11 ທີ່​ແຂວງ​ຊຽງ​ຂວາງ ເປັນ​ເຈົ້າ­ພາບ ທ້າຍ​ປີ​ນີ້ ຈະ​ໄດ້​ຈັດ​ຂຶ້ນ​ໃນ​ວັນ​ທີ 13 ກໍ­ລະ­ກົດ 2018 ນີ້ ທີ່​ທ່າ​ນ້ຳ​ບຶງ​ທາດ­ຫຼວງ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ນອກ­ຈາກ​ການ​ແຂ່ງ­ຂັນ​ຊ່ວງ​ເຮືອ​ແລ້ວ ຍັງ​ມີ​ກີ­ລາ​ອີກ 3 ປະ­ເພດ ເຊັ່ນ:ເປ​ຕັງ ກະ­ຕໍ້ ແລະ ຈ້ອງ​ບິນ (ພາ​ຣາ​ມໍ​ເຕີ).

ຂ່າວທີ່ກ່ຽວຂ້ອງ