ອຸປະກອນຊ່ວຍຫຼຸດຜ່ອນບັນຫາການນອນໂກນ

63 ວັນພະຫັດ ເວລາ 09:56 ຫົວຂໍ້ຂ່າວອື່ນໆ

   ຫຼາຍ​ທ່ານ​ມີ​ບັນ­ຫາ​ເລື່ອງ​ການ​ນອນ​ໂກນ​ມີ​ສຽງ​ລົບ​ກວນ​ຜູ້​ອື່ນ ເຊິ່ງ​ສ່ວນ​ໃຫຍ່ແລ້ວ​ເປັນ​ຜູ້​ສູງ​ອາ­ຍຸ ແຕ່​ເຊື່ອ​ວ່າ​ຕໍ່​ໄປ​ນີ້​ບັນ ຫາ​ດັ່ງ­ກ່າວ​ຈະ​ຫຼຸດ​ລົງ ເພາະ​ມີ​ບໍ­ລິ­ສັດ​ໜຶ່ງ ໃນ​ນະ­ຄອນ ຊານ​ຟຣານ​ຊິດ​ສ​ໂກ ໄດ້​ພັດ ທະ​ນາ​ອຸ­ປະ­ກອນ ສະ­ມາດ​ໂນ​ຣາ ເຊິ່ງ​ມັນ​ເປັນ​ອຸ­ປະ­ກອນ​ທີ່​ຈະ​ມາ​ຊ່ວຍ​ຫຼຸດ­ຜ່ອນ​ບໍ່​ໃຫ້​ມີ​ສຽງ​ດັງ​ໃນ​ເວ­ລາ​ນອນ ແລະ ຍັງ​ເຮັດ​ໃຫ້​ນອນ​ງ່າຍ​ສະ­ບາຍ​ຕົວ​ອີກ.

   ສະ­ມາດ​ໂນ​ຣາ ຈະ​ເຮັດ​ວຽກ​ໂດຍ​ອາ­ໄສ​ໄມ​ໂຄ​ໂຟນ​ແບບ​ບໍ່​ມີ​ສາຍ​ທີ່​ກວດ​ຈັບ​ສຽງ​ໂກນ ແລະ ສົ່ງ​ສັນ­ຍານ​ໃຫ້​ປ້ຳ​ລົມ​ໃຕ້​ໝອນ​ເຮັດ​ວຽກ​ໝູນ​ໝອນ​ໃຫ້​ສູງ​ຂຶ້ນ​ເໝາະ​ສົມ​ກັບ​ການ​ນອນ​ຂອງ​ເຮົາ​ແບບ​ອັດ­ຕະ­ໂນ­ມັດ ເຊິ່ງ​ມັນ​ຈະ​ຊ່ວຍ​ໃຫ້​ລະ­ບົບ​ທາງ​ເດີນ​ຫາຍ­ໃຈ​ທີ່​ຖືກ​ປິດ​ກັ້ນ​ເຮັດ​ວຽກ​ໄດ້​ດີ​ຂື້ນ ແລະ ຊ່ວຍ​ຫຼຸດ​ສຽງ​ໂກນ​ໄດ້.

   ສ່ວນ​ວິ­ທີ​ການ​ໃຊ້​ງານ​ກໍ່​ງ່າຍ ພຽງ​ແຕ່ ກົດ​ປຸ່ມ​ເປີດ​ນຳ​ໃຊ້​ງານ​ແລ້ວ­ໄປ​ປະ​ໄວ້​ໃຕ້​ໝອນ​ສ່ວນ​ທີ່​ເຫຼືອ​ມັນ​ຈະ​ເຮັດ​ວຽກ​ແບບ​ອັດ­ຕະ­ໂນ­ມັດ ທັງ​ປ່ອຍ​ສຽງ​ທຳ​ມະ​ຊາດ​ອັນ​ມ່ວນ​ອອນ­ຊອນ​ຈົນ​ເຮັດ​ໃຫ້​ເຮົາ​ນອນ​ຫຼັບ​ແບບ​ບໍ່​ຮູ້­ສຶກ​ຕົວ.

ຂ່າວທີ່ກ່ຽວຂ້ອງ