ຂ່າວຫຼ້າສຸດ

ເບີ່ງບ້ານເຂົາເອົາບົດຮຽນ 12/07/2018

110 12 ກ.ກ. 2018 ຫົວຂໍ້ຂ່າວອື່ນໆ

   ຄໍ​ລຳ​ປະ­ຈຳ​ວັນ​ນີ້ ມີ​ເລື່ອງ​ນະ­ໂຍ­ບາຍ​ອະ­ນຸ­ຍາດ​ໃຫ້​ຄົນ​ຕ່າງ­ປະ­ເທດ​ພັກ​ອາ­ໄສ​ຢູ່​ປະ­ເທດ​ກາ​ຕາ​ໄດ້​ຢ່າງ​ຖາ­ວອນ ແລະ ຕໍ່​ໃສ່​ເລື່ອງ​ອິນ​ໂດ​ເນ​ເຊຍ ຮ່ວມ​ມື​ກັບ ກູ​ເກິນ ແລະ ທະ​ວິດ​ເຕີ ໃນ​ການ​ກຳ­ຈັດ​ເນື້ອ​ໃນ​ບໍ່​ດີ​ຢູ່​ໃນ​ເວັບ​ໄຊ.

   ທີ່ ກາ​ຕາ: ຂ່າວ​ແຕ່​ຕົ້ນ​ປີ­ຜ່ານ­ມາ​ໄດ້​ເວົ້າ​ເຖິງ ນະ­ໂຍ­ບາຍ​ຂອງ​ປະ­ເທດ​ກາ​ຕາ ໃນ​ການ​ອະ­ນຸ ຍາດ​ໃຫ້​ຊາວ​ຕ່າງ­ປະ­ເທດ​ບາງ​ກຸ່ມ​ສາ­ມາດ​ດຳ ລົງ​ຊີ­ວິດ ແລະ ເຄື່ອນ​ໄຫວ​ວຽກ​ງານ​ຢູ່​ກາ​ຕາ​ໄດ້​ຢ່າງ​ຖາ­ວອນ ໂດຍ​ມີ​ຂໍ້​ກຳ­ນົດ​ວ່າ ຕ້ອງ​ແມ່ນ​ຄົນ​ຕ່າງ­ປະ­ເທດ​ທີ່​ໄດ້​ເຮັດ​ວຽກ​ເພື່ອ​ຜົນ​ປະ­ໂຫຍດ​ຂອງ​ປະ­ເທດ​ກາ​ຕາ.

   ນະ­ໂຍ­ບາຍ​ດັ່ງ­ກ່າວ ພົວ­ພັນ​ກັບ​ຊາວ​ຕ່າງ ປະ­ເທດ​ຈຳ­ນວນ​ຫຼາຍ​ສິບ​ພັນ​ຄົນ​ທີ່​ພວມ​ອາ­ໄສ ແລະ ເຄື່ອນ​ໄຫວ​ວຽກ​ງານ​ຢູ່​ປະ­ເທດ​ນີ້ ໃນ​ປັດ​ຈຸ ບັນ ເອ­ກະ­ສານ​ນະ­ໂຍ­ບາຍ​ນີ້​ໄດ້​ກຳ­ນົດ​ວ່າ: ເດັກ ນ້ອຍ​ທີ່​ເກີດ​ຈາກ​ແມ່​ທີ່​ເປັນ​ຄົນ​ກາ​ຕາ ແລະ ພໍ່​ຄົນ​ຕ່າງ­ປະ­ເທດ ກໍ່​ຄື ຊາວ​ຕ່າງ­ປະ­ເທດ​ທີ່​ໃຫ້ ບໍ­ລິ­ການ​ອັນ​ເປັນ​ປະ­ໂຫຍດ​ແກ່​ກາ​ຕາ ຫຼື ຊາວ​ຕ່າງ­ປະ­ເທດ​ທີ່​ມີ​ຄວາມ​ຊຳ­ນານ​ງານ​ເປັນ​ພິ­ເສດ ຈະ​ໄດ້​ຮັບ​ການ​ອະ­ນຸ­ຍາດ​ໃຫ້​ຢູ່​ເຄື່ອນ​ໄຫວ​ໄດ້​ຖາ­ວອນ​ໃນ​ກາ​ຕາ.

   ຜູ້​ທີ່​ໄດ້​ຮັບ​ອະ­ນຸ­ຍາດ​ດັ່ງ­ກ່າວ ຈະ​ໄດ້​ຮັບ​ສິດ​ສະ ເໝີ​ພາບ​ກັບ​ພົນ­ລະ­ເມືອງ​ກາ​ຕາ ໃນ​ການ​ຮັບ​ບໍ​ລິ ການ​ດ້ານ​ສາ­ທາ­ລະ­ນະ​ປະ­ໂຫຍດ​ຕ່າງໆ ລວມ ທັງ​ການ​ໄດ້​ຮັບ​ການ​ເບິ່ງ­ແຍງ​ສຸ­ຂະ­ພາບ ການ​ສຶກ​ສາ ສິດ​ໃນ​ການ​ເລືອກ​ປະ­ກອບ​ອາ­ຊີບ​ໃນ​ອົງ ການ​ຂອງ​ລັດ ການ​ຮັບ​ໃຊ້​ໃນ​ກອງ­ທັບ ສິດ​ຄອບ ຄອງ​ຊັບ​ສິນ ແລະ ດຳ­ເນີນ​ທຸ­ລະ​ກິດ​ແບບ​ເປັນ​ເອ­ກະ­ລາດ ໂດຍ​ບໍ່​ຈຳ­ເປັນ​ມີ​ຄູ່​ຮ່ວມ​ທີ່​ເປັນ​ພົນ ລະ​ເມືອງ​ກາ​ຕາ​ຄື​ແຕ່​ກ່ອນ.

   ທີ່ ອິນ​ໂດ​ເນ​ເຊຍ: ນັບ​ແຕ່​ກາງ​ປີ 2017 ເປັນ ຕົ້ນ​ມາ ກະ­ຊວງ​ການ​ສື່­ສານ ແລະ ເຕັກ​ໂນ​ໂລ​ຊີ ຂໍ້​ມູນ​ຂ່າວ­ສານ ອິນ​ໂດ​ເນ​ເຊຍ ໄດ້​ຕົກ­ລົງ​ສ້າງ­ຕັ້ງ​ກົນ​ໄກ​ຮ່ວມ​ມື​ກັບ​ສອງ​ບໍ­ລິ­ສັດ​ອິນ​ເຕີ​ເນັດ​ຂອງ​ສະ­ຫະ­ລັດ​ອາ​ເມ​ຣິ​ກາ ຄື: ກູ​ເກິນ ແລະ ທະ​ວິດ​ເຕີ ໃນ​ຄວາມ​ພະ­ຍາ­ຍາມ​ລວມ​ເພື່ອ​ກຳ­ຈັດ​ເນື້ອ​ໃນ​ບໍ່​ດີ ແລະ ລະ­ເມີດ​ລະ­ບຽບ​ກົດ­ໝາຍ​ໃນ​ເວັບ​ໄຊ​ຕ່າງໆ.

   ແຜນ­ການ​ຮ່ວມ​ມື​ດັ່ງ­ກ່າວ ເຊິ່ງ​ເອີ້ນ​ເປັນ​ພາ­ສາ​ອັງ­ກິດ​ວ່າ: Trusted Flagger ເຮັດ​ໜ້າ­ທີ່​ຄຸ້ມ​ຄອງ​ເນື້ອ​ໃນ​ຂອງ ກູ​ເກິນ ດ້ວຍ​ວິ­ທີ​ກວດ­ກາ​ໂດຍ​ອາ­ສາ​ສະ­ໝັກ ເພື່ອ​ໝາຍ​ໄວ້​ໃຫ້​ກູ​ເກິນ​ກວດ­ກາ​ຕື່ມ​ວ່າ ໄດ້​ລະ­ເມີດ​ກົດ​ລະ­ບຽບ​ຂອງ​ຕົນ ຫຼື ບໍ່ ຈາກ​ນັ້ນ ກໍ່​ຈະ​ພິ­ຈາ­ລະ­ນາ​ຕື່ມ​ວ່າ ເນື້ອ​ໃນ​ໃດ​ຄວນ​ຈຳ­ກັດ​ອາ­ຍຸ​ຜູ້​ອ່ານ ແລະ ເນື້ອ​ໃນ​ໃດ​ຄວນ​ລຶ­ບລ້າງ​ອອກ​ເລີຍ ເວົ້າ​ໄດ້​ວ່າ ອິນ​ໂດ​ເນ​ເຊຍ​ເປັນ​ປະ­ເທດ​ທຳ​ອິດ ທີ່​ມີ​ການ​ຕົກ­ລົງ​ລັກ­ສະ­ນະ​ນີ້​ກັບ 2 ບໍ­ລິ­ສັດ​ອິນ​ເຕີ​ເນັດ​ໃຫຍ່​ຂອງ​ສະ­ຫະ­ລັດ​ອາ​ເມ​ຣິ​ກາ ຕໍ່​ມາ​ກໍ່​ມີ​ປະ­ເທດ​ໃນ​ອາ​ຊຽນ​ອີກ​ຈຳ­ນວນ​ໜຶ່ງ​ໄດ້​ເຄື່ອນ​ໄຫວ​ຮ່ວມ​ມື​ກັບ​ບໍ­ລິ­ສັດ​ຕ່າງ­ປະ­ເທດ​ທີ່​ໃຫ້​ບໍ­ລິ­ການ​ເຄືອ​ຄ່າຍ​ອອນ​ລາຍ ເຊັ່ນ: ເຟດ​ບຸກ ຢູ​ທູບ ແລະ ອື່ນໆ ເພື່ອ​ຮ່ວມ​ກັນ​ແກ້​ໄຂ​ເນື້ອ​ໃນ​ທີ່​ສົ່ງ​ຜົນ​ກະ­ທົບ​ທາງ​ລົບ​ຕໍ່​ສັງ­ຄົມ​ໂດຍ​ລວມ ກໍ່​ຄື ຄວາມ​ໝັ້ນ­ຄົງ​ຂອງ​ປະ­ເທດ.

ຂ່າວທີ່ກ່ຽວຂ້ອງ