ຂ່າວຫຼ້າສຸດ

ຄຣາວພລາຊາ ສົ່ງເສີມການພັດທະນາຊັບພະຍາກອນມະນຸດ ແບບຍືນຍົງ

183 12 ກ.ກ. 2018 ຂ່າວໜ້າ​ໜຶ່ງ
ຄຣາວພລາຊາ ສົ່ງເສີມການພັດທະນາຊັບພະຍາກອນມະນຸດ ແບບຍືນຍົງ

   ການ​ດຳ­ເນີນ​ທຸ­ລະ​ກິດ ທີ່​ບໍ່​ຫວັງ​ຜົນ​ກຳ­ໄລ​ແຕ່​ຢ່າງ​ດຽວ ຖື​ວ່າ​ເປັນ​ຕົວ​ແບບ​ທີ່​ດີ​ໃນ​ການ​ດຳ­ເນີນ​ທຸ­ລະ​ກິດ​ໃນ​ຍຸກ​ປັດ­ຈຸ­ບັນ ເນື່ອງ​ຈາກ​ການ​ເຕີບ​ໃຫຍ່​ຂະ­ຫຍາຍ­ຕົວ​ຂອງ​ທຸ­ລະ​ກິດ ກໍ່​ປະ­ຕິ­ເສດ​ບໍ່​ໄດ້​ວ່າ​ເກີດ​ຈາກ​ບຸ​ຄະ­ລາ​ກອນ​ທີ່​ມີ​ຄວາມ​ຮູ້ ຄວາມ​ສາ­ມາດ ແລະ ລະ­ດັບ​ທີ່​ແນ່­ນອນ ເຊິ່ງ​ຕໍ່​ກັບ​ບັນ­ຫາ​ນີ້ ກຸ່ມ​ຜູ້​ດຳ­ເນີນ​ທຸ­ລະ​ກິດ​ຂອງ​ໂຮງ­ແຮມ​ຄຣາວ​ພລາ​ຊາ ຈິ່ງ​ໄດ້​ຈັດ​ຕັ້ງ​ປະ­ຕິ­ບັດ​ໂຄງ­ການ IHG academy ຂຶ້ນ ເພື່ອ​ສົ່ງ­ເສີມ​ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ​ແບບ​ຍືນ​ຍົງ ຄຽງ​ຄູ່​ກັບ​ການ​ສ້າງ​ທັກ​ສະ​ວິ­ຊາ​ຊີບ ໃຫ້​ແກ່​ນັກ​ສຶກ​ສາ​ໃຫ້​ມີ​ຄວາມ​ສາ­ມາດ​ໃນ​ລະ­ດັບ​ສາ­ກົນ​ຮອງ​ຮັບ.

   ວັນ​ທີ 11 ກໍ­ລະ­ກົດ 2018 ຢູ່​ທີ່​ໂຮງ­ແຮມ​ຄຣາວ​ພລາ​ຊາ ໄດ້​ມີ​ພິ­ທີ​ລົງ​ນາມ​ບົດ​ບັນ­ທຶກ​ການ​ຮ່ວມ​ມື​ດ້ານ​ວິ­ຊາ​ການ ແລະ ການ​ພັດ­ທະ­ນາ​ຊັບ­ພະ­ຍາ­ກອນ​ມະ­ນຸດ​ແບບ​ຍືນ​ຍົງ ລະ­ຫວ່າງ ໂຮງ­ແຮມ​ຄຣາວ​ພລາ​ຊາ ວຽງ​ຈັນ ແລະ ມະ­ຫາ ວິ­ທະ­ຍາ­ໄລ​ແຫ່ງ​ຊາດ​ລາວ ພາກ​ວິ­ຊາ​ການ­ທ່ອງ­ທ່ຽວ ແລະ ການ​ໂຮງ­ແຮມ ຄະ­ນະ​ວິ­ທະ­ຍາ­ສາດ​ສັງ­ຄົມ ຮ່ວມ​ລົງ​ນາມ ລະ­ຫວ່າງ ທ່ານ ໂອ​ລິ​ເວີ ຮອນ ຜູ້​ຈັດ­ການ​ທົ່ວ​ໄປ​ໂຮງ­ແຮມ​ຄຣາວ​ພລາ​ຊາ​ວຽງ​ຈັນ ແລະ ທ່ານ ເດ​ຊາ­ນຸ​ລາດ ແສນ​ດວງ​ເດດ ຮອງ​ຄະ­ນະ­ບໍ­ດີ ຄະ­ນະ​ວິ­ທະ­ຍາ­ສາດ​ສັງ­ຄົມ ມີ​ພະ­ນັກ­ງານ-ວິ­ຊາ​ການ​ກ່ຽວ­ຂ້ອງ​ສອງ​ຝ່າຍ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ