ຣິວ ມາດຣິດ ຢືນຢັນ ໂຣນັນໂດ ຍ້າຍຮ່ວມທີມຢູເວນຕຸສ 105 ລ້ານເອີໂຣ

76 11 ກ.ກ. 2018 ວົງຈອນກີລາ
ຣິວ ມາດຣິດ ຢືນຢັນ ໂຣນັນໂດ ຍ້າຍຮ່ວມທີມຢູເວນຕຸສ 105 ລ້ານເອີໂຣ

ການຊື້-ຂາຍເກີດຂຶ້ນອີຫຼີ ເມື່ອ ຣິວ ມາດຣິດ ຢືນຢັນວ່າ ຄຣິສເຕຍໂນ່ ໂຣນັນໂດ ດາວດັງທີມຊາດປອກຕຸຍການ ຕົກລົງຍ້າຍໄປຢູ່ກັບ ຢູເວນຕຸສ ຮຽບຮ້ອນແລ້ວ ດ້ວຍຄ່າຕົວ 105 ລ້ານເອີໂຣ.

ຢູເວນຕຸສ ສະໂມສອນແຊັມ ກັນໂຊ່ ເຊເຣຍ ອາ ອິຕາລີ ໄດ້ບັນລຸຂໍ້ຕົກລົງຄວ້າຕົວ ຄຣິສເຕຍໂນ່ ໂຣນັນໂດ ກອງໜ້າດາວດັງຊາວປອກຕຸຍການຂອງ ຣິວ ມາດຣິດ ຍອດສະໂມສອນເຕະບານໃນເວທີ ລາ ລີກາ ແອັດສະປາຍ ມາເສີມທັບຮຽບຮ້ອຍແລ້ວ ຕາມລາຍງານຈາກ ມາຣ໌ກ້າ ສື່ກີລາຊັ້ນແນວໜ້າຂອງແອັດສະປາຍ ເມື່ອວັນອັງຄານທີ 10 ກໍລະກົດທີ່ຜ່ານມາ.

ຂະນະດຽວກັນ ຫຼ້າສຸດ ຣິວ ມາດຣິດ ກໍອອກຖະແຫຼງການຢືນຢັນແລ້ວວ່າ ໂຣນັນໂດ ໄດ້ຕົກລົງຮ່ວມທີມ ຢູເວນຕຸສຮຽບຮ້ອຍ ດ້ວຍຄ່າຕົວ 105 ລ້ານເອີໂຣ ໂດຍຄາດກັນວ່າ ດາວເຕະທີມຊາດປອກຕຸຍການໄວ 33 ປີ ຈະຮັບຄ່າແຮງປີລະ 30 ລ້ານເອີໂຣ ໃນສັນຍາ 4 ປີ ຊຶ່ງບັນດາຜູ້ສະໜັບສະໜູນຈະຊ່ວຍລົງທຶນໂດຍກົງສ່ວນນີ້ດ້ວຍ ຖືວ່າເປັນການປິດສາກການຄ້າຝີຕີນ 9 ປີ ໃນຖິ່ນ ຊານຕິອາໂກ ເບນາເບວ ສໍາລັບ ໂຣນັນໂດ ໂດຍຜູ້ກ່ຽວຍິງໄປທັງໝົດ 450 ປະຕູ ຈາກການລົງຫຼິ້ນທັງໝົດ 438 ນັດ.

ຂ່າວທີ່ກ່ຽວຂ້ອງ