ເກີດ​ອຸບັດເຫດ​ທາງນ້ຳ ແລະ ​ທາງ​ອາກາດ​ຢູ່​ໃນ​ໄທ

562 10 ກ.ລ. 2018 ຂ່າວຕ່າງປະເທດ
ເກີດ​ອຸບັດເຫດ​ທາງນ້ຳ ແລະ ​ທາງ​ອາກາດ​ຢູ່​ໃນ​ໄທ

   ນັບ​ມາ​ຮອດ​ຕອນ​ເຊົ້າ​ວັນ​ທີ 8 ກໍລະກົດ​ນີ້ ເຫດການ​ເຮືອ​ໂດຍສານ​ຫຼົ້ມ ທີ່​ເກີດ​ຢູ່​ຈັງຫວັດ​ພູ​ເກັດ (ໄທ) ໄດ້​ພາໃຫ້ 42 ຄົນ​ເສຍ​ຊີວິດ ແລະ ຍັງ​ມີ 15 ຄົນ​ຫາຍ​ສາບ​ສູນ. ປັດຈຸບັນ ວຽກ​ງານ​ຄົ້ນ​ຫາ​ກອບ​ກູ້​ຍັງ​ພວມ​ສືບຕໍ່​ດຳເນີນ​ຢູ່.

    ໃນ​ຂະນະ​ດຽວ​ກັນ ສື່​ມວນ​ຊົນ​ໄທ​ລາຍ​ງານ ໃນ​ວັນ​ທີ 5 ກໍລະກົດ​ນີ້​ວ່າ ເຮືອບິນ​ຂະໜາດ​ນ້ອຍ​ລຳ​ໜຶ່ງ ທີ່​ໃຊ້​ໃນ​ການ​ລາດຕະເວນ​ປະຈຳ​ວັນ​ຂອງ​ທະຫານ​ໄທ ໄດ້​ເກີດ​ອຸບັດເຫດ​ຕົກ​ຢູ່​ປ່າໄມ້​ໃນ​ຈັງຫວັດ​ແມ່​ຮ່ອງ​ສອນ​ປະເທດ (ໄທ) ທີ່​ຫ່າງ​ຈາກ​ຊາຍ​ແດນ​ມຽນ​ມາ ປະມານ 4 ກິໂລແມັດ ເປັນ​ເຫດ​ໃຫ້​ຜູ້​ຢູ່​ໃນ​ເຮືອບິນ​ດັ່ງກ່າວ ເສຍ​ຊີວິດ 3 ຄົນ ແລະ​ບາດເຈັບ 1 ຄົນ.

    ສ່ວນ​ນັກ​ກິລາ​ເຍົາວະ​ຊົນ​ທິມ “ໝູ​ປ່າ” ຈຳນວນ 12 ຄົນ ທີ່​ມີ​ອາຍຸ 11-16 ປີ ແລະ​ຄູ​ຝຶກ 1 ຄົນ ອາຍຸ 25 ປີ ທີ່​ຕິດ​ຄ້າງ​ຢູ່​ໃນ​ຖ້ຳ​ຫຼວງ​ຂຸນ​ນ້ຳ​ນາງ​ນອນ ໃນ​ຈັງຫວັດ​ຊຽງ​ຣາຍ (ໄທ) ມາ​ຕັ້ງແຕ່ ວັນ​ທີ 23 ມິຖຸນາ​ທີ່​ຜ່ານ​ມາ​ນັ້ນ ມີ​ລາຍ​ງານ​ຂ່າວ​ວ່າ ການ​ຊ່ວຍເຫຼືອ​ນຳ​ເອົາ​ພວກ​ເຂົາ​ອອກ​ມາ​ຈາກ​ຖ້ຳ ມາ​ຮອດ​ຕອນ​ຄ່ຳ​ຂອງ​ວັນ​ທີ 8 ກໍລະກົດ ອອກ​ມາ​ໄດ້​ແລ້ວ 4 ຄົນ ຊຶ່ງ​ພວກ​ເຂົາ​ກໍ​ໄດ້​ຮັບ​ການ​ຊ່ວຍເຫຼືອ​ປິ່ນປົວ​ເບື້ອງ​ຕົ້ນ ກ່ອນ​ທີ່​ຈະ​ສົ່ງ​ຕົວ​ໄປ​ຍັງ​ໂຮງໝໍ​ໃນ​ຈັງຫວັດ ຊຽງ​ຣາຍ. ໃນ​ວັນ​ທີ 9 ກໍລະກົດ​ນີ້ ໜ່ວຍ​ງານ​ກູ້​ໄພ​ສືບຕໍ່​ປະຕິບັດ​ງານ ເພື່ອ​ຊ່ວຍເຫຼືອ​ພວກ​ເດັກນ້ອຍ ແລະ​ຄູ​ຝຶກ​ທີ່​ຍັງ​ຄ້າງ​ຢູ່​ໃນ​ຖ້ຳ​ອີກ 9 ຄົນ.

 

ຂ່າວທີ່ກ່ຽວຂ້ອງ