ຂ່າວຫຼ້າສຸດ

ນະຄອນຫຼວງ ທົດລອງສ້າງແທັບ ເຮັດໃຫ້ຍຸງກາຍເປັນໝັນ ບໍ່ສາມາດແຜ່ພັນ

164 10 ກ.ກ. 2018 ຂ່າວໜ້າ​ໜຶ່ງ
ນະຄອນຫຼວງ ທົດລອງສ້າງແທັບ ເຮັດໃຫ້ຍຸງກາຍເປັນໝັນ ບໍ່ສາມາດແຜ່ພັນ

   ພະ­ຍາດ​ໄຂ້­ຍຸງ​ລາຍ (ໄຂ້­ເລືອດ­ອອກ) ຢູ່​ນະ­ຄອນ­ຫຼວງ​ວຽງ​ຈັນ (ນວ) ສາ­ມາດ​ຄວບ​ຄຸມ​ໄດ້​ດີ ປັດ­ຈຸ­ບັນ​ຕົວ​ເລກ​ກໍ­ລະ­ນີ​ຄົນ​ເຈັບ​ແມ່ນ​ມີ​ຈຳ­ນວນ​ຫຼຸດ​ລົງ​ຖ້າ​ທຽບ­ໃສ່​ໄລ­ຍະ​ດຽວ​ກັນ​ຂອງ​ປີ­ຜ່ານ­ມາ ພິ­ເສດ​ແມ່ນ​ບໍ່​ມີ​ຜູ້​ເສຍ​ຊີ­ວິດ​ຍ້ອນ​ພະ­ຍາດ​ນີ້ ເນື່ອງ​ຈາກ​ພາກ­ສ່ວນ​ກ່ຽວ­ຂ້ອງ​ໄດ້​ເອົາ­ໃຈ­ໃສ່​ໃນ​ການ​ຕ້ານ ແລະ ຄວບ​ຄຸມ​ຢ່າງ​ຕັ້ງ­ໜ້າ ໂດຍ​ການ​ໃຊ້​ຫຼາຍ​ມາດ​ຕະ­ການ​ໃນ​ການ​ເຝົ້າ​ລະ­ວັງ​ຕັ້ງ­ແຕ່​ຫົວ­ທີ.

   ທ່ານ ພອນ​ປະ­ເສີດ ອຸ​ນາ​ພົມ ຫົວ­ໜ້າ​ພະ​ແນກ​ສາ­ທາ­ລະ­ນະ​ສຸກ ນວ ໃຫ້​ສຳ­ພາດ​ວັນ​ທີ 4 ກໍ­ລະ­ກົດ 2018 ວ່າ: ປີ 2018 ເປັນ​ປີ​ໜຶ່ງ​ທີ່​ຄະ­ນະ​ກຳ­ມະ­ການ​ຕ້ານ ແລະ ຄວບ​ຄຸມ­ພະ​ຍາດ​ຕິດ­ຕໍ່​ຂັ້ນ ນວ ໄດ້​ເອົາ­ໃຈ­ໃສ່​ໃນ​ການ​ເຝົ້າ​ລະ­ວັງ​ພະ­ຍາດ​ໄຂ້­ຍຸງ​ລາຍ ໂດຍ​ໄດ້​ມີ​ການ​ກະ­ກຽມ ແລະ ຈັດ​ຕັ້ງ​ປະ­ຕິ­ບັດ​ບັນ­ດາ​ກິດ­ຈະ­ກຳ​ທີ່​ຈຳ­ເປັນ​ໃນ​ການ​ຕ້ານ ແລະ ຄວບ​ຄຸມ​ແຕ່​ຕົ້ນ​ປີ ຈຶ່ງ​ເຮັດ​ໃຫ້​ຈຳ­ນວນ​ກໍ­ລະ­ນີ​ຕິດ­ເຊື້ອ​ພະ­ຍາດ​ໄຂ້­ຍຸງ​ລາຍ ບໍ່​ມີ​ຄວາມ​ຮຸນ​ແຮງ ແລະ ຕົວ​ເລກ​ກໍ­ລະ­ນີ​ຕິດ­ເຊື້ອ​ພະ­ຍາດ​ນີ້ ນັບ​ແຕ່​ປີ 2013 (ມີ​ການ​ລະ­ບາດ​ໃຫຍ່) ເປັນ­ຕົ້ນ​ມາ ນັບ​ມື້​ຫຼຸດ​ລົງ ແລະ ບໍ່​ມີ​ຄວາມ​ຮຸນ​ແຮງ​ເກີດ​ຂຶ້ນ​ຢູ່ ນວ ປັດ­ຈຸ­ບັນ​ທົ່ວ​ປະ­ເທດ​ມີ​ຜູ້​ຕິດ­ເຊື້ອ​ພະ­ຍາດ​ໄຂ້­ຍຸງ​ລາຍ 1.807 ກໍ­ລະ­ນີ ເສຍ​ຊີ­ວິດ 8 ກໍ­ລະ­ນີ ສະ­ເພາະ​ຢູ່ ນວ ມີ​ຜູ້​ຕິດ­ເຊື້ອ​ພະ­ຍາດ​ແລ້ວ 199 ກໍ­ລະ­ນີ (ບໍ່​ມີ​ກໍ­ລະ­ນີ​ເສຍ​ຊີ­ວິດ) ໂດຍ​ມາດ​ຕະ­ການ​ໃນ​ການ​ເຝົ້າ​ລະ­ວັງ​ແມ່ນ​ໄດ້​ຕິດ­ຕາມ​ການ​ລາຍ​ງານ​ເປັນ​ລາຍ​ອາ­ທິດ ເຊິ່ງ​ມາ​ຮອດ​ອາ­ທິດ​ທີ 26 ປີ 2018 ນວ ມີ​ຜູ້​ຕິດ­ເຊື້ອ 42 ກໍ­ລະ­ນີ ທຽບ­ໃສ່​ໄລ­ຍະ​ດຽວ​ກັນ​ປີ 2017 ແມ່ນ 130 ກໍ­ລະ­ນີ.

ຂ່າວທີ່ກ່ຽວຂ້ອງ